في July 29 2010 16:31:52
ننعي اليكم بمزيد من الأسى فقيدنا الغالي على قلوبنا / كرة القدم السورية / وان لله وان إليه راجعون .
تقبل التعازي في بيت كل مواطن سوري عاشق لكرة القدم
يعني تاج الدين فارس كان من نائب رئيس الإتحاد السابق ويلي كله على بعضه كان فساد بفساد وبيرجع كمان وبالتزكية ياسلام ياعصر الوسطات والرشاوي |
في July 29 2010 17:13:25
لجميع لا أحد ينعي كرتنا
لأنه لا يموت الميت
كرتنا ماتت منذ 1990 حتى الان وحتى 2014 |
في July 29 2010 19:02:23
عيب على فاروق يشتري الأصوات لأنو حكى ببرنامج الكرة بملعبك أنو ضامن 60 صوت
لو كان بدون الكرة السورية تنجح كانو انتخبو حسن سويدان ماكانو خلو ينسحب
فعلاً الله يرحم كرة القدم السورية و إذا ضلت الرشاوي و الواسطة الله يرحم الرياضة السورية كلها |
في July 29 2010 19:42:50
انشا الله يكون كل حكيو مظبوط ويهتموا بالمنتخب
وارجو ان تقدموا له انتم موقع المحترفين المعلومات المناسبة عن المحترفين
وكيفية استدعائهم |
في July 29 2010 21:21:11
انا لله وانا اليه راجعون ؟؟
اعلني الحداد يا كرة القدم السورية ؟؟
لك بقولو اللي بجرب اللي مجرب بكون عقلو مخرب ؟؟؟
وأنا بقول لا يلدغ المؤمن من جحر مرتين ؟؟؟
يعني صمنا صمنا وبالاخر فطرنا على تجربة قديمة فاشلة ؟؟
انبسط يا عمي عبي جيوبك منيح ؟ومن هلأ فتاح حساب بأكتر من بنك مبروك عليك خزينة اتحاد كرة القدم ؟؟وبتوقع يزيد وزنك زيادة مفاجئة خلال الايام القادمة لذلك دير بالك منيح يا سيد فاروق سرية وخللي حبوب الكوليسترول بجيبتك
يا حسافة عالكمرة السورية ؟؟؟
واخيرا حسبي الله ونعم الوكيل |
في July 29 2010 21:30:13
السلام عليكم ...
الى متى سنبقى نعيش في أحلام اليقظة التي لن تتحقق ..
الى من نرفع أصواتنا واساسا هل من مجيب ؟؟؟
ياترى من يبسمع لهذا الجمهور المسكين الذي ينتظر لحظة فرح ؟؟
أما مللتم يا اصحاب البطون الكبيرة ؟؟أما أن الاوان ان ترحمو رياضتنا وترحمونا أيضا ؟؟
أما أن الاوان لترك الغيورين ع\لى سمعة وطنهم يعملون وتقاعدكم ايها المتقاعسون ؟؟؟؟
يا من لا تشبعون ؟؟
ارحمو الجمهور ؟؟
ارحمونا وأعطونا بصيص أمل ايها القيادات الرياضية البائسة ؟؟
أخخخخخخخ لك شو بدو الواحد يحكي ليحكي ؟؟
لك ما شفناك يا فاروق سرية ؟؟ظ
لك شفناك فوق وشفناك تحت يا عمي حل عن الرياضة السورية ؟؟والرياضة السورية رح تكون ممنونتك ؟؟؟
لك بدي افهم شو عملت لما كنت رئيس سابق ؟؟؟شو طورت ؟؟؟شو ساويت ؟؟؟
ولا رجعت لانو ما لقيت افضل من هالمنصب لملأ أرصدتك ؟؟؟؟؟؟؟
رحمة الله عليكي يا كرتنا السسسسسسسسسسسسسورية واقولها مجددا يا جماعة غسلو ايدكون من منتخب سوريا ؟؟؟
كان اسمو منتخب سوريا ؟؟وهلأ رح يصير اسمو منتتخب فجرادونا والسرية
هنيئا لك يا سرية ؟؟؟حلال عليك دم الكرة السورية ؟؟؟
يا حيف وبس ؟
هل من مجيب ؟؟؟بس للاسف لقد اسمعت اذ ناديت حيا ؟لا حياة لمن تنادي
اخي عمار رح كون أول المعزيين عندك وبالكفاية بكسب شوفتك ومنقرأ الفاتحة سوا عروح الرياضة السورية ..؟؟
والسلام |
في July 29 2010 21:41:50
سيدي بتعرفو شو انا بتمنى انو تراقبو القيادة السياسية وتدخل هاد احسن حل |
في July 30 2010 07:51:02
فاروق سرية حكى على إنجازاته على قناة الدنيا وصار يعد ويصف جاوب عالأسئلة ياسرية أو حدا من القراء:
1- في عهدك ياسرية هل أوصلتنا إلى كأس العالم؟
2- في عهدك ياسرية هل أخذنا كأس آسيا للرجال؟؟؟
3- في عهدك ياسرية هل حصلنا على بطولة مرموقة عربيا"؟
4-في عهدك ياسرية هل حصلت منتخباتنا الأولمبية على أي إنجاز محترم عالميا؟
5- في عهدك ياسرية هل طورت الكرة السورية ونقلتها من الهواية إلى الاحتراف؟
6- في عهدك ياسرية هل حاولت أن يستقل إتحاد كرتك عن المكتب التنفيذي؟
وهل وهل وهل ؟حاجتكن كذب وين الانجازات؟
ولسه كل واحد بقول تفاءلو بالخير وين الخير من هيك ناس ملينا صرلنا نحنا وغيرنا من خمسين سنة منصرخ ونحكي ونكتب وما حدا لحدا ياجماعة الشغلة صار بدها حل من جذورها والحل معروف بس ماحدا بيسترجي يمشي بس خطوة لقدام وبس راح يمين وشمال يا ويلو كرسي الاتحاد وكرسي الأعضاء بطيروا من تحت ط؟ لهيك يا ناس خلينا نتوحد من كل أنحاء العالم نحن كإعلاميين وجماهير ومشجعين ووسائل إعلام مرئية ومسموعة ومكتوبةوكل أنواع الوسائل المتاحة بالضغط على المسؤولين الرياضيين على رياضتنا بشكل عام وكرة قدمنا بشكل خاص لتغيير القوانين القديمة ونقلعها من جذورها والضغط على كل مسؤول رياضي قاعد على منصبه منشان لا يرتاح ولا يفكر كل شي انتهى خلونا يا جماعة يا أما بغيرو قوانين رياضتنا ويسعوا إلها يا أما رح نصرعن ونجنن ونجبلن الجلطة متل ما جا بوها لغيرن وما تخلونا نهدا وخلينا نق فوق راسن ونعملن هيستريا ونخليهم ينطحوا راسن بأربع حيطان ونتسبب بشلل كامل أنو يفكروا بس مجرد تفكير أنو يضلو محافظين على كراسيهن والله ونضل ندق وندق لحتى يصير يصير عندن صرع عم تقولوا أكيد ليش هنا عم يقروا أو يسمعوا أو يشوفوا لا تخافوا ياجماعة طبع الإنسان فضولي وبحب شو عم يكتب عنو الناس خير أوشر لهيك ملازم نهدا أو نوقف أونسكت لبعض الوقت ومارح نقول مبروك لحدا عالفوز بالانتخابات ومارح ندعيلكن ومارح نوقف جنبكم ونحنا ضدكن لحتى تحققوا يلي بدنا ياه إن عجبكن أهلا وسهلا وإن ما عجبكن بحفض يا بتغييرو الهيكلية التنظيمية يا قيادتنا الرياضية وتحطوا قوانين جديدة بتناسب عصر الاحتراف والتطور و متطلبات الشروط العالمية يا أما خليكن بالبيت واقعدوا فصفصو بزر وكلو جبس وناموا ببيتكن متل الممحولين و قليلين المروه والله بتمنى تدخل القيادة السياسية لأنو هي أفضل حل لكل المفسدين برياضتنا وخلينا نبلش يا شباب من هلق بالنق والدق وصريع الراس .............يلا شباب اهلكوهن ؟ يارب |
في July 30 2010 10:04:03
"ان لله وان اليه راجعون"
يعني عم ندور بنفس الدائرة وبيوهمونا انو عم يشتغلوا ويحسنو بالرياضة السورية وبيلهونا باشياء تافهة ومفكرينا جايين من المريخ وما عارفين شو يلي عم يصير بالفساد الرياضي
(اللهم اجر الجمهور الرياضي من مصيبتنا هذه واخلفنا خير منها)
امين يا رب العالمين |
في July 30 2010 10:51:10
يبدو انني غبي فانا كنت اعتقد ان من ينحج في اللعبة الشعبية الاولى يحب ان يكون له شعبية ومن يكون اداري في المنتخبات ومسؤول عنها يجب ان يكون على دراية بنظام البطولة ومن يكون مدرب للمنتخب يجب ان يكون اسم لامع جدا في عالم التدريب على الاقل في بلده لكن اكتشفت واشكر المسؤولين الرياضيين السوريين الذين عرفوني الحقيقة وجلو الغشاوة عن عقلي وتفكيري.
والصحيح بالمنطق الرياضي السوري حتى تستلم لعبة شعبية يجب ان تكون اكثر انسان مكروه من الشعب السوري والان كملت المعادلة اكثر رئيس اتحاد كرة مكروه شعبيا واكثر نائب له مكروه شعبيا وطبعا نجمنا والمتربع على عرش الكراهية من الشعب السوري مدربنا . والى مزيد من الفشل والمؤامرات وتصفية الحسابات والفساد وكله على حساب المأسوف على شبابها الكرة السورية .
انا من جهتي مللت كرة القدم السورية رغم انها عشقي وهوسي وحلمي بس بصراحة مللوني واحبطوني وسوف اجد سوسة غير كرة القدم لحتى الله سبحانه وتعالى يزيح الغمة عن سماء كرة القدم السورية |
في July 30 2010 15:22:19
عيب عليكن لسه تحكو عن الكابتن فجر لأنو السرية قال أول ما سيفعله هو استقدام طاقم تدريب أجنبي يعني باي أسيا 2011 و باي البرازيل 2014 |
في July 30 2010 16:06:49
ما عاد في الرياضه السوريه الا هالاسماء 25 سنه ماقدموا شيئ غير الاخفاقات والفساد بقولوا اذا توفر الامكانيات بنشتغل .كيف تتوفر وانتو سارقينا اخر همهم المنتخبات الوطنيه المهم يعبو جيوبهم والمضحك المبكي انو تاج فارس المتهم بالفساد العام الفائت صار وضل النائب وتيتي تيتي ...........جيتي ا |
في July 31 2010 09:05:38
طولوا بالكم ياشباب خلي الزلمي يشتغل بعدين منحكم عليه |
في July 31 2010 14:04:46
لا اعتقد ان مسؤول رياضي منذ سنوات طويلة يقوم وامام الكاميرات وامام اعين عشرات الالاف من الجماهير بالملعب يقوم بصفع لاعب منتخب قادر على ان يحقق شيئ للكرة السوريه وهذا منظر اتذكره منذ سنوات ولا اعتقد ان من يدخن السيكار الفاخر ستكون مشاعر واحاسيس الملايين ضمن اهتماماته وارجو ان يكذب توقعاتي مسؤول رياضتنا الجديد القديم وشكرا |
في July 31 2010 22:45:11
ما مصير فجر ابراهيم بعد فوز سربة يرجى الرد وشكرا |
في July 31 2010 23:53:51
فاروق سرية عندي سوال واحد ازا بيجاوبني عليه بصراحة بحترم انو رئيس اتحاد كرة القدم السوال : هل انت قادر على اقناع الشعب السوري بانك تسطيع ان تجعل المنتخب الاول ان يحرز بطولة صغيرة متل بطولة تشرين الكروية بطولة نواعير حماة بطولة الصحفيين انا اشك في ذلك |
في August 01 2010 00:06:37
والله مو حزنان الا عليكن يا موقع المحترفين صاير فيكن متل يلي بلحق بطابة بالهوى بتنتطروا هاد و نتتفائلوا بهاد ما سألتوا حالكن شو عم نساوي لا تقلي واجبنا لأنو هاد مو واجب بتكتبوا و بترسلوا و بتجكوا مع يلي بسوى ويلي ما بسوى و اخر شي ما في نتيجة انتوا موقع على أساس الكن صوت بالصحافة والو مركزكن وينو هالمركز دائما ما في نتيجة مين فجر و مين سرية و جبان شخصيات بقلادة رياضية لا شهادات عليا لا فكر لا تطوير .التاريخ لا يرحم يعني شو بصير عليك اذا خسرنا و تبهدلنا بكأس اسيا انت يا استاذ ليث و رفقاتك أصحاب مسؤولية مسؤولية كبرى تتمثل بموقع متخصص بأخبار المحترفين السوريين بالخارج محترفين قادرين على رفع علم سوريا في دي جانيرو 2014 ولا تحكي (جمهورنا الغالي و جمهور الموقع )لأنو لا تتوقع راح يضل حدا يزور موقعكم الموقر فرصتكم الوحيدة كأس اسيا بقطر |
في August 01 2010 12:16:11
مسخرة الكرة السسسسسسسسسسسسسسسسسسسسسسورية والله حرام شو هاد فاروق ووووووووووووووووووووووووووووووو يا عيب الشوم |
في August 01 2010 12:29:31
حرامية
حرامية
حرامية
حرامية |
في August 01 2010 22:39:03
اكيد تابعتو يوميات مدير عام
تيتي تيتي متل ما رحتي متل ما جيتي |
في August 02 2010 10:00:07
السلام عليكم ,,,,
بدي خبركون خبرية رح تفرحو كتير منا ؟ورح تكون خاتمة الاحزان انشالله ؟؟
هدا يا سيدي تأكد بنسبة 99.9999 بالمية بإنو الفطحل توفيق سرحان سيستلم منصب أمين السر العام للاتحاد ؟؟وهكذا وبنظرة بسيطة وموضوعية نلاحظ بان الفساد يابى الا وأن يجمع كل أطرافه ؟؟؟؟
الفساد الممثل ببضعة أشخاص مهووسين بالمنصب وجمع المال ؟؟؟
بداية القصة انو يستلم فاروق سرية وهون أعلنت الحداد رسميا عالكرة السورية وخصوصا بعد ما تابعت مقتطفات من الاجتماع الاول لاتحاد الكرة ؟وحسيت انو اللي عم يحكي مالو علاقة بالطابة ؟؟؟
ومشان تكمل فصول المسرحية رح يتعين توفيق سرحان على حسب ما سمعنا مبارح أمين سر ؟؟؟؟
بدي افهم شو شغلة أمين السر ؟؟؟؟؟؟
انا بقلكون ؟؟طبعا يدير الصفقات من تحت لتحت ويكون بيت سر رئيس الاتحاد سرية وينسق عمليات الرشاوي والفساد؟
3- يكون مسؤول عن توزيع المبالغ (المكافأت والحوافز طبعا ) على ارصدة البنوك خفية ويفضل ان تكون بنوك سويسرية
4- يكون مسؤول عن بيع بعض مباريات الدوري السوري لبعض الفرق والاشراف على قبض المبالغ
5- يكون مشرف على تعيين بعض الحكام حسب رغبة بعض المندسين في ادارات بعض الاندية والاشراف على عملية القبض ( أكيد الاكراميات مشان ماحدا يفهمني غلط )
بالنهاية بقوم امين السر بجمع الاكراميات والحوافز والمكافأت وتوزيعها على البنوك بأسماء أخرى
ـــــــــــــ
أما مهام رئيس اتحاد كرة القدم في سوريا :
1- الجلوس خلف الكرسي ( يفضل أن يكون الكرسي متحرك وله دواليب كاوشوك وذلك لتسهيل اتخاذ القرارات )
2- الظهور أمام الكاميرات في مؤتمرات صحفية والادلاء بالتصريحات ( التي حفظناها عن ظهر قلب ) ومشان تتأكدو من صحة كلامي ارجعو لتصريحاتو القديمة للسرية عندما كان رئيسا للاتحاد ورح تتأكدو انو رح يكررا الفترة القادمة ( بدو يطور وبدو يسوي وبدو يعمل بس ولكن الظروف صعبة كتير رح نحاول قدر الامكان نرفع علم سوريا بالمحافل الدولية ؟؟؟) رح تسمعو هالجمل كتير من السيد سرية
4-في حالة النجاح رح ينسبو لمجهودو العظيم ؟وفي حالة الفشل رح يحط الحق عالتراكمات السابقة وانو هوة استلم بظروف صعبة ؟وطبعا القيادات الرياضية رح تقلو ؟؟( اي والله معك حق ؟؟يعطيك الف عافية انتة اشتغلت ونحنا شاهدين والدليل انو لحسنا اصبعتنا من وراك وهدا بكفي ليدل انك اشتغلت ))
بالنهاية لا تتفائلو كتير اخواني الاعزاء لازم تأمنو بشغلة أنو انشالله احفاد احفادنا خلال القرون القادمة على اقل تقدير ؟انشالله بحققو الانجازات
اما خلال المية سنة القادمة هي فترة دراسة ووضع خطط ( هدا برنامج السرية طبعا )
وأخيرا سامحوني عالاطالة ؟بس لانو ألبي محرووووووووووء حرء
لك يا جماعة بكفي نضحك على بعض ؟؟
اعضاء الاتحاد المفروض يكونو أحد شقين اذا بدنا الكرة تتطور :-
1- إما يكونو رجال أعمال ومو بحاجة مصاري الاتحاد
2- أو خبراتنا الرياضية اللي منعتز فيا أمثال الكردغلي والخوري والمحروس واسماء كتيرة مستنية فرصة لتساهم بتطوير الكرة
بس القصة مفهومة عمرنا ما رح نشوف الشؤرفاء بإتحاد الكرة السوري ؟؟؟بتعرفو ليش ؟؟؟؟؟؟؟؟؟؟
الجواب في بطن الشاعر ؟والشاعر أكل فلافل وأخد برد ؟؟
فلكم أن تتخيلو شكل الاجابة أعزائي واخواني ؟؟
سامحوني عالاطالة ..والســــــــــــــــــلام |
في August 03 2010 01:17:35
سؤال الى الى القراء الكرام السرية بيقبض باليورو ام بالدولار |
في August 03 2010 09:24:15
بيقبض بكل العملات و بصرف ازا بدك |
في August 03 2010 21:14:35
انا لن احكم على اتحاد الكرة إلا بعد ان نرى ماذا سيفعل ؟ |
في August 08 2010 12:34:35
لن يفارقونا
هدول الحرامية مو دايرين غير عالسرقة والنهب مو هاممن المنتخب ولا غير المنتخب
سؤال : فاروق سرية من كم سنة وهو باتحاد الكرة ولا عمل شي غير انو صار مليونير
وهلأ رح يصير ملياردير |
الجمعة 06 ديسمبر 2024
