قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
بالصور: بمشاركة جورج موسان منتخبنا يواصل تدريباته
Bookmark and Share


جورج موسان اثناء تدريبات المنتخب

اجرى لاعبو منتخبنا الوطني الاول في تمام الساعة الثالثة من عصر اليوم الخميس تمرينهم المسائي على ملعب الحمدانية, بحضور جميع اللاعبين بمن فيهم لاعبي نادي الكرامة الذين كانوا غائبين بسبب مشاركة نادي الكرامة في بطولة كاس الاتحاد الاسيوي.
وحضر التمرين ايضاً الحارس السوري الشاب جورج موسان القادم من السويد من نادي هاماربي السويدي وذلك استعداداً للمشاركة مع المنتخب في المباراة الودية ضد المنتخب القطري الشقيق مساء يوم السبت القادم على استاد حلب الدولي .
وبدات التدريبات بحركات الاحماء ثم قسم مدرب المنتخب فجر ابراهيم اللاعبين المتواجدين التي تشكيلتين ولعبوا ضد بعضهم, وشاركهم الكابتن فجر في بعض الكرات, وقدم معظم اللاعبون مستويات جيدة, وتالق الموسان في رد اكثر من كرة بطرق مختلفة.
وبدا واضحاً على جورج موسان الارهاق خصوصاً انه وصل الى سورية فجر اليوم, وشارك في التدريبات الصباحية, ومع ذلك فانه قدم مستوى طيب واظهر تالقاً واضحاً في ابعاد الكرات العرضية, والتصدي للتصويبات البعيدة القوية والانفرادات المباشرة.
ولم يصدر الجهاز الفني التدريبي للمنتخب بقيادة الكابتن فجر ابراهيم رايه في الحارس السوري الشاب , حيث من المؤكد ان يصدر الكادر التدريبي رايه في الحارس بعد المباراة الودية ضد قطر, وسيصدر القرار بعدها اما باستدعائه في قادمات الايام او عدم حاجة المنتخب له.

لقطات من التدريبات :

- بدا واضحاً على مدرب الحارس في المنتخب رضاه على مستوى جورج موسان لكنه لم يصرح باي شيء حول هذا الخصوص.
- تحدث اداري المنتخب احمد هلال مع عمة الحارس جورج موسان المتواجدة في سورية في مدينة حلب حول الاوراق اللازمة لكي يلعب مع المنتخب في المباريات الرسمية.
- علم موقع المحترفين من مصادر خاصة ان اتحاد كرة القدم لن يتكفل بدفع بدل الخدمة الالزامية الخاص باللاعبين جورج موسان ولؤي شنكو و سنحاريب ملكي وانه يجب على اللاعبين دفع المبلغ.


صور اخرى لجورج موسان من التدريبات:






تعليقات
سوري اصيل في March 19 2009 19:03:06
الله العظيم عيب على اتحاد الكرة الا يدفع بدل الخدمة اتحادنا مو شاطر غير يروح رحلات على سيدني على حساب تطر المنتخب
فرحان القرح في March 19 2009 19:18:03
اللة يوفق كل انسان بحب وطنة
فرحان القرح في March 19 2009 19:18:25
اللة يوفق كل انسان بحب وطنة
عبدالرحمن الكرماوي في March 19 2009 19:23:44
تمام التمام لهلا كلشي تمام ومبشرات الفوز بدئت بالظهور
أحمد عوض في March 19 2009 19:28:55
أنتم قلتم موافقين للتعرف ولكن لا يوجد مكتب للموقع (الأشخاص الذين يعملون في الموقع لا يوجد لهم عمل معين خارج الموقع -صورة ايميل -أنا الذي أعرفه أنكم شباب سوريون وهذا لا يكفي )ما رأيكم
SAID -USA في March 19 2009 20:41:21
almohm bel nessba le jorge ish3or eno fi beato wa watano lano nehna al mogtarebeen mabedna geer hoob alwatan wa alsho3or enana fi betna wa ben ahlena wa maslahet syria fok kol shi <bektob esmek ia bladi 3al shamss el mabetgiib>
محمد في March 19 2009 20:49:18
سؤال بعدأذنكم هلق بما انو جورج موسان من مواليد 1989 معناتا بيحقلو يمثل منتخب سوريا الاولمبي لي ما بيتم استدعاؤه في حال ما احتاجو المنتخب الاول
اياد في March 19 2009 20:49:46
ممكن سؤال ادي طول الحارس جورج موسان
احمد في March 19 2009 21:50:38
ارجو من اعضاء الموقع او احد الميسورين
او منتدى كورة
تنظيم حملة جمع تبرعات لدفع البدل للاعبينم الثلاثة
المبلغ ليس كبير بالنسبة للثلاثة ززز لكنهم يستحقون منا هذه اللفته وهم اثبتو وفائهم واخلاصهم للوطن ...
الشـــ ابن ــام في March 19 2009 22:18:55
ممكن نعرف اديش طول ووزن الحارس جورج واذا هو اساسي بنادي همر بي ولا احتياطي وكم مباراة لعب هل موسم وسابقا مع اي ناديكان يلعب ومنتمنى من ادارة الموقع تعمل مقابلة مع حرسنا لنتعرف عليه اكتر
سوري مرفوع الراس في March 19 2009 22:24:27
مع احترامي للجميع بس هاد مو اتحاد كرة قدم هاد اتحاد النصب والاحتيال ام مجبورين غصب عن راسن بدفع اجور الخدمة الالزامية للاعبين ولابس شاطرين يتلبسو لمحمد بن همام ليصوتولو لرئاسة الاتحاد الاسيوي احمد جبان بدو حرق وبعدين يكبو بالحاوية ليا كلو القطاط والكلاب بدن المنتخب يكون فاشل ما بدن المنتخب يكون قوي وينافس عالبطولات .وشو صار بفراس وجهاد ورجا جايين على مباراة قطرولا كمان موجايين ارجو الرد وشكرا
===============================================
بنسبة كبيرة لن يشارك جهاد وفراس في اللقاء بسبب التزامهم مع انديتهم
عبدوموسى في March 19 2009 22:26:25
نحن جماعة ما بنحب ندفع شي بدنا حدا يطعمينا اللقمة والله صعب كتير دفع المبلغ الكبير ارحموا هالناس بدى تفرحلا شو صغيرة صعبة كتير مو والله العظيم عيب عيب عيب
sara في March 19 2009 22:31:05
و الله العظيم عيب على اتحاد الكرة
كفى كفى كفى يا اتحاد الكرة
علوش ابن طرطوس في March 20 2009 00:01:55
مباراة المنتخب يوم السبت الساعة 6
علوش ابن طرطوس في March 20 2009 00:03:48
القناة الناقلة للمبارة على الاغلب ستكون قناة الدوري والكأس القطرية وقناة الجزيرة الرياضية والقناة السورية الارضية الثانية
على الاغلب !!!!!
علوي اصيل في March 20 2009 01:07:56
ان شاء الله بتتوفق مع المنتخب يا جورج واتحاد الكرة شغلتو فاضية اذا منعتمد عليه ما بيمشي حالنا
معجب في March 20 2009 02:18:52
معجب بالخطة الجهنمية لتحصيل بدل الخدمة الالزامية .الحق مش عليكم الحق عليهم يلي اجوا ولعبوا مع المنتخب وحملوا راية بلدهم و تغنوا بنشيدهم الوطني(والله عيب)
أبو ولاء الديري في March 20 2009 03:25:32
بالتوفيق للحارس جورج موسان وأتحاد الكرة أسمو أتحاد الكره والله مافي حدا بسورية بيحبهن يعني لو كانت عقوبة للأندية مافي أشطر منهن بتمنى من أتحاد الكرة يخصص ريع التجمع النهائي لدوري الدرجة الثانية لدفع البدل أنا واثق أنهابتكفي وبتزيد
سوري في March 20 2009 04:39:41
مو ناقص الا يدفع اللاعبين مصاري لفجر
مغترب في March 20 2009 05:52:15
أرجو أن تكون جماهير حلب الشهباء على قدر المسؤيلية كما عودتنا دوما وأن تكرم هذا الشاب الرائع بغض النظر عن مستواه بأن يتم تكريمه بالهتاف والترحيب الحار من أجل وطنيته العالية و حتى يشعر بالفعل بأنه اتخذ القرار الصائب وحتى يتمكن من تقديم أفضل ما عنده ومن الممكن أحسن و انشالله يوفق المنتخب والله حبو بدمنا شو ما عم يعملوا فينا هالاتحاد الموقر و ألف ألف شكر لادارة الموقع يلي بالفعل شباب رائعين عم يشتغلو بدون اي مقابل دون البحث عن أي شهرة أو اسم والعمل خلف الكواليس من أجل الوطن والله مشكورين وشو ما قلنا مقصرين بحقكم موفقين وانشالله سوريا وقطر تكون مباراة ناجحة للمنتخب وانشالله نتمكن من متابعتها نحن المغتربين.............
بيبرس في March 20 2009 06:21:00
انا ضني انو الحارس موسان مانو رايح يلعب

لني في حراس مرما اضعف منو بدهم يلعبو
بيبرس في March 20 2009 06:22:06
انا ضني انو الحارس موسان مانو رايح يلعب

لني في حراس مرما اضعف منو بدهم يلعبو
فرحان القرح في March 20 2009 10:08:59
بداية طيبة لفجر ابراهيم باستدعاء الموسان وان شاء اللة سنحاريب ولولو والياس على الطريق ليكمل الفريق وشكرا سلفا الاتحاد الكرة
علاء في March 20 2009 12:45:51
منتخبنا سيفوز حتما وسوف نعمل حفلة كبيرة
ابو حميد في March 20 2009 13:18:46
بالتوفيق لجورج
وإنشالله يقدم المستوى المطلوب في مبارة قطر ..
ابوالشام في March 20 2009 14:11:33
صار لازم هالاتحاد يتنحى الله يعطيه العافيه انا واثق 90بالميه من السوريين لا يريدونهم والعشره بالميه يريدونهم خجلا لانهم اصحاب واقارب وخلان لك يا رجل بعد يللي قيل من قبل الجبان على art من فضايح الاتحاد الواسطات والمحسوبيات وحكلي لحكلك ولسا فيهم جرأه عالاستمرار صحيح يللي استحو ماتو =بالتوفيق للمنتخب
محمد في March 20 2009 15:06:32
عندي اقتراح شو رأيكون نشكل صندوق لدعم المحترفين بإدارة القائمين على الموقع بيختص بدفع بدل اللاعبين وبعض نفقاتون أرجو الرد
nidal swedn في March 20 2009 15:19:54
al7ars gorg mosan hoa al7aras alrabaa 4 fea nadea hamarbea oshkran ntmnaloa altofeak ma almnthab
عبدالرحمن الكرماوي في March 20 2009 17:01:13
ردا على الاخت sara شو طلباتك من اتحاد كرة القدم اللاعبين ملتزمين مع انديتهم وما فيهم يجو غيره
محمد في March 20 2009 17:14:51
بتمنى الرد يا إداره
كفاح الكحلوني في March 20 2009 17:37:23
بالتوفيق للمنتخب وللحارس الشاب واتمنا ان يتم استدعاء جميع من يستحق اللعب من المحترفين والمحليين
علوش ابن طرطوس في March 20 2009 21:29:35
ليش جورج مراد لم يأتي ليلعب مع المنتخب ؟؟؟
علوش ابن طرطوس في March 20 2009 21:36:14
سيفوز المنتخب انشاء الله وسنحتفل بفوزه
وسنحتفل بالكبة الحلبية يا يووووب
اتمنى من اللعب عبد الفتاح الاغا ان يسجل هدف على قطر على الطريقة الحلبية يا خيو
اشو بدنا لعبة طيبة بوكرا ما بدنا اخطاء طاول
كول منيح اليوم يا عبد الفتاح الاغا محاشي وكبب
عماد / جده السعودية في March 20 2009 22:16:34
بحيي الأخ المغترب وبشد على أيدو بمناشدة جمهور حلب بمآزرة حارسنا الوفي والهتاف إلو لأنو بيستحق وأي واحد بيحب وطنو لازم بالجهة التانية يناشد الأخ مصطفى الآغا يلي بيعتار من جنسيتو السورية على ما يبدو أنا بحب قلو للسيد مصطفى نحنا بنحبو كتير وفخورين فيه بس عتبانين عليه من طريقة كلامه على الأندية السورية (خليون يحترفو بعدين يجو يشاركو بأبطال آسيا) يلعن أخت العملة يلي بتعمل ناس محترفين وهنن مخون تنكة وناس معروفين بأنن أصحاب فكر متلك يا أبو صطيف ببيعو كرامتون وولاءهم لبلدهم من أجل الريالات ووقت بيحكي عن فريق سعودي بتحسو رح يبكي أد مو متأثر الأخ والله شي بيجنن هي منقذ العلي ولا أيسمن جاد ولا ياسر علي ديب كلون محترمين وبيحبو بلدهم وبيحاولو يساعدو بلدهم مو يشنو حرب على أنديتها والسلام
عبدالرحمن الكرماوي في March 21 2009 01:04:45
بما ان جورج في حلب اطلب من ادارة الموقع ان تسأله هل هنالك عرض لك من الاندية السورية مع الشكر سلفا لادارة الموقع
جهاد في March 21 2009 02:39:45
يارب يكون اساسي بكرى
عبد المجيد العران في March 21 2009 13:13:24
الله معكن يالاحمر كلنا وراكن
وان شالله يكون الو نصيب بالمشاركة ويثبت وجودو
وبالتوفيق يالاحمر ياروحي ودمي
لؤي ((طرطوس)) في March 21 2009 13:56:39
بالتوفيق للمنتخب والفوز لنا اليوم باذن الله
كما قلنا ان المنتخب سيحتفل بالكبة الحلبية
بهيج في March 21 2009 14:17:39
بلتوفيق للنتخب
مغترب في السويد في March 21 2009 17:53:05
شباب أريد أوصلكن معلومة و هي أنو الاعبين مو رايدين حدا يدفع بدلهم بس المشكلة أنو ما عم يدفعولن حتى حق الطريق يا شباب
يعني سنحريب ملكي رجع على حسابو الشخصي من معسكر بلجيكا و ترك منتخب بلجيكا و رجع
و سافر لسوريا على حسابو و الاتحاد السوري رفض يدفعلو تكاليف الطريق
المشكلة أكبر ما تتصورو
يعني منتخب عندو هالاسماء و ما يتم أستدعاءها والله عيب
محمد في March 22 2009 06:41:47
يعني والله عيب انو اتحادنا ما يدفع بدل الخدمة بالفعل معون حق ما يجوا اللاعبين
الخلاصة اتحاد الكرة اتحاد فاشل فاشل فاشل
أبو الحن في April 07 2009 19:17:34
لأنو سنحاريب ملكي فضل المنتخب السوري على المنتخب البلجيكي هذا جزاؤه العادل
أبو الحن في April 07 2009 19:19:48
لأنو سنحاريب ملكي فضل المنتخب السوري على المنتخب البلجيكي هذا جزاؤه العادل
عاشق الكرة في April 26 2009 00:02:11
وين المدافع الياس برقس ونحن بعز الحاجة اليه
عاشق الكرة في April 26 2009 00:03:03
وين المدافع الياس برقس ونحن بعز الحاجة اليه
صبا كرماوية في January 20 2010 23:52:58
لازم يصير المنتخب مؤلف من مغتربين فقط
انامجدل من القامشلي في March 13 2010 14:38:32
نادي الجزيرة بحاجة ماسة لجهودك العالية في كره القدم
عاشق سورية في March 22 2010 15:23:29
المنخب فاشل مع وجود فجر ابراهيم
احمد العلي الحسكة في May 10 2010 22:13:33
ياريت تفكرو منيح وترجعو الجنيات لصفوف لمنتخب وبالتوفيق لمنتخبنا وبداية جيدة وياريت نضل على المدربيبن السوريين لانو عم بيجيبو نتنايج مليحة ولا تنسو ابو شاكر الو الحصة الكبيري
وجهاد بلا عاطف مابيصير ياريت تراجعو افكاركم شوي بس وتعطو الاهتمام بللاعبين مشان بيعطو نتائج
المشاركة بتعليق
الاسم:


التعليق باستخدام Facebook

الجماهير السورية

اللاعبالفريقالأهداف
عمر السومةالأهلي السعودي18
أحمد عثمانتاسمان يونايتد النيوزيلاندي7
محمود المواسأم صلال القطري8
عمرو جنياتالشباب العماني7
شادي الحمويالرمثا الأردني10

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات