في November 10 2010 01:06:34
سمعت انو هادا اللاعب اردني ومن كم يوم باحدى المواقع مكتوب انو لاعب فلسطيني بتمنى من الموقع يوضح
معقول انو هاللاعب مو معروف شو شكلو ابو
===============================================
أخي الكريم اللاعب أنس الشربيني من أصل فلسطيني سوري ويحق له تمثيل المنتخب الأردني حسب معاملة الشجص الفلسطيني في الأردن. |
في November 10 2010 03:08:49
اخي انس الشربيني واحمد الشربييني فلسطينيين ومعن الجنسية السورية بس صرحو وقالو انو من المستحيل انو يلعبو لاي منتخب الا منتخب فلسطين حتى المنتخب الكرواتي عرضوا عليهون انو يلعبو معو بس رفضو بعدين تلقو تهديدات بالقتل اذا لعبو للمنتخب الفلسطيني لانو كروتيا مليانة يهود قرروا من هداك الوقت الرفض لاي منتخب انو يلعبولو يعني قصتن منتهية وهاد الحكي مو من عندي هاد حكي صحيح الف بالمية. |
في November 10 2010 03:30:55
الى ادارة الموقع الكريمة:
انتو بس حطونا بتفاصيل دعوة المحترفين ومين عم يعرقل هالموضوع وتركوا الباقي علينا
نحنا رح نعمل حملة اعلامية بكل المواقع الالكترونية الرياضية ضد الاشخاص المعرقلين ومتل ما طيرنا فجر رح نطير يللي اكبر منو |
في November 10 2010 03:38:06
انس احسن من جميع اللاعبين السوريين في اوروبا دون استثناء.
وعدم استدعائه لمنتخب سوريا من قبل اتحاد الكرة هو خيانة للوطن والدولة.
ارجو النشر هذه المرة |
في November 10 2010 04:37:54
متل مافهمت انو هو اصلو االاول فلسطيني
بس اصلو التاني سوري ولا اردني
لانو عمتقولو فلسطيني في الاردن وعتقولو فلسطيني سوري
ممكن الرد
===============================================
هو فلسطيني سوري والاتحاد الاردني يحاول تجنيسه. |
في November 10 2010 08:35:08
نتمنى من القائمين على الموقع اخبار راتومير عن انس قبل ما ينضم للاردن ويلعب ضدنا بكاس اسيا |
في November 10 2010 09:21:50
وبالنسبة للاتحاد السوري هل اتصل بأنس الشربيني ام لا؟ومتى سيتم الاتصال؟
الى اين وصلت لجنة المحترفين بالنسبة لانضمام داني وجورج مراد والمقدسي؟
ارجو الرد وعدم التطنيش كالعادة حتى لو كان الجواب لانعلم...وشكرا |
في November 10 2010 11:26:57
الى ادارة الموقع الكريمة
بس ممكن نعرف شو عم بيصير مع سنحاريب وشو اسباب غياباتو المتكررة ارجو الرد
===============================================
سنحاريب لا يشارك بسبب مشاكل مع ادارة ومدرب فريقه وهو سليم صحياً. |
في November 10 2010 14:42:17
هاد اللاعب اختار تمثيل الأردن فأخباره ما عادت بتهمنا |
في November 10 2010 16:05:35
ياعمري اللاعب صار اردني 100% حيث وافق على الانضمام رسميا للاردن وانتو متل الاطرش بالزفة ارجو الرد |
في November 10 2010 17:21:24
بما انو الاعب انس الشربيني فترة كانو ع استعداد لتمثيل منتخبنا والسبب اتحادنا السابق بأدارة الجبان مااستدعو
عملو معو مقابلي وشوفو رأيو بركي بدو يمثل المنتخب السوري لأنو رفض اللعب للمنتحب الأردني ولهلق عم يحاولو معو
يرجى الرد مع جزيل الشكر.
===============================================
ما الفائدة اذا كان يريد ان يلعب بالمنتخب اذا كانت الدعوة لم و لن ترسل له. |
في November 10 2010 18:07:27
السلام عليكم ورحمه الله
شكرا لجهودكم التي نلمسها نحن دون عناء
اود الإستفسار عن أخر أخبار لاعبنا سنحاريب ملكي
ماسبب عدم مشاركته مع ناديه علماً انه في أخر مبارة لمنتخبنا ترك المعسكر وغادر بسبب مرضه نود منكم
الاطمئنان عن صحته
ولكم مني جزيل الشكر والتقدير
===============================================
سنحاريب لا يشارك بسبب مشاكل مع ادارة ومدرب فريقه وهو سليم صحياً. |
في November 10 2010 19:41:32
ولاعب متل هاد عم يقدم مستوى ممتاز واساسي بشكل دائم مع الفريق وعم يشارك بالدوري الاوروبي شو مشكلتو هاد الحكيم والله مصيبة كل مانخلص من واحد بيطلعلنا واحد تاني |
في November 11 2010 08:48:30
نتمنى من ادارة الموقع ان تنشر ما هو مخبأ عن عدم استدعاء المحترفين بركي منحسن نحنا منعرف الأسباب ومنعارض ع جميع البرامج والمواقع والا ما يوصل هالشي لفاروق سرية المهم نعرف الأسباب ونساعدكن بشي لأن والله محروق قلبنا عالخبر لأن حرام ما يلعب سنحاريب ولؤي على الأقل مع المنتخب
اتمنى من ادارة الموقع قراءة تعليقي وان تتجاوب معي منشان نكون بالصورة قبل مباراتنا مع البحرين
والله حرام يروح كل تعبكن عالفاضي وشكرا لكم |
في November 11 2010 10:28:55
شو بشعة انو يلعب ضدنا ولك اااااااااااااااااااااااااااااااااااااااااااااااااااااااااااااخ |
في November 11 2010 14:20:38
مابعرف ليش لسه فاتحين هالموقع إذا ماحدا معبركم ؟؟؟؟؟ و أكبر دليل أنو لن يتم استدعاء أي محترف في أوروبا إلى المنتخب ؟؟؟ |
في November 11 2010 15:34:39
ليش لم ولن ترسل له الدعوة ممكن توضيح |
في November 11 2010 18:27:00
عنجد عيب الاتحاد الاردني يفكر بلاعب فلسطيني سوري لانو الاصل للاصل وفلسطين ما بدون يستدعونهم لذلك واجب وحق عل الاتحاد السوري استدعاء الاعب الانو (محترف) وعندو خبرة تسوى كل الاعبين المحليين مع احترامي لهم |
في November 11 2010 19:48:36
لم ولن ترسل له الدعوة مين يراهن انو الحكيم الو ايد بالموضوع ومصالحو ما بتستدعي انو يجيب المحترفين |
في November 12 2010 03:20:25
بتمنى من اخوتنا الاعزاء القراء وحتى القائمين على الموقع ان لا يفقدوا الامل بدعوة المحترفين بالفترة القادمة وارجو من اعضاء الموقع الكرام وبالذات العاملين في لجنة المحترفين ابلاغ المدرب الصربي بانتهاء الدوري السويدي وامكانية الاستفادة من اي اسم يلعب هناك ولحاقه بمعسكر المنتخب حاليا وبالنسبة لموضوع انس فانا متاكد ان الكابتن رادومير يعرف هذا اللاعب جيدا بحكم انه صربي فارجو ابلاغ المدرب باحقية لعب هذا اللاعب لمنتخبنا ومحاولة اقناعه اللعب لمنتخبنا بشكل شخصي لانو اكيد رح يكون تاثيره ايجابي كثير على انس فارجو الاجابة ولكم جزيل الاجر |
الثلاثاء 03 ديسمبر 2024
