في August 21 2011 20:12:56
شووووووووووووووووووووووو الفائدددددة ؟؟؟؟؟ طلعنا ومشي الحاااااال
حسبي الله ونعم الوكيل |
في August 21 2011 20:22:11
اي شو يعني اذا شكلو لجنة رح يرجع المنتخب عالتصفيات |
في August 21 2011 20:24:48
اطالب بمحاكمة الرجل الفاسد فارووق سرية الذي استهتر باحلام 23 مليون سوري اولا بكاس اسيا عندما هرب المدربين الاجانب من تدخلاته وازعاجاته والآن مرة اخرى قتل احلامنا بمشاهدة منخبنا بكاس العالم خاصة بعدما فرحنا بالمستى الممتاز الذي وصل اليه المنتخب
اطالب باعلى صوت بمعاقبته باقسى العقوبات ليكون عبرة بمن يستهتر باحلام السوريين الغالية |
في August 21 2011 20:59:25
يا شباب انا اكتشفت انو سرية في الو مصالحة من عدم العب في بتصفيات كاس العالم ابصر شو هو وبظن انو هدا الشخص قليل علي الاستقاله نطالب بمحاكمته ............. |
في August 21 2011 21:30:32
مسخرة والله مسخرة لسا عم يوقول:" في حال ثبت وجود أي تقصير من أعضاء اتحاد الكرة في موضوع جورج مراد فنحن جاهزون لتقديم استقالاتنا "
لك كلك على بعضك تقصير يعني لسا الك عين تبقى والله بهدلتنا بين الاجانب الله لايوفقكون يا.................حلوين
بس سؤال :شو قال جورج ماحكى شي هالمسكين والله مالو علاقة ؟ |
في August 21 2011 22:02:05
قال لجنة قال
طيب واذا انحرم الفريق السوري من خوض التصفيات يا فاروق رح تتم رئيس اتحاد بعد هل فضيحة
هون بقلو لأخي وائل عدس مرح تكون اللجنة من خارج اتحاد الكرة بركي ادنو الاتحاد هههههههههههه
عن شي شي بيجنن |
في August 21 2011 23:29:49
شو هاللجنة المحترمة المؤلفة من اعضاء الاتحاد نفسو ولا فعلا حاميها حراميها |
في August 21 2011 23:47:28
ليش بدكن تغلقوا الموقع شو ذنب المحترفين والله موذنبكون لا انتو ولا جورج مراد السبب كلو من اتحاد الكرة يلي ما بيعرف بقوانين الفيفا رجاء خاص ما تسكروا الموقع
===============================================
اخي العزيز تاكد اننا لسنا سعيدين لهذا القرار لكن استمرارنا ليس له اي جدوى بالوقت الحالي لانه في حال استمرار الاتحاد الحالي فمن المؤكد انه لن يستعين بالمحترفين مرة اخرى و ان تغيير الاتحاد ايضاً سيخاف من استدعاء محترفين جدد لكي يقعوا بنفس الغلط الذي وقع به الاتحاد الحالي برئاسة السرية. |
في August 22 2011 00:05:04
رجاء خاص من ادارة للموقع لعدم الاغلاق ولاننا نحتاج لكم ولكافة اخبار المحترفين
واتمنا من الشباب القيام بحملة وطنية لمحاسبة فاروق سرية ونائبه |
في August 22 2011 00:20:26
الأخوة الأعزاء قرار إغلاق الموقع غير عائد لكم اتمنى احترام رأينا فنحن نحترم هذا الموقع شديد الاحترام فهو خطوة لتقدم كرة القدم السورية فيرجى عدم إغلاقه وشكراً |
في August 22 2011 00:35:20
ياريت لو تسكروا عالموقع ........................................................... |
في August 22 2011 00:51:16
سؤال لادارة الموقع امت القرار النهائي للمكمة الدولية رجاء الرد وهل في امل ان نرجع للتصفيات
==================================================
من المنتظر ان يصدر القرار بالساعات القليلة القادمة والامل معقود على تاخر الاتحاد الطاجيكي بالاعتراض لبعد 12 يوم من اللقاء بينما الفترة القانوينة حسب الفيفا هي بعد المباراة ب72 ساعة كاقصى حد. |
في August 22 2011 02:00:54
رجاءا لا تسكروا الموقع لانو اذا استدعوا محترفين جدد بلكي بيتعلموا من غلطن رجاءا لا تسكروا الموقع --شفتوا ليش بضل اسمي المزعوج لاني بحياتي ما اجاني خبر مفرح |
في August 22 2011 04:01:43
امت يصدر قرار المحكم الرياضية |
في August 22 2011 05:48:38
يرجى عدم إغلاقه
وشــــــــــــــــــــــــــــكراً |
في August 22 2011 07:26:19
انا براي انو السريه لازم يستقيل لانو حاجه مسخره شو اذا ثبت تقصير (الغلط باين من راسكن لرجليكن)روح تعلم القرايه والكتابه بالاول والشيء المضحك اكتر انو لجنه تقصي الحقائق من نفس الاتحاد المقصر يعني بالمشرمح رح يحاسبو نفسن
انا اطالب المسؤولين بالدوله وعلى راسهن سياده الرئيس بانشاء وزاره للرياضه واعتبارها من ضمن برامج الاصلاح ومحاربه الفاسدين |
في August 22 2011 09:02:25
رجاء ثم رجاء ثم رجاااااااااااااااااااء لا تغلقوا هذا الموقع الأكثر من رائع ..الذنب ليس ذنبكم وليس ذنب الاعب جورج مراد الذنب هو ذنب اتحاد الفساد وأعلموا أننا كجمهور محب للمنتخب سنستمر بالمطالبة بجلب أي لاعب سوري سطع نجمه خارج وطننا الغالي لينضم لمنتخبنا حتى لو كان رئيس الإتحاد السرية الفاشل أو غيره ...استمراركم في العمل لن يذهب أدراج الرياح يكفي أن هناك الكثير من الجماهير السورية وأنا منها نتصفح موقعكم بشكل شبه يومي لنتعرف على انجازات السوريين خارج حدود الوطن. |
في August 22 2011 09:14:56
الى ادارة الموقع الكريم : اغلاق الموق ما عاد شي بخصكم الكم بس صار شي اساسي بحياة كل "عشاق الرياضة السورية" يعني الشغلة مو سهلة لانو الموضوع الفساد مو متعلق فيكم بس هو شغلة "معشعشة"بقلب التحاد السوري برئاسة الهمهل فاروق سرية واعوانه طبعااكيد بضل اغلاق الموقع امر بيرجع الكم بس انا بتمنى منك انو تراجعو حالكم لانو هاد مستقبل الرياضة السورية الا ما يجي يوم ويجي ناس يشتغلو لهل بلد بأخلاص وشاعاتها انشالله كانا رح نتعاون ايد بأيد لحتى نمشي مع بعض بس هيك حراااااااااااااااااام وشكرا ارجو الاخذ بعين الاعتبار |
في August 22 2011 09:54:27
انا اوقح من هالزلمه ماشفت ولسا لو عين يطلع ويحكي لك ازا هلا مااستحى عاحالو وقدم استقالتو ايمتى لكان وبالنسبه للجنه يلي شكلوا بينطبق عليها القول حاميها حراميها يعني هم المذنب والقاضي بنفس الوقت اي شو هاد يا . |
في August 22 2011 10:41:22
بصراحة :
هادا الموقع اعطانا الامل بل منتخب عن طريئ المحترفين يلي عرفنا عليون عطانا الامل بمنتخب ئوي بمنتخب بيئدر ينافس بمحترفينو والله ياشباب انا بصراحة لولا المحترفين ما بعزب حالي وبتفرد عل منتخب وبحب ئول للادارة انو لا تسكرو الموقع مشان الله ومشان الاتحاد الئديم او الجديد فا بحب ئلكون انو انشالله غصب يلي عنون
بدن يجيبو المحترفين لئنو معت نسكت علا شي من يوم ورايح ويعطيكن الف عافي علا هل الموقع الرائع
بتمنى تمو فاتحينو
وشكرا |
في August 22 2011 10:57:15
ياشباب مشان الله لاتسكرو الموقع |
في August 22 2011 13:11:55
يا جماعة طولو بالكن ما وصلنا لتسكير الموقع انتو بتجيبو اخبار اللعيبة اللي برة ( ويصطفلو اذا ما خرجن يديرو المنتخب انتو بتسكرو الموقع )واذا جي اتحاد جديد ليش متوقعين يكون سيئ |
في August 22 2011 13:26:03
الى موقع المحترفين:
ليش ما بترشحوا حدا من عنكن لرئاسة الإتحاد السوري لكرة القدم؟
أرجو الإجابة |
في August 22 2011 13:48:12
اغلاق الموقع واسلقاله الاتحاد هيه الثمن الذي لازم انتوا تتدفعوه حتئ ما تتدخلوا بشي انتوا ما بتفهموا فيه لا تنوا صحافيين ولا انتوا تعرفوا شي غير انه تنقلوا عن مواقع تانيه يعني حتئ تعلقاتكم كنت تدل عليكم ودل انه ما لكم علاقه باي شي اسمه صحافه وانه ما تعرفوا حتئ توصفوا مباره ونفس الكلام يبتكرروه في كل مقال يعني ماكل علاقه يشي يعني انتوا بجهلكم شاركتوا الاتحاد بخروجنا من التصفيات لانه كنتم بس تحكوا هذا الاعب ممتاز وهذا قدك مستوئ رائع من فير ما تعرفوا شو تاريخه ووين لعب ومع مين كات دوركم بس تحرضوا الناس ضد الاتحاد ونوهموا الناس انه هدول الاعبين ممكن يجبوا كاس العالم وانتو مالكم علاقه بشي |
في August 22 2011 15:08:56
1-أرجو من الإدارة الكريمة عدم اغلاق الموقع
2-أرجو من جميع شباب سورية ومحبي منتخبنا أن نشن حملة كبيرة وكبيرة جدأ ضد فاروق سرية وتاج الدين فارس وكل اسم تعرفونه فاسد وفي كل المواقع الرجاء يا شباب |
في August 22 2011 15:11:09
بعد شو شكلتو لجنة بعد ماحرقتو قلب 23 مليون سوري ياحرام عليكن |
في August 22 2011 15:13:27
بعد شو شكلتو لجنة بعد ماحرقتو قلب 23 مليون سوري ياحرام عليكن |
في August 22 2011 15:14:56
يعني معقول بهاي كمان في خيانة
الولد الصغير بيعرف انو جورج مراد كان بالسويد ولعب مع الاولمبي االسويدي
يعني معقول يصعب على الطجكيين معرفة حياة اي لاعب بالعالم
بكبسة زر على google بتعرف شو اكل مبارح |
في August 22 2011 15:34:22
رجاء من الجميع و من ادارة الموقع تحديدا ان تفتح قسم خاص بزوار الموقع و ان يكون اول موضوع هو المطالبة باستقالة اتحاد الكرة الحالي و محاسبة المقصرين و كلنا سندخل و نطالب باقالة اتحاد الكرة و محاسبة المقصرين و سنتابع هذا القسم الخاص بالزوار لطرح مشاكل رياضتنا و نناقش الحلول و نطالب بها لانو حااااااااااااج مسخرة |
في August 22 2011 18:03:12
الله يوفقكن يا شباب كل زواركن ما بدن تسكرو الموقع ونحنا من زمان مو متعودين على الاتحاد الفاشل انو يتابع المحترفين او يهتم فيهم وكلنا بنعرف جهل المسؤلين باتحادنا بالقوانين الادارية ومنعرف انو لجنة المغتربين ما الها علاقة بكل شي صار واصلا مو من صلاحيتها انو تشتغل شغل السكرتارية يعني انتو ما عليكن حق وحتى لو ما في امل نشوف محترفين جدد بالمرحلة القادمة بكفينا انو نتابع اخبار لعيبتنا يلي دمهن سوري وجزاكن الله الف خير |
في August 22 2011 18:11:13
ارجو من ادارة الموقع عدم اغلاق هذا الموقع والغلط مش من موقعكم الغلط كلو على الاتحاد الفاشل انتو ما قصرتو بشي وكل شي عملتوه باخلاص وحب للوطن ورفع علم سوريا بالمحافل الدوليه ولتطوير المنتخب السوري الله يعطيكم العافية على تعبكم ورجاء عدم اغلاق هذا الموقع وانشالله نخلص من الاتحاد الفاشل |
في August 22 2011 21:19:31
سؤاللادارة الموقع في امل ولا خلص انتهت القصة ومن فوانين الفيفا اذالاعب مثل منتخب يحق له تمثيل منتخب اخر بعد خمس اعوام هذا الشي ينطبق على الكابتن جورج مراد |
في August 22 2011 22:16:50
يا شباب جورج مراد شارك بالذهاب و الاياب ؟ |
في August 22 2011 22:29:12
لك اااااااااااااااخ دموعي نزلو وقت شفت القرار بجاه كل مين عند جاه عند رب العالمين بجاه هالشهر الكريم يلي كان السبب ما بتهنى بلقمة اكلو لك ما بتهنى بولادو
الله يحرقلو قلبو متل ما حرق قلب 23 مليون سوري
الله لا يسامحو من اليوم ليوم الدين
واذا كان من جو البلد لازم يحاكم بتهمة الخيانة العظمى |
في August 22 2011 23:03:41
احسن شي انو يستقيل فاروق سرية واتحادو الفاسد |
في August 22 2011 23:19:33
ياشباب اغلاق الموقع يعني انكن بدكن تهربو وتحملو حالكن مسؤولية غباء المسؤولين عن الرياضة بالبلد ورح يلصقوها فيكن انسو موضوع الخروج من التصفيات لانو بشتى الاحوال ماكنا رح نتجاوز الدور الاول وعسى ان تكرهو شيئا وهو خير لكم يمكن تكون هالازمة سبب ونرتاح من هالفاسدين(س_ت_.....لخ)ونشكل اتحاد يلغي الروتين وويكون عنا فترة منيحة نشكل منتخب محترف ويضل يستعد حتى كأس اسيا بأستراليا منتخب محترف بالكامل |
في August 22 2011 23:41:33
lak l3'alat mo mnkon w lazem net3alam mn l3'alat bss yt3'ayr l2eti7ad w ytji nass btefham bel 9wanin sa3tha bdna njib kel lmo7tarfiin 9abel ma ytiro |
في August 23 2011 00:25:15
يعني للصراحة أنا مرضت وما درست لفحوصاتي الجامعية من ورا الاقصاء ....يا جماعة مو متخيلين كيف قضى الاتحاد السوري على حلم كان سيمتد أقل تقدير لست أشهر قادمة......الادارات وبكل صراحة في أغلب المؤسسات السورية فاشلة وهي تدفع دائما الى تفاقم المشكلة لا الى حلها (أنا متأكد ان هنالك أكثر من 5ألاف سوري انصدموا وتدمرت أحلامهم من وراء هكذا اتحاد ويحق لهؤلاء أن يعبروا وبكل صراحة عن آلامهم كيفما أرادوا )........في النهاية أرجو من الادارة اغلاق الموقع.... أكيد ليس كرها بل محبة - أطالع الموقع أكثر من عشر مرات يوميا- وذلك لكي يحافظ الموقع على احترام الجميع الى حين اعادة تشكيل المنتخب مع اتحاد جديد ومحترفين جدد والله ولي التوفيق وشكرا على العمل الشاق الذي قدمتوه خلال الفترة السابقة ادارة ومراسلين...............اخر تعليق لي حتى منتخب جديد وللصراحة أخاف لوقتها أن أيأس من الفوتبول السوري أتمنى غير ذلك |
في August 23 2011 00:55:46
مو مقعكن لي بينسحب وبيتركنا لاحالنا أنت أكيد راح تتراجعوا عن قراركن لا تتركونا بدونكن راح تصعب علينا
بس ملاحظة هدا أسمو ا أستسلام للسرية وعصابتوا؟؟؟؟؟؟؟؟؟؟؟؟؟؟؟؟؟؟؟؟
ولا أجو أقناعنا برد يبرر الأستسلام
بحبك سوريا لو شو ما صار |
في August 23 2011 03:48:31
المفروض يغلقوا الاتحاد الكرة السورية و يخلو الموقع هيدا و بس شو ذنب الموقع اذا الاتحاد فاشل كلنا كسوريين غيوريين على بلدنا نطالب بتطوير هل الموقع و دعمه بكل الامكانات لانه هو صلة الوصل بين اللاعب المغترب ووطنه و جمهوره اللي بيحبهم و لكم سلامي |
في August 23 2011 05:35:07
لك يضرب سرية وتاج ويضرب هيك اتحاد فاشل وتضرب المصالح الشخصية ويضرب الجهل والتخلف |
في August 23 2011 08:35:21
ان اؤيد اغلاق الموقع لانه يعمل لصالح سوريا بينما هؤلاء المتخلفين علميا و عمليا في مؤسسات سوريا تهدم البلد.يجب ان يدهبوا بلا رجعة |
في August 23 2011 09:41:19
نرجو منكم عدم اغلاق الموقع لانكم وبكل مصداقية ساهمتم بشكل كبير في رفع مستوى المنتخب السوري والوعي الكروي لدى الشارع السوري ، يجب ان يبقى الموقع وعشاق الكرة يدا واحدة من أجل المساهمة في خلق حالة أفضل للمنتخب ويجب أن لاننسى أن هناك الكثير من اللاعبين السوريين الصغار في العمر والذين قد يساهموا بشكل أو باخر في تطوير الكرة السورية مثل داني عشي وكريستر يوسف ونيينوس كورية وغيرهم الكثير ، يجب أن يكون لدينا القوة والارادة لاكمال المسيرة والوصول لحالة أفضل وربما يكون ذلك مع أتحاد جديد وطني مثلكم ، أرجو من كل قلبي عدم أغلاق الموقع لانكم نافذتنا الوحيدة لكرة سورية متطورة في قادمات الايام . |
في August 23 2011 12:09:15
مشان الله لاتسكرو الموقع |
في August 23 2011 14:40:33
والله عصابة إتحاد كزة القدم وغيرها؟؟وقحين وقحين وقحين كتير كتير ورجاء لاتسكروا الموقع |
في August 23 2011 15:31:25
أنا برأيي اذا بدكن تسكرو الموقع فهاد سبب بحملكم مسؤولية الخروج المخزي من التصفيات ويلي سببو اتحاد ورئيس اتحاد بظن ما معو شهادة ابتدائية |
في August 23 2011 16:06:18
امت قرار المحكمة الرياضية |
في August 23 2011 20:44:27
انتو لازم تعتذروا النا عن غباءكم وعن عملكم الذي بسببه نحن الان خارج التصفيات انتوا عن جد شباب عملتوا متل يلي اجئ يكحلها قام عماها جاولتوا تساعدوا بس بجهلكم وغباؤكم خربتوا كل شي اكيد مش بس انتو ا الاتحاد كان السبب الرئيسي لانه تعمامل معكم اولا وتانيا لانه هنن بنفسهم ما قادرين يمشوا حالهو بالدوري السور وكل واجد منهم بيحلل القانون متل ما بده فكيف القانون الدولي احسن اش كونوا رجال واعترفوا بخطاءكم وسكروا هالموقع لانه من الان ما حدئ يصدقككم |
في August 23 2011 20:46:54
ياسامعين الصوت أناشدكم بالله العظيم ما شي يخل العقل حاميها حراميها المجرم يصبح قاضي ويحكم لحاله بل براءة الرجاء التضامن مع شعلة الكرة السورية نزار محروس وملك الكرة السورية عبودي ومحب سوريا والكرة الحلبية محمد عفش لأختيارهم كاأتحاد جديد لأنأقاذ ماتبقى من تركة الثقيلة التي ورثتها اللأتحادات السابقة ورجائي الأول ولأخير أن لاتغلقو هذ الموقع الأنه المنفذ لأول ووووووولأخير لي ولجميع محبي الرياضة أخوكم المحب حمدو الدرويش |
في August 24 2011 00:33:55
ممكن تطلعونا على نتيجة تحقيق المحكمة الدولية من اجل اللاعب جورج مراد ومشاركتنا بتصفيات كأس العالم |
في August 24 2011 10:35:27
بس سؤال هلأ لسا في امل نرجع عكأس العالم بعد مااشتكينا ولا خلص مشان الله جواب |
في August 24 2011 10:48:57
هذا الموقع يشكل فسحة امل لكل الجماهير السورية وخاصة المتابعة منها للمنتخب
لذلك ارجو عدم اغلاقه واتمنى ان يكون الرد عكسيا بزيادة العمل من قبلكم لان ما حصل نحن متأكدين ليس لكم اي علاقة به |
في August 24 2011 17:17:48
تشكيل لجنة = افلات من العقاب لان من شروط تطبيق الفساد و الحكم بسلاحه تطبيق ما يسمى اللجان و لجنة تأتي و لجنة تروح و لجنة توصي و هكذاااااااااااااااااا بأختصار اتحاد فاسد و كلوا مرتشي و يطالبوهم بالاستقالة ----- هم دفعوا كي يبقوا مش لا يستقيلوا |
في August 24 2011 19:04:02
أرجو الرد مشان الله شو صار مشان الاعترااااااااااااااااااااااااض
===============================================
لم يصدر القرار حتى الان. |
في August 24 2011 19:18:08
ممكن تطلعونا على نتيجة تحقيق المحكمة الدولية من اجل اللاعب جورج مراد نرجو الرد بسرعة |
في August 25 2011 04:28:28
مشان الله امت قرار المحكمة الرياضية |
في August 25 2011 05:25:52
يا شباب انا عندي فكرة يمكن تقولوا عنها مجنونة بس ممكن تساعدنا . الاتحاد الطاجيكي كتير فقير انا بتوقع ما يطلع حدا لعندهم يعطيهم قرشين ممكن كتير انهم ينسحبوا لصالح منتتخبنا لانه بلدهم كتير متواضع فشو رأيكم بهل حل ؟؟ |
في August 25 2011 06:20:05
يعني الورق صارت عند المحكمة الرياضية |
في August 25 2011 11:14:22
الى كل العاميلين بلموقع الغالي نرجو عدم أغلاق الموقع لانكم غير مسؤلين عن ما جرى بقضية الاقصاء من تصفيات كاس العالم وعلى العكس تمام نشكر جهودكم العظيمة لخدمة الكرة السورية ويجب علينا كشعب سوري ان نقدر لكم جهدكم ونبتعد عن اتهامكم بأنكم مسؤلين عن الاقصاء الذي تسبب به جهل العاميلين بمجال الرياضة ببلدنا الغالي سورية - وأخيرا أرجو كتابة الاسم بلون الابيض والتعليق بلون الازرق لكي بقرئهو كل الزوار لموقعنا الغالي ( موقع المحترفين السورين ) ويبتعدو عن اي أتهام لكم وشكرا |
في August 25 2011 13:11:27
يا حراااااااااااااااام على هيك اتحاد يجب محاكمة فاروق سرية باسرع وقت |
في August 25 2011 18:26:08
أتمنى أن تتذكروا تعليقاتي و مقالاتي التي كتبتها على موقعكم و التي غالبا ما كنت أمزج بعض كلماتها بشخصياتكم و اسماءكم .سنتان تقريباغائبا عن الموقع و في السنتان كنت أتذكركم و أتذكر المحترفين و أخبارهم.منذ بداية تصميم الموقع على ما أذكرمنذ خمس سنوات و أنا أحسست نفسي واحدا في عائلة واحدة تجتمع على خدمة الرياضة السورية و تسهر على راحتها .لا تهربوا و لا تنسحبوا أليس واثق الخطى يمشي ملكا .لا تستسلموا فالجندي يقاتل لاخر لحظة حتى عندما ترفع راية الاستسلام تظل بندقيته بين يديه.و المريض بمرض عضال يظل يتمسك بجرعات الدواء الممزوجة بالأمل مع أنه يعرف جيدا أنه الشفاء ضئيل. تذكروا كم مقال كتب و كم تعليق وضع وكم كلمة خطت على هذا الموقع .ليست المشكلة كلها موقع المحترفين بل أنتم جزء صغير منها ؛نحن في حالة حرجة في هذا الوطن و صاحب الحق لا بد أن يظل رافعا رايته لكي يراها الاخرون .أعرف أن الحمل ثقيل عليكم لكن الناجح دائما يلتقي بحواجز و عقبات و أزمات فان لم يخرج منها فلماذا اسمه ناجح عليكم أن تكونوا يدا واحدة قلب واحد وطن واحد .لا يهم ان أتوا أو استدعوا محترفين أم لا فهذه مشكلتهم و لكن الاهم الاستمرار الاستمرار ....وللكلام بقية............................... |
في August 25 2011 18:26:26
أتمنى أن تتذكروا تعليقاتي و مقالاتي التي كتبتها على موقعكم و التي غالبا ما كنت أمزج بعض كلماتها بشخصياتكم و اسماءكم .سنتان تقريباغائبا عن الموقع و في السنتان كنت أتذكركم و أتذكر المحترفين و أخبارهم.منذ بداية تصميم الموقع على ما أذكرمنذ خمس سنوات و أنا أحسست نفسي واحدا في عائلة واحدة تجتمع على خدمة الرياضة السورية و تسهر على راحتها .لا تهربوا و لا تنسحبوا أليس واثق الخطى يمشي ملكا .لا تستسلموا فالجندي يقاتل لاخر لحظة حتى عندما ترفع راية الاستسلام تظل بندقيته بين يديه.و المريض بمرض عضال يظل يتمسك بجرعات الدواء الممزوجة بالأمل مع أنه يعرف جيدا أنه الشفاء ضئيل. تذكروا كم مقال كتب و كم تعليق وضع وكم كلمة خطت على هذا الموقع .ليست المشكلة كلها موقع المحترفين بل أنتم جزء صغير منها ؛نحن في حالة حرجة في هذا الوطن و صاحب الحق لا بد أن يظل رافعا رايته لكي يراها الاخرون .أعرف أن الحمل ثقيل عليكم لكن الناجح دائما يلتقي بحواجز و عقبات و أزمات فان لم يخرج منها فلماذا اسمه ناجح عليكم أن تكونوا يدا واحدة قلب واحد وطن واحد .لا يهم ان أتوا أو استدعوا محترفين أم لا فهذه مشكلتهم و لكن الاهم الاستمرار الاستمرار ....وللكلام بقية............................... |
في August 25 2011 21:09:43
شو مشان قرار المحكمة الرياضية |
في August 27 2011 12:25:18
كلو منك يا فاروق سرية انحرم منتخبنا الوطني من خوض التصفيات الآسيوية الؤهلة لكأس العالم عام 2014 في البرازيل شو لسا عاملين لجنة أي بلا لجنة بلا بطيخ |
في August 27 2011 16:09:27
رجاء لإدارة الموقع .... إعادة النظر بقرار إغلاق الموقع ..... بصراحة ما صدقنا صار عنا هيك موقع ... وبجيب هيك أخبار ....والله يعطيكن العافية ... ماقصرتو
اما السؤال .... فهو شوصار بالاعتراض ؟؟؟ وياترا في أمل نرجع عالتصفيات ؟؟؟ |
في August 28 2011 00:29:20
السرية شو يستنى يستقيل ويخلصنا والقيادة الرياضة يش صابرة عى هيك زلمة فاسد |
في August 28 2011 06:13:20
مشان اللله لاسكرو الموقع عمرهم ماينادوهم بس بدنا نظل نعرف اخبارهم ونفتخر بيهم للشباب |
الأربعاء 11 سبتمبر 2024
