قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  :: خروج منتخبا الوطني الأول من دور ال16 لكأس آسيا 2023، بالخسارة بضربات الترجيح أمام المنتخب الايراني بعد نهاية الوقت الأصلي بالتعادل بهدف لمثله :: 
(نعم)حدثت الفاجعة وفقدنا ثلاثة من مواهب كرة اليد.
Bookmark and Share


اللاعب موسى موسى من مباراة قطر واليابان بكاس اسيا للناشئين.

نعم لا تتعجبوا من العنوان فالمضمون أقوى بكثير إنهم لاعبونا السوريين المجنسين في قطر إنهم ما نادينا بهم ولكن الإجابة كانت غائبة ,إنهم ثلاثة من أبرز المواهب السورية فقدانهم يوم أمس ولمدة ثلاثة سنوات مع أنني أعتقد بأننا فقدناهم إلى الأبد.
كم حذرناكم كم ناديناكم كم عاتبناكم كم وكم وكم ؟؟؟
ولكن (لا حياة لمن تنادي)فالقصة حدثت منذ مدة وليست وليدة الأمس وتحديدا منذ إحتراف ستة من لاعبينا في دولة قطر(الشقيقة),والتي شاركتنا مواهبنا بإعتبارنا اشقاء وقامت بتجنيس ثلاثة من لاعبينا بعد أن كانت جنست لاعبين أخرين في وقت سابق (أنس سويدان –باسل الريس)اللاعبون المجنسون الأن والذين حرمنا منهم لثلاثة سنوات على الاقل بسبب مشاركتهم مع المنتخب القطري في بطولة اسيا للناشئين في الإمارات يعتبرون ركائز منتخبنا الناشئ والشاب,وهم :
اللاعبون الذين ىخسرناهم فعليا!!!
(هادي حمدون)لاعب النواعير السابق من مواليد 1992 ويلعب حاليا في نادي الجيش القطري(طارق الخطيب )لاعب الجيش السابق من مواليد 1992 ويلعب حاليا في نادي الجيش القطري وأخيرا (موسى الموسى) الذي اصبح اسمه موسى الخلف من مواليد 1989والذي أصبح تولده 1993 لاعب نادي الشباب السابق والريان القطري حاليا ولا تسألو عن تغيير إسمه وعن تصغير عمره فالمسؤولين عن ذلك يسرحون دون محاسبة والجمهور السوري العاشق هو من يعاقب على فعلتهم !!!

اللاعب طارق الخطيب من مباراة قطر واليابان بالبطولة الاسيوية للناشئين.

الفاجعة بدأت بخسارتنا لهؤلاء المواهب ولربما نشاهدهم يسددون في مرمانا ويمزقون شباكنا ويقبلون القميص القطري ولربما تجاهلوا ألوان علم بلدهم الأم بعد أن قدمهم للعالم أجمع .
نعم هو المال والإهتمام الذي دفعهم لذلك ونحن نؤيدهم بأن لقمة العيش تحتاج للتضحية ولكن من يضحي بوطنه يمكن ان يضحي باي شيء اخر.
إعذروني لو كنت قاسيا فأنا لا أتكلم عنكم كأشخاص أنا أتكلم عن كل من ساهم بخروجكم من وطنكم ودفعكم لتمثيل منتخب قطر ولربما لازالت أثار الرصاصات التي أطلقها المجنس باسل الريس في مرمانا تعشعش في قلوب مواطني هذا البلد المعذب رياضيا .

اللاعبون الذين لم نفقدهم بعد:
أما عن البقية فلم يبقى لنا سوى الامل البسيط باللاعبين (كمال ملاش) لاعب الطليعة السابق والجيش القطري والغرافة حاليا واللاعب (شادي حمدون) لاعب النواعير السابق والجيش القطري حاليا وكمال من مواليد 1992وشادي من مواليد 1991 ومازالت الفرصة مواتية لعودتهم لمنتخبا الشاب الذي قسم ظهره نصفين لغياب اللاعبين المجنسين وكيف لا وهم يشكلون شبه فريق كامل.

نتمنى أن يجد إتحاد كرة اليد توازنه وأن يحدد مايريد فنخشى عليه ان يضيع بين سوريا وقطر فيشاهد اللاعبين في إيران وهم يشاركون باسم المنتخب القطري وهو سيقف دون حول أو قوة كما حدث مع اللاعبين الثلاثة سابقي الذكر ,أما عن اللاعب الأخير سلطان فرحان فهو لاعب الإتحاد السابق من مواليد 1990 ويلعب أيضا في الجيش القطري فاللاعب تبدو فرصة عودته لوطنه جيدة ولكن للإستفادة منه في المستقبل وليس الان فقد مضى على أخر بطولة رسمية شارك بها مع المنتخب القطري ما يقارب السنة وبالتالي فإن لم يشارك في البطولة الحالية فبإمكانه أن يمثل منتخبه الأم سوريا .
هي إحتمالات تتخللها الكثير والكثير من المحاولات ولكنها مقيدة اصلا بسبب اصحاب القرار في رياضتنا الذين يعملون ضمن تقويم أخطاء من سبقهم والتخطيط لمن سيأتي بعدهم فهل سيتمكنون من إيجاد التوافق المطلوب وهل سنستطيع أن نحافظ على لاعبينا المتبقيين بعد أن سرقوا منهم لاعبي الرجال والناشئين هو سؤال تأتي ستجيب عليه الايام القادمة في جميع الأحوال ولكن ضمن إطار زمن قلت فيه الرجال .


خاص موقع المحترفين

تعليقات
aimn .afreem في July 06 2010 02:09:07
hadola weladt sorea wallla ma 3andon krame ea shabab sho ala3ben fe aoropa bas etmano eal3bo laloatn al7abib sorea ..o shakran kter laedart almoa83
kefo 3 في July 06 2010 02:25:14
بصراحه لازم اللاعبين ما يقبلوا يلعبو مع قطر مو الاتحاد الرياضي يلحقن يعني هنه لازم يرفضو يتجنسوا وبكل الاحوال اي لاعب ما بكون المنتخب السوري خيارو الاول والاخير ما بدنا اياه يلعب مع منتخبنا
مشكور عالخبر
سمير في July 06 2010 03:41:32
بظن يا استاذ كاتب المقال ان من اطلق الرصاصات علينا ومزق شباكنا ليس اللاعبين الذين لا نشك بوطنيتهم ... لكن بالمسؤليين الرياضيين الذين لوثوا سمعه الوطن ... وكانوا السبب الرئيسي لحدوث ذلك بسبب اهمالهم واهتمامهم بالمصلحه الشخصيه فقط مما ادى الى نفور اللاعبين ... كما عاملوا سنحاريب ولؤي والياس ... وموقعكم هو اكثر العالمين بما حصل...فمن هو الخائن بنظرك ؟؟؟ كفانا بيع وطنيات كاذبه مللنا منها ... لنعمل بجديه لمصلحه بلدنا الحبيب
كرماوي من كفرنبل في July 06 2010 07:42:22
عادي جدآ جدآجدآ أناماني مستغرب هالشي وحتى إذا جنسوا اللاعبين المتبقين كمان ما بستغرب
حراام في July 06 2010 10:37:50
حراام يلي عم يصير برياضتنا حرام هيك لاعبين مستواهم ممتاز ما يكونوا بمنتخب سوريا بس شو بدنا نحكي اذا المسؤلين عن الرياضة السورية ما بغارو على وطنهم ولا سائلين عن شي غير الكرسي كيف رحي بقى الهم فتوقعو اعظم من هيك بكثير
بلالوووووووووووووووووو في July 06 2010 11:37:03
البقاء للوطن
لاشك أنه من الخطأ أن ينتقل لاعبونا للعب باسم منتخب قطر لكن يجب علينا أن نبحث عن الأسباب التي دفعتهم لذلك .
هل سألنا أعضاء الإتحاد عن السبب هل سعى اتحادنا للحفاظ على لاعبينا، هؤلاء اللاعبون مازالوا صغارا في السن ولا يعرفون شيئاً عن اوطنية وراية الوطن والعلم لذا لايجب مساءلتهم بل يجب مساءلة أعضاء إتحادنا عن تقصيرهم في الحفاظ على اللاعبين ويجب مطالبتهم بالاستقالة وتوجيه كتاب تحية للاتحاد القطري لأنه إتحاد وطني يحب وطنه ويسعى لدعم منتخبه لا سرقة أمواله وإذلال لاعبيه.
مع العلم أني أرفض أن يمثل لاعب سوري أي دولة غير دولته لكن ما حدث مع غادة شعاع من إهمال ومع محترفي كرة القدم سيدفع أي لاعب للعودة والتفكير ألف مرة قبل تمثيل منتخب الوطن
عاش الوطن ورحمة الله على الأب القائد حافظ الأسد الذي جسد الروح الوطنية باخلاص وقدم مثالاً يحتذى به في الانتماء الوطني .
ابن الفرات في July 06 2010 11:41:20
صحيح في عنا فساد رياضي وصحيح في بلاوي عم تصير بس هادا الشي ما يبرر عملتون المخزية يلي مابدو سوريا سوريا مابدا اياه بالناقص مننون
ياسر في July 06 2010 12:58:27
ؤالله حرام مواهبنا كلها عم تهاجر لبرا لانه عم تلاقي مين يهتم فيها ويدعمها وماوقفت على لاعبين يد اوقدم او معلقين رياضيين بل كل واحد ناجح عم يطلع ويستفيدو منو برا بدل مايفيد الوطن وانا ما بلو م الاعبين لكن الوم الناس الي هي مستلما مناصب وعم تقود الرياضه لوراااا وما عم تقدر المواهب
علي العلي في July 06 2010 13:23:06
إلى إدارة الموقع : أيهاالأحبة شكرا على غيرتكم . على أهتمامكم ولكن من لا يملك حس الوطنية من يبيع الوطن بالدراهم فالوطن ليس بحاجة له . وهم خونة ولا يستحقون ذرنة من أهتمام / ليس بعيدا عن الموضوع يتردد أن لاعبينا المحترفين في أوربا في كرة القدم يرفضون الردعلى الموقع بشأن الدعوات الموجهة من فجر ونيتهم مقاطعة المنتخب أرجوكم كذبوا الخبر حتى لو كان صحيح لنبقى على أمل .الرجاء ثم الرجاء الرد مع شكري الكبيرلجهودكم
النبك حبي وسوريا قمة عشقي في July 06 2010 13:50:54
مهما تكلمنا ومهما تجادلنا ومهما رمينى على بعض سيبقى الفعل وليد اللحظه ... فمن المسئول الاتحاد والدولة ولاعبين ولقمة العيش فكيف ما فتلتها ستلاقيها مسكره .
انا اقسم بالله العلي العظيم ان القائمين على الاتحاد قد اخذوا نصيبهم من صفقة لغض الطرف عن الموضوع ... واقسم بالله ان لكل فرد من الاتحاد له حصته منها .... ولا اعتب على لاعبين سياتوا يمثلوا سوريا لماذا لا تقولوا لي وطنية اي وطنية وانا بموت جوع ... اي وطنية واذا مرضت او نكسرة ماحدا بطلع في ... اي وطنية اذا مالي قيمه عند القائمين على اللعبة .
شبعنا وطنيات خلي الخلق تشوف حالها هيه وقفت عليهم ما نص المسئولين عنى واقربائهم مجنسين جنسيات مو معروف سماها ولا هدول على راسون ريشي .
لا تالي وطن وطنيات ..من كتر ما قلنا وطن وطنيات متنى جوع ... الوطن ما بطعمي خبز .
الوطن بصير وطن بس يطلعوا منوا الحرمية وما اكترون ولي من وين بدك تبتدي ولا من وين من ساس للراس وهيهات تخلوص .
لهيك لا تقلي ونية والمسئولين بشربوا بدمنا باسم الوطنية .
ليكو رحمة الله عليه الرئيس العراقي شوف الوطنيو بتاع شعبو شو سوت فيه .
شبعنا حكي والله شبعنا .

وانا عارف متل ما انتوا عارفين ان التعليق مش راح يطلع لاسباب سياسية .
على الاقل بكون حكيت ولو ما نشر بس صدق سوف ياتي يوم ويسمع كل البشر .

فسحقا لاصحاب القرار ... لانهم هم من اشروا الفساد في مجتمعنا ... فلا بارك الله بهم .

ابن النبك الشامخة برجالها .
والوطنية بدمنا بس للوطن وليس للذين يدعون الوطنية .
محمد في July 06 2010 13:51:19
نحن ماعنا لامنتخب ولارياضة بل عنا حرب وخراب وفقربسبب المسؤولين عن الرياضة,ولو وجد هؤلاء اللاعبون 50%من الاهتمام الذي يجدونه من كل الدول الأخرى إلا سوريا لبقوا في بلدهم ,هناك من يدفع خامات بلدنا الرياضية وغير الرياضية للهجرة هربا من فسادنا ووضعنا المزري ,ولولاذلك ماشاهدت هؤلاء اللاعبون وأمثالهم من المواطنين يخرجون مهرولين من بلدنا الغالي على قلوب محبيه,وأولئك المسؤولين ليسوا منهم.
ميلاد في July 06 2010 14:19:39
اذا مشان شويت دولارات باعوا الوطن الغالي (وطنهم )

مثل ما طلعو راح ينزلو
وسوريا و الكرة السورية ما توقف عليهم

راح يطاع احسن مننون كمان بس ساعة راح نقدار نحافظ عليهم ؟
تعقيب الكاتب في July 06 2010 15:12:58
السيد((سمير أتمنى أن تقرأ الموضوع ثانية))
إعذروني لو كنت قاسيا فأنا لا أتكلم عنكم كأشخاص أنا أتكلم عن كل من ساهم بخروجكم من وطنكم ودفعكم لتمثيل منتخب قطر ولربما لازالت أثار الرصاصات التي أطلقها المجنس باسل الريس في مرمانا تعشعش في قلوب مواطني هذا البلد المعذب رياضيا .
محمود في July 06 2010 16:49:41
أنا برأيي هدول لازم ينمنعوا من دخول سوريه ... لأنو اللي ببيع وطنو مشان المصاري لمنتخب قطر ممكن مع الزمن يبيع الوطن لأكتر منهيك
نحن ما إختلفنا معهم بإنو لازم يحترفوا بقطر مشان تحسين وضعهم المادي بس إنو يبيعوا وطنهم فهاد عار عليهم
محمود في July 06 2010 16:51:28
خائنوووووووووووووووووووووووووووون عابدووووووووووووووووووووووووون للمصاري
وياريت ماحدا يحمل المسؤولين سبب هجرهم للرياضه السوريه ... ةاللي ببيع بلدو ممكن يبيع عيلتو
Momaka في July 06 2010 19:17:52
صحيح في عنا فساد رياضي وصحيح في بلاوي عم تصير بس هادا الشي ما يبرر عملتون المخزية يلي مابدو سوريا سوريا مابدا اياه بالناقص مننون




خائنوووووووووووووووووووووووووووون عابدووووووووووووووووووووووووون للمصاري
وياريت ماحدا يحمل المسؤولين سبب هجرهم للرياضه السوريه ... ةاللي ببيع بلدو ممكن يبيع عيلتو
لاعب يد سابق في July 06 2010 19:39:48
اخ محمود قبل ما تقول خائنين ابحث في الموضوع واعرف انه رئيس اتحاد اليد حصته واصلتوا وكل الاعضاء ولما يكون عمرك 17 سنه وما في ليره بجيبتك وما في حدا يهتم فيك من اتحادنا الموقر ف على الدنيا السلام والشكر الكبير للانحاد القطري يلي فعلا عم يشتغل ليطور رياضته بغض النظر عن الاسلوب مو متل رياضتنا شعارات وبس
محمود في July 07 2010 01:45:10
الى لاعب يد سابق
والله إذا بدي أشتغل بويجي وآكل خبز حاف ما بلعب ضد بلدي سوريه ... كلياتنا قاسينا بحياتنا الرياضيه وأنا كنت لاعب قبل هالخونه ما يخلئوا... والشي اللي مأمن إلهم بهالوقت ماتأمن إلنا ولا 1% منو ... بس بتمنى من القياده السوريه سحب الجنسيه منهم لأنو ما بيستاهلوها ... ولا بيستاهلوا يحملوا جواز سفر سوري وعليه نسر سورسه وعلسه علم الوطن
خائنووووووووووووووووووووووووووووووووووووووون عابدوووووووووووووووووووووون للمصاري
هي وصمة عار عليهم وعلى عيلتهم
وبرجع بكرر كلامي ... مهما كان الفساد معشعش بالقيادة الرياضيه ولو كانوا مسؤوولين كرة اليد قابضين ... ما بلعب ضد بلدي سوريه ولو حملوني كنوز الدنيه كلياتها ... وهاد مو بس مجرد كلام ... الواحد لما بيلعب ضد نادي تربى فيه بحس بالخجل ...
الفنان احمد محاسنه في July 07 2010 03:07:16
الحبل على الجرار عظم الله اجركم يا اتحاد الرياضي لنشوف دور مين بكرا
الموضوع عادي في July 07 2010 11:51:17
يا شباب والله مافي داعي نكبر الموضوع ونحكي في اكتر من هيييك
يعني هدول شباب صغار وفرصة حصلت عشان يحترفو ويشوفو حياتوووون
يعني اذا بدنا محاسب لازم نحاسب الجهات المسؤولة بسوريا هنن يلي خربو الرياضة قدم ويد وسلة وغيرو كتيييييييير
المفروض نحنا نوقف جنب هالشباب ونكون دعم الوووون
ومتل سوريا ما طلعتون سوريا قادرة انو توجد لاعبين متلون واحسن بس المفروض يكون في اهتمام من القيادات الرياضية
يعني شادي حمدون اخد احسن لاعب العربي السنة الماضية قبلو ب سنتين قتيبة محاميد اخد افضل لاعب عربي ايضااا
بس قتيبة وينوووووووووووووو؟؟؟؟؟ اما شادي وغييرو استمرو حافظو على نفسوووون
وانشالله من الجميع يتفهم الموضوع بروية
لاعب كرة يد سابق في July 08 2010 01:42:50
بصراحة حرام أصلا ما يهربو شو بدهم يعملو هون بالمنتخب ولا بالنادي يلي ما قدمهم شي لكن لاعب كرة يد عمرو 16 سنة أفضل الاعب بسورية تعطوا راتب متين ليرة بالشهر أجرة طريق للنادي بينما بقطر راتب لا تسأل وراحة نفسية وتأمين للدراسة وغير التحضير للمنتخب والسفر والعب مع منتخبات عالمية ببس بسوريا قبل البطولة بيوم بيقلونا يلا بكرا عنكم بطولة مو حرام والله حرام أحنا بحيتنا ما بنصير بس شاطرين بالحكي مو بالفعل
لاعب كرة يد سابق في July 08 2010 01:43:47
بصراحة حرام أصلا ما يهربو شو بدهم يعملو هون بالمنتخب ولا بالنادي يلي ما قدمهم شي لكن لاعب كرة يد عمرو 16 سنة أفضل الاعب بسورية تعطوا راتب متين ليرة بالشهر أجرة طريق للنادي بينما بقطر راتب لا تسأل وراحة نفسية وتأمين للدراسة وغير التحضير للمنتخب والسفر والعب مع منتخبات عالمية ببس بسوريا قبل البطولة بيوم بيقلونا يلا بكرا عنكم بطولة مو حرام والله حرام أحنا بحيتنا ما بنصير بس شاطرين بالحكي مو بالفعل
حرفوش في July 09 2010 00:56:39
يعني لو ماشاركو مع قطر مع مين بدهم يشاركو مع تركيا اذا سوريا مارح تشارك في اي بطوله حتا اشعار اخر ولا هذول الاعبين حجه الاتحاد مشان مانشارك في البطولات بس ياعيب الشوم على هيك اتحاد فاشل
عبدالرحمن الكوثر في August 10 2010 13:02:21
اول شي حابب اقولة للكاتب الفيلسوف انو طارق الخطيب مو سوري اوكي لأنو فلسطيني وما شاف طعم الحياة بسوريا ولا عاش طعم الكرامة بسوريا لأنو فلسطيني وطبعا انتو فاهمين شو يعني فلسطيني بسوريا ولما راح لقطر ليلعب كرة يد وشاف كيف ايمتو الحقيقية وكيف العالم اللي بحترمو الأنسانية وبحترمو المواهب الحقيقية طبعا رح يعجبو الوضع لأنو شاف مين يحترمو ويحترم كرامتة وموهبتة لذالك لا حدا يلوم طارق الخطيب وغير هيك هوي قبل ميطلع على قطر حاول بسوريا يكون لاعب وينمي مهارتة بس طبعا لأنو فلسطيني ما الو نصيب بسوريا وكلكم نظر
هاني سوري في النصر الاماراتي في January 09 2011 02:15:55
كيفك مازن تعليقا عل الموضوع انا بعتقد انو اللاعبين ما ارتكبو اي غلط انا بحمل السؤليي للاتحاد السوري اللي صرلو واعدنا بتطبيق الاحتراف من سنة 2006 لكن منطق لاعب يروح عل التمرين ما معو اجار مكرو يعني كل شي والو حدود انك تلعب وتكون من احسن الاعبين بالدوري وبدون مقابل فهاد قمة الظلم والرياضة كأي مجال شغل بالعالم وهيي شغل الرياضي يعني ازا مااجا مدخول من وراها كيف بدو يعيش وانا بدعيلون بالتوفيق للاعبين وبخاطب اتحادنا السوري واللي انشاء الله يزبط اوضاعو مع انو كتير صعب وبئلو حرام الشي اللي عم نصير والله لعبة اليد هيي اللعبي الوحيدي اللي بتوصلنا للعالميي ومشكور اخ مازن
لاعب كرة يد مامون في February 06 2011 01:50:29
والله ياشباب الموضوع الو سلبيات والو ايجابيات كل واحد عم يكتب وبيلعب كرة يد لو صحتلو هل فرصة ما قال لا والعيب مو منون فرصة واجت وحقون بيئمنو حالو متلا متل اي وضيفة بل خليج ليش الخبرات العلمية السورية برا ليش ما تحكو عنا مازن كيفك اخوك مامون ابو صالح مشتاقللك خبرني حبيبي
القطري في March 13 2011 01:27:38
موسى يستاهل كل خير
حبيب في May 15 2011 04:13:17
اي هذول العبين لزم يرجعو لوطنهم بس بشرط يندعمو بل المصاري مو يعطونهم 2000 ليرة كل سنة
المسافر في June 01 2011 02:05:38
اولا يافهمان ياكاتب يكفينا تمسيح جوخ بطلوها للعادة اللاعبين الي ذكرتهم يحبو وطنهم اكتر منك ومن كل الي عم ينتقدو بالوطنيات وطارق فلسطيني الاصل واللاعبين الباقين سوريين وطنيين ولحقو معيشتهم وبتعرف انه منتخب سوريا للشباب من خمسة عشر سنه ماشاركو ببطولة تصفيات اسيا بتعرف ليش شاركو السنة الماضية وقالوها علنا الاتحاد السوري للاعبين الي شاركو ببطولة اسيا انه لا تفكرو مشاركتكم بالبطولة حبا بالمشاركة بل من شان ماتتجنسو تخيل هذا كلام الي قائمين على الرياضه وبعدين اللاعب موسى هو اسمه موسى الخلف ومواليدو 92 وهذه حقيقة ومنتخب الرجال الي شارك في لبنان السنه الماضيه كمان ليس حبا بالمشاركة نفس موضوع الشباب وبتعرف مااخذو لا مصروف ولا حتى راتب ولا تجهيزات كامله وهو منتخب رجال تخيل وهم ياتو للبطولة وقابضين مهمات بالدولار اعضاء الاتحاد عيب عليكم الي تنتقدو ويكفينا نفاق مهنة الرياضه مثل اي مهنه مثل الطب وغيرها يلحقون لقمة العيش لانهم اشرف الناس واكثر الناس وطنيا وشوف دول العالم كل لاعبينها مجنسين هذا الاحتراف وهذه مهنه بالنهاية والله فوقك كل من ينتقد واعتز بنفسك وخلي عندك كرامة للي تنتقد وتنافق وشكرا لكل الي انتقدو بصراحه وبعقل وبصدق وانا على فكرة ليس مستفيد من احد من اللاعبين ولكن اعرف الوضع بالتمام والله يوفقهم بااحترافهم في قطر ويديمهم لوطنهم الاول سوريا الحبيبة
سوسو في September 03 2011 02:24:11
ما حدى بيبع بلدوا منشان مصاري بالعكس الاتحاد الرياضي لكرة اليد هنة يلي باعوا الوطناو بالااحرى جميع الاتحادات السورية
المشاركة بتعليق
الاسم:


التعليق باستخدام Facebook

الدم سوري

اللاعبالفريقالأهداف
عمر السومةالعربي القطري9
بابلو صباغأليانز ليما البيروفي9
عمر خريبينالوحدة الاماراتي8
علاء الدالينفط ميسان العراقي8

استفتاء الاسبوع
مارأيك بمشاركة منتخبنا الوطني الأول في نهائيات كأس آسيا 2023؟

ممتازة

متوسطة

سيئة



محترفون جدد
سينتياغو هزي
محمد عنز
علي بشماني
كامل حميشة
خالد كردغلي