في November 03 2010 16:25:06
و نحنا خلينا نايمين |
في November 03 2010 16:41:33
الاتحاد الرياضي يتحرك و يطلب الدعوه لللشباب المحترفين |
في November 03 2010 16:47:49
طيب أتحادنا شو عم يسوي ولا بس شاطر يعبي جيبو متل غيرو لاحول ولا قوة ألا بالله والله شي بيجنن |
في November 03 2010 16:57:11
انشاالله ينضموا للاردن لحتى نتعلم الدرس لانو على ما يبدو ما تعلمنا من درس لاعبي كرة اليد يلي صاروا مع منتخب قطر
يلا بكرا بيلعبوا ضدنا بكأس أسيا وبيشوفن المدرب وهيك بيقتنع بامكانياتن |
في November 03 2010 17:00:59
اللاعبان انشاء الله بدنا نشوفهن قريبا مع المنتخب |
في November 03 2010 17:22:39
لانو هذا الي يريدو الاتحاد السوري |
في November 03 2010 17:28:16
واتحادنا وين من هالموضوع? |
في November 03 2010 17:47:56
رجاء من ادارة الموقع بدنا الخبر اليقين بموضوع المحترفين |
في November 03 2010 17:49:53
هل اجتمعتم مع المدرب الصربي ?
هل ستتم دعوة المحترفين الى المنتخب?
ارجو الرد |
في November 03 2010 18:08:41
يعني من اول مرة رفضو فيها لازم نفهمها انو بدهن يمثلو منتخبنا سوريا بس مافي حدا لحدا |
في November 03 2010 18:21:16
والله اذا منتخبنا السوري جاب الاخويين ننافس بقوة على اللقب الاسيوي لانو
انا حضرت مباريات لفريق هايدوك سبليت وهم كانو نجوم اللعبة
تحركو يا اتحاد كرتنا الغاليين ارجو من ادارة الموقع متابعة موضوع الاخويين
وشكرا |
في November 03 2010 18:52:05
كلو من اهمال فاروق سرية..نحن كشعب سوري نحمل رئيس اتحاد الكرة المسؤلية كاملة في حال وافق الاخوين شربيني على اللعب مع الاردن ضدنا في كاس اسيا |
في November 03 2010 18:52:31
شو يا لجنة المحترفين شايفكن نايمين وكل ماسألكن واحد سؤال عن المحترفين بتقولوا قريبآ .............® |
في November 03 2010 18:56:58
طيب ليش ما اتحاد كره اردني ياخذ احمد ويخلينا انس حبيت امزح بس |
في November 03 2010 19:17:29
ليش هل الغموض من موقع المحترفين.....يا اما ما عم تشتغلو او ما بنعرفوا شي او المدرب مو رايد لاعبين محترفين وانتو ساكتين |
في November 03 2010 19:30:16
طيب صرلكون اكتر من قرن وانتو عم تقولو ترقبوا الخبر اليقين بشأن دعوة الاخوين الشربيني وانو الامر بيد وزارة المغتربين وحكيتو مع ابون وانو قريبا نسمع الرد شو مشان طلع اخر شي كلو حكي بحكي وازا في امكان من الموقع انو يتأكد ازا رح ينادو للمحترفين للمنتخب لانو حسيت من حكي الحكيم انو مابدو المحترفين يمكن خايف على حبيب قلبو رجا رافع وباقي الملاكمين يلي بيحبون مايشترو سيارات من عندو |
في November 03 2010 20:00:57
والد اللاعبان السيد جمال اشربيني وعد الاتحاد الاردني برد ايجابي واللاعبان على الاغلب سينضمان قريبا لمنتخب الاردن وربما سيلعبان ضدنا في كاس اسيا !
بالمناسبة هل عملتم في لجنة المحترفين اي تحرك أو اتصال تجاه اللاعبين أم بدكن ياهن ينضمولنا بالأمنيات و الأحلام 0000أم بدكن يجو يبوسو أيدنا منشان نستدعيهم والله هاد مو شغل وبالمناسبة نحنا الي بحاجة اللاعبين موهنن بحاجتنا واللي بيعمل بيكسب بالنهاية والاتحاد الأردني عمل واشتغل وفهمكن كفاية يالجنتنا المحترمة و يااتحادنا المصون 00000000!!!!!!!!
أرجو النشر والرد وشكرا |
في November 03 2010 20:05:52
والله باين انو الحكيم هو يلي مسيطر عالمنتخب ازا هو بلش يحل ويربط وعم يتزاكا وعم يقول انو اللاعبين مافيون يتركو النادي ويلتحقو بالمنتخب هي في لاعبين خلص الدوري تبعون وفي يلي بقيلون اسبوع يجيبون عالمعسكر |
في November 03 2010 20:10:31
بعدين مشان الله مالقيتو غير الكويت تلعبو معها والله العظيم ملينا بس بدي اعرف السبب يلي مصرين انون يلعبو مع الكويت ليش شو هالاستفادة يلي رح تجينا ناس عم تلعب مع اكبر المنتخبات متل الارجنتين واسبانيا ومدري شو ونحنا لسى بدنا نلعب مع الكويت |
في November 03 2010 20:53:57
go to sleep early cotch |
في November 03 2010 21:33:25
لك ياااااااااا ربي
الله يصبرنا ع هيك اتحاد |
في November 03 2010 21:34:00
اصلا انتو متل اتحاد الكرة ما عندكن شي غير الكذب عاساس الثلاثاء في خبر بالأخير مو رايحة غير علينا والله عالظالم بدكن تنشرو انشرو متل ما بدنكن مو فارقة بس الحق علينا لأن نفتح الموقع 100مرة باليوم |
في November 03 2010 21:39:24
مشان هيك تصحناكم سابقآ بأن لاتقولو لاعبانا السوريين
وين مصداقية الموقع لما بيلعبو للمنتخب الأردني
على كل حال هذه مصيرنا كسوريين : الفشل - الفشل - الفشل |
في November 03 2010 21:52:32
مشان الله ردوا شو صار بالمدرب الصربي ليش ما بدو محترفين أوروبا |
في November 03 2010 22:10:31
ياأخي صار اكثر من مليون شخص سأل شو صار معكم مشان عرض اسماء المحترفين على المدرب ومافي عندكم غير (قريبا)شو كني بدنا نفقد الثقة بي هالموقع وكني صاير الدخول علي مضيعة للوقت واكيد مافي رد!!!! لا تعليق |
في November 03 2010 22:58:21
أعتقد انو كلو حكي |
في November 03 2010 23:40:08
طيب ليش اتحاد كره اردني ما ياخذ لاعب واحد واحنا ناخذ لاعب واحد يعني احمد يروح على اردن واحنا ناخذ انس وتنحل مشكله حبيت امزح بس |
في November 04 2010 01:57:47
و أنتو شو صار معكم ? ضليتوا تقولوا بس يجي المدرب الجديد سنجلس معو و سنحضر المحترفين !
بس حطكون على حكي متلكن متل غيركم لذلك أشرفلكن تسكروا هالموقع و حاجة ضحك عالناس ولك حتى سنحاريب و الشنكو مارح يندعوا للمباريات القادمة بقى مابعرف لشو لسه لازمتو هالموقع |
في November 04 2010 02:01:06
نصيحة مني خليهن يقبلو الدعوة بلا ما تروح عليهن هالفرصة لانو المنتخب الأردني عرفان شو عما يساوي و واضع خطة ممتازة ورح يشوف الايجابيات عن قريب بعدين يا شباب منتخبنا مالو بحاجة للعيبة زيادة مالكن شايفين انتصاراتنا القوية لك ما عمنلحق تجميع بطولات |
في November 04 2010 02:27:52
سؤال هام جدا لموقع المحترفين لقد بث موقع الكره السوريه خبر استدعاء لاعبين للمباريات الوديه امام البحرين ؤاليمن ؤلم يذكر الموقع استدعاء لاعبينا المحترفين في اوربا هل قرر المدرب عدم استدعاءهم ارجو التاكد من الخر والرد سريعا وشكرا لجهودكم |
في November 04 2010 02:33:38
انسى يا وديع والله بتمنى يلعبو مع الاردن ويجيبو علينا كم كول لشوف شو رح يحكو عنا حرام والله حرام كل واحد بيستلم عنا داير على حالو همو يلم من ورا المنصب التبعو نسيو كلام قائد الوطن السيد الرئيس الدكتور بشار الاسد ( المنصب ليس امتياز بل المنصب مسئولية ) ولله حرام حاجة حرقة قلب على هيك لعيبة خلينا هون وبلا ما نطلع على قطر ونتبهدل جد يا جماعة حاجتنا مسخرة |
في November 04 2010 09:16:25
انتو كلجنة باتحاد الكرة حكيتو مع المدرب ولا شو |
في November 04 2010 11:59:58
حسبي الله فيهون و بيحكو على هجرة الادمغة؟ هاد تطفيش |
في November 04 2010 14:54:46
نرجو تحرك اتحاد كرة القدم وبسرعة . |
في November 04 2010 16:33:32
khalion yal3bo ma3a alaordn balki esha8o shbakna |
في November 04 2010 16:33:50
الاتحاد الاردني لكرة القدم ممثلاً بالمدير الاداري للمنتخب الأردني السيد اسامة طلال خاطب نادي هايدوك سبليت الكرواتي لكي يعطي الضوء الأخضر للاعبين الأردنيين أنس الشربيني و احمد الشربيني ليسافرا الى الأردن يوم 14 نوفمبر للمشاركة في المباراة الودية التي تجمع المنتخب الوطني الاردني بنظيره القبرصي في عمّأن يوم 16 نوفمبر |
في November 04 2010 17:39:18
أنا سوري أتمنى أن يلعبوا مع الأردن لأنو اذا ما شاركوا مع الأردن بحياتن مارح يشاركوا مع سوريا لأنو ما في حدا ينفق عليهم أجرة الطريق من أوروبا حتى سوريا |
في November 04 2010 17:59:39
اي واتحادنا نايم ومابيتزكرن الا ليطلبون الاردن ؟ |
في November 05 2010 21:04:22
وين المحترفين اذا بتحبو الله الرد وين أحمد الشربيني وأنس |
في November 07 2010 02:58:35
يا شباب يا حبيباتي لا تسالو عن المحترفين فهموها بقى يعني ادارة الموقع مو حابه تقولها وفهمكم كفايه |
في November 08 2010 19:02:09
بتمنا من ادراة الموقع رجاء خاص انو تقلب هل الموقع لموقع دردشة متل السيريا روم والايت سي اشرف واحسن اقل شي منستفيد منكم بشي وخلو هل الشباب والصبايا يتعرفو على بعض هيك احسن بركي بيصير نصيب (يعني وفقو راسين على مخدة ) ...ويقلبو مقر الأتحاد لقهوة بتقدم الأركيل و المشاريب الساخنة والباردة والفاترة ههههههههههههههه ولعب الشدة والطاولة ......إلخ صح يا شباب ولا انا غلطان هههههههههههههه |
في November 08 2010 21:21:34
أنا أشد يدي مع أيدي القائمين على الموقع الموقرين ولن نقبل أبدا بمنتخب من صغار الدوري السوري
لأننا وبصراحة شفناهم عالريحة
ولن نقبل بمنتخب لا يحوي محترفين هم الأفضل في أنديتهم ولنا عبرة بمنتخبات البرازيل و باقي دول العالم
وشوفو دول الجوار كيف عم تجنس ونحنا لاعبين جاهزين مو راضيين نستقبلهن
استحي بقا يا أيمن الحكيم على حالك وبلا عاك |
في November 08 2010 21:26:03
معلومة هامة وخطيرة الإتحاد الأردني رفع شعار التأهل إلى الدور الثاني والذي لا يصدق يحضر أخبار قناة الهاشمية و التجنيس صار عل أبو موزة يا عالم يا ههوو يا ناس يا بشر لك إتحادنا لك يا خلق الله لك يا........................؟.,"><!@#$%^&^*&)*)&%! |
في November 08 2010 21:30:25
علي ما علي على إدارة الموقع يسكروا الموقع وفكا الله ولا تجبرونا نحكي شي ما بسر هالإتحاد لك متل الأب الذي عم ورت أبنائه كل واحد مفكرها بنك الذي خلفوا والله يساعد الموقع و الله يلعن................ |
في November 09 2010 11:25:01
إدارة الموقع لمحترمة:
نثمن عاليا جهودكم الجبارة و نقدر حرصكم الكبير على مصلحة سوريا
إننا بالفعل لن ننسى ما قدمتموه للمنتخب في الفترة الماضية و عطاؤكم هذا سيسجل لكم
ومن هذا المنطلق نناشدكم بإطلاعنا على كافة التفاصيل المتعلقة بكواليس المنتخب لأن ما يصلنا من أخبار
منه ما هو عجيب ومنه ما يندى له الجبين و نتمنى أن لا تصل الأمور لحد ما يجعلنا_و للأسف_ مضطرين
لنشر ما يعجب وما لايعجب اتحاد كرتنا الموقر على المواقع الألكترونية والمنتديات
فلا يعقل وليس من المنطق أبدا عدم استدعاء أي محترف لمنتخب يعج بالمشوهين كرويا
فعلى السيد الحكيم قبل أن يتواطأ مع من يسيؤون للمحترفين أن يتذكر ما فعله المحترفون من أجلنا
حين فضلوا منتخبنا الوضيع كرويا على منتخبات مشاركة في بطولات دولية بل عرضو خدماتهم و بالمجان
و كانوا علامة الفارق في جميع المباريات الودية لمنتخبنا المصون و نالوا تقدير الجميع
أرجو إدارة الموقع المحترمة أن تلتقي بالمدرب الصربي سرا أو علنا وإعلامه بإمكانيات سنحاريب و أنه كان هداف الدوري البلجيكي في سنة من السنوات و أن لؤي شنكو حصل على جائزة أفضل لاعب في الدوري الدنيماركي والمزيد مما نعرفه عن إنجازات محترفينا وخاصة جيمي توما و جورج مقدسي و أنس الشربيني وغيرهم ...
أما للحكيم فأرجو إعلامنا بالسر وراء وجوده كمدرب مساعد للمدرب الصربي وبالأصح((ما هي واسطو
للأفندي )) لأنه كما نعلم وكما يعلم الجميع لا يوجد أي إنجاز لهذا المدرب لا محليا ولا خارجيا
وكل ما نعلمه أنه مدرب ((متنقل))بين أندية الدوري السوري وفهمكن كفاية
أرجو الرد من إدارة الموقع والكلام على بساط أحمدي
و نؤكد دعمنا الكامل لكم انطلاقا من مبدأ الكلمة الحرة اللتي عززها قائد الوطن الدكتور بشار الأسد
ولكم الحب والتقدير .. |
في November 11 2010 01:48:33
غضب مشقيتا
يا إتحاد السوررين الكرام أين أنت الآن من العظام
تفعل ما يحلو لك و أنت تشاهد و ترى كل هذه الآلام
علقنا أملا كبيرا وإنك لبعيد كل البعد عن الأحلام
مغترب رفض كل المغريات وأبا إلا خدمتة لهذه الأعلام
عشر سنوات من العطاء وتسحقها ببرود بجرة الأقلام
تكتم أسرارا و أمور خفايا وتتلاعب بالشرفاء من الإعلام
إن قررتم إبعاد محترفينا فإن حرم عليكم منا السلام
فلا تملوا يازوارنا الكرام فهذه حرب تشبه حروب الإسلام
إنتظروا الأبيات القادمة و التي نخص بها مدح أسرة الموقع وزواره في حال أتانا خبر جيد عن المنتخب
و تقبلوا تحياتي يا أيها الزوار الأكارم...................وشكرا لكم |
في November 13 2010 01:59:05
لازم يتحركوا |
في November 15 2010 01:29:21
للأسف يجب خضوع تاج الدين فارس وفاروق سرية لدورات في الانترنت في اقرب وقت
اضافة لذلك دورة باللغة الانكليزية ودورة اعداد رياضي
لأنو بدن عصرنة من جد وجديد أحسن ميعصرو منتخباتنا عصر |
في November 15 2010 01:29:39
للأسف يجب خضوع تاج الدين فارس وفاروق سرية لدورات في الانترنت في اقرب وقت
اضافة لذلك دورة باللغة الانكليزية ودورة اعداد رياضي
لأنو بدن عصرنة من جد وجديد أحسن ميعصرو منتخباتنا عصر |
الأربعاء 11 سبتمبر 2024
