قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
منتخبنا السوري يحقق فوزاً غالياً على التنين الصيني
Bookmark and Share


لقطة الهدف الاول لمنتخبنا من ضربة جزاء نفذها ماهر السيد

حقق منتخبنا الوطني الاول فوزاً غالياً على المنتخب الصيني بنتيجة 3-2 ضمن المرحلة الاولى من المجموعة الرابعة من تصفيات المؤهلة لكأس الامم الاسيوية 2011 في قطر بعد مباراة مثيرة في مجرياتها.
وشارك في هذا اللقاء محترفان هما فراس الخطيب لاعب النادي العربي الكويتي والذي شارك اساسياً وقدم مستوى طيب وكان افضل لاعب بالمنتخب ونجح بتسجيل هدف من الاهداف الثلاثة وخرج في الدقيقة 87, بينما شارك جهاد الحسين لاعب نادي الكويت الكويتي في الشوط الثاني بديلاً للاعب ماهر السيد وقدم مستوى جيد لكن الوقت لم يكن كافي لاظهار مهاراته كاملة.
وبدء الشوط الاول بتسديدة صينية يتصدى لها الازهر, رد عليها رجا رافع بتسديدة على الطاير من خارج الجزاء يتصدى لها الحارس الصيني, بعدها يحصل منتخبنا على ركنية يرتقي علي دياب لمتابعته فيتعرض للدفع ويحتسب الحكم ركلة جزاء, ينفذها ماهر السيد بطريقة رائعة في الشباك معلناً الهدف الاول لمنتخبنا.
بعدها استمرت الافضلية السورية وقام الخطيب بفاصل مهاري رائع و مرر الكرة لرجا رافع الذي انفرد على اثرها بالحارس لكنه سدد الكرة جانب القائم, وفي الدقيقة 24 ينجح السيد من تسجيل الهدف الثاني له وللمنتخب بعد ان استلم تمريرة الخطيب وسدد الكرة من خارج الجزاء سكنت الشباك الهدف الثاني لسورية.
لتستمر الفرص السورية حتى الدقيقة 39 حين قطع فراس الخطيب الكرة من مدافع الصين ومرر الكرة لرجا رافع الذي ناور لاعبان ودخل منطقة الجزاء وتعرض لعرقلة يحتسب الحكم على اثرها ضربة جزاء ينفذها فراس الخطيب بهدوء في المرمى هدفاً ثالثاً لمنتخبنا, لينتهي بعدها الشوط الاول من المباراة بتقدم منتخبنا الوطني السوري على المنتخب الصيني بثلاثية نظيفة.
رجا رافع يتوغل بين مدافعي المنتخب الصيني

ومع بداية الشوط الثاني حاول المنتخب الصيني التعويض فسنحت له منذ البداية ضربة حرة تألق الازهر بالتصدي للكرة, وفي الدقيقة 57 يقطع لاعب المنتخب الصيني الكرة من عاطف جنيات ويتوغل داخل الجزاء ويمرر الكرة لزميله بو كو الذي تابعها في الشباك هدفاً اول للتنين الصيني.
وحاول بعدها فراس الخطيب من تسديدة من خارج الجزاء جانب الشباك, واضاع ماهر السيد انفرادة مع الحارس حيث سدد الكرة لكن الحارس الصيني تصدى لها, ثم صوب الشعار كرة من خارج الجزاء فوق المرمى, واضاع الرافع كرة سهلة من داخل منطقة الجزاء, ثم انفرد الرافع بحارس المرمى الصيني لكنه صوب الكرة فوق المرمى بطريقة غريبة.
وكانت اخطر فرص المنتخب الصيني عندما انفرد احد اللاعبيين بالازهر بعد تناقل رائع للكرات بين اللاعبيين لكن الازهر ابعدها الى ركنية, وفي الدقائق الاخيرة تحصل جهادو على ضربة حرة مباشرة نفذها بطريقة جميلة لكن الحارس كان لها بالمرصاد,وعندما ظن الجميع ان المباراة سوف تنتهي بهذه النتيجة نجح اللاعب الصيني جيانغ نينغ من تسجيل هدف التقليص الثاني بعد عرضية تابعها بقدمه في المرمى.
ليعلن بعدها مباشرة حكم اللقاء نهاية المباراة بفوز غالي للمنتخب السوري على التنين الصيني بثلاث اهداف مقابل هدفان, وفي المباراة الثانية من نفس المجموعة تلقى المنتخب اللبناني الشقيق خسارة ثقيلة من المنتخب الفيتنامي بنتيجة 3-1, ليتصدر فيتنام الترتيب بفارق الاهداف عن منتخبنا.

تشكيلة المنتخب الوطني :
رضوان الازهر
عمر حميدي - علي دياب - باسل الشعار
عاطف جنيات - فراس اسماعيل - يحيى الراشد - بكري طراب
ماهر السيد
رجا رافع - فراس الخطيب


التبديلات :
دخول عادل عبدالله وخروج يحيى الراشد
دخول جهاد الحسين وخروج ماهر السيد
دخول زياد شعبو وخروج فراس الخطيب


لقطات من اللقاء :
- كان الحضور الجماهيري السوري لمباراة قليل للغاية عكس المتوقع
- قام بعض مشجعي المنتخب باحراق العلم الاسرائيلي على المدرجات وسط تشجيع كبير
- وقف لاعبو الفريقان دقيقة صمت قبل بداية المباراة حداداً على ارواح شهداء غزة
- تأخر لاعبو المنتخب بالنزول الى ارض الميدان مع بداية الشوط الثاني
- تواجد جماهير نادي الكرامة بالاستاد وشجعوا المنتخب بحراراة
- طالبت الجماهير باخراج رجا رافع بعد اضاعته لفرص سانحة
- استهجنت الجماهير التبديل الاخير بخرج الخطيب الذي كان نجم المنتخب في اللقاء وابقاء الرافع
- شجعت الجماهير بحرارة مقاومة غزة
- بدا واضحاً ان مدرب المنتخب الصيني تفوق بشكل واضح على مدربنا فجر ابراهيم في شوط المدربيين الثاني

تعليقات
سوري في January 14 2009 21:01:38
والله ربحنا بالحظ و ضربات الجزاء غير الصحيحة
أحمد في January 14 2009 21:09:48
مبروك فوز منتخب الوطن الغالي ونتمنى له الفوز في المباراة القادمة أمام لبنان الشقيق .
عبدالرحمن الكرماوي في January 14 2009 21:22:21
الحمد لله اول شي عالفوز وشكرا للمدرب ابو علي وللعيبة بس عندي اعتراض على الموقع لما قال:
بدا واضحاً ان مدرب المنتخب الصيني تفوق بشكل واضح على مدربنا فجر ابراهيم في شوط المدربيين الثاني
لان ما اخذوا بعين الاعتبار الاصابات المفاجئة ومنع اللاعبين لؤي و سنحاريب من اللعب الشي اللي خلا المدرب قدام حلول قليلة وانا متأكد من ان الفريق حيكون بغير صورة بمبارة لبنان والله يسامح جمهور حلب الشهباء
محرداوي في January 14 2009 21:48:31
باتتوفيق للمنتخب ونرجو ان تتابعو جهدكم لاضافة المحترفين
حرمون في January 14 2009 21:52:58
هل ممكن استدعاء محترفين بعد مباراة البنان ؟؟؟؟؟ ومن هم ؟؟؟؟؟؟؟؟



ارجو الاجابة
عاشق الإتحاد في January 14 2009 22:33:09
يا سيد فجر كالعادة نسجل و يسجل في مرمانا

لا تفكر حالك نفدت بهالفوز لأنه من اللاعبين و كان لازم تطلع فراس الخطيب ببداية الشوط التاني لأنه هو الي ضيع الفرص مو رجا رافع و لا إنت شايف غير الي شافته الجماهير

و نشكر موقع الكورة السورية على المعلومات الصحيحة الي بفتخر فيها ( المبارة منقولة على الجزيرة الرياضية 2 )

و على كل حال يجب إستدعاء المحترفين لأنه المنتخب الصيني مو بأحسن أيامه و هيك صار كيف لو كان في كم لاعب خبرة كان الحكي مختلف

و شكرا ً
رامي في January 14 2009 22:40:38
الف مبروووك لسوريا
بس يا جماعة والله الفريق الصيني ضعيف كتير و واللاعبين السورين لعبو برجولة بس والله هاللعب ما في شي من التكتيك و اللعب الحلو و خاصة بالشوط التاني بدنا خطط بالملعب يعني ما بعتد حدا رضيان على اداء منخبنا
و من جديد الف الف مبروك لسوريا و كلنا غزة
سوري في January 14 2009 22:51:24
مبروك المنتخبنا ولكن العبناامام منتخب الصين الاولمبي شو هل لعب في الشوط الثاني المح الله على كل حال مبارة منتخبنا الالمبي غدا اي ساعة وماهي القنوات الناقلة وشكرا
single-wwf@hotmail.com في January 14 2009 23:00:27
- بدا واضحاً ان مدرب المنتخب الصيني تفوق بشكل واضح على مدربنا فجر ابراهيم في شوط المدربيين الثاني
شكرا
رؤوف البيوض في January 14 2009 23:24:37
منتخب مبدئيا ماشي حالو بس خط الدفاع سيىء سيىء جداً وبل اخص علي دياب ذبحنا والله سبب الهدفين منو اطالب بشيله من التشكيله كما اطالب بدعوت سنحاريب مالكي ولؤي شينكو لئنو فيتنام مو سهله متل مابتتوقعو والله يوفق المنتخب والف مبرروك عل فوز البوكمال قريه الرمادي
علي ابو حسين في January 14 2009 23:27:25
الف مبروك لمنتخبنا واطالب بسنحاريب ولؤي شينكو وخط الدفاع زفت وشوربه اطالب بتغيير علي ذياب ادائو سيىءواتمنى التوفيق لللمنتخب
ابو علي من البوكمال في January 14 2009 23:32:49
نستنكر هجمات المنتخب الصيني المتواصله على دفاعنا الرخو وادين بشده اداء علي اذياب واطالب بدعم قوي وفوري من سنحاريب مالكي ولؤي شينكو كما احيي مواصله غارات ماهر السيد ورجا على دفاعات العدو في المواجهات القادمه اما بنسبه لفجر ابراهيم ادعوه لكف بلاه عنى وعن منتخبنا والله ما بتنجح لو بتصل كاس العالم رؤوف ابو رياض
عاصم في January 15 2009 01:47:43
أولا ألف الف مبروك لمنتخبنا الوطني فوز غالي وجيد على الرغم من الهدفين يللي تعرضلهن مرمانا .
ثانياً :أنا أؤيد استقدام لؤي شنكو وسنحاريب ملكي في المبارة الثانية لانو احنا بحاجة لخدمات مهاجم بيستغل اشباه الفرص ومتمرس . بالاضافة لمهندس إضافي لخط الوسط مع غنب متأكد لو انو محمود امنة كان موجود كان الوضع اختلف . بنسبة 90% .
ثالثا بتمنى من جمهورنا الغالي ما يبقى دائما يحمل المسؤولية للمدرب لانو اي مردب بحاجة لفترة جيدة جدا ويمكن طويلة شوي ليتاقلم مع المنتخب ويحقق معو نتائج جيدة بالاضافة انو المنتخب بحاجة لنصف الدعم يللي كان على وقت ابو شاكر .
وأنا بشكر كتير المدرب فجر وبتمنى منو يهتم أكتر بخط الدفاع والله يقوويه على مبارتنا الجاي .
وموفقين شبااااااااااااب .
tam في January 15 2009 03:42:00
مباراة مهزله ,وهادافجر صار بدو تقليع,وكل واحد بشد على يد المدرب بقلوا روح طم حالك بشي جورة انت وفجر, بدي اعرف على شو مبسوطين , لعبنا ضد فريق شوارع الصين ,واكلنا هدفين واهدافنا من ضربات جزاء والله عيب , شعبنا صار شعب اموات بجن على الريحه
أشرف في January 15 2009 11:10:13
لو سمحتم فيكون تحطولنا لقطات عن الأهداف (فيديو) لانو نحنا أنحرمنا من متابعة المبارة لأنو ولا قناة فضائية نائلتا و شكرا
رقراق في January 15 2009 11:29:21
الف مبروك للشباب و انشاء الله ع قبال كاس العالم المهم انو ربحنا 3 نقط و هدا المهم بس الاهم انو نفوز ع المنتخبين الباقيين لانو ما بظن كتير صعب نربحون حتى بدون مدرب لانو ربحنا الصين مبارح شبه من دون مدرب
النسر الأزرق في January 15 2009 13:26:06
مبروك للمنتخب والله يعطيكم العافية ياشباب وبالتوفيق في جميع المباريات
عاشق الأزرق في January 15 2009 14:45:35
ألف مبروك للمنتخب وانشاء الله كأس آسيا بس مو مع فجر لأن متل ماشفن الكل ان الشوط الأول شوط اللاعبين سجلن في /3/ والشوط الثاني شوط المدربين تسجل علين هدفين يعني خسنا الشط الثاني /2-0/
رامي في January 15 2009 14:59:50
بتمنى من الاخوة القيمين على هذا الموقع السوري الراااائع انو يخبرونا عن امكانية انضمام المحترفين لمبارة لبنان و شو صار بخصوص المدرب الاجنبي لفريق نسور سوريا
و كلنا غزة و النصر لغزة
===============================================
موضوع انضمام المحترفيين بيد فجر ابراهيم واللاعبيين ينتظرون دعوة
بالنسبة للمدرب الاجنبي حالياً جميع اخبارو غامضة بانتظار قادم الايام
رد سريع في January 15 2009 15:14:44
مع احترامي إلك عبد الرحمن الكرماوي كل مدرب يحط ببالو أسوأ الاحتمالات ولا كان لعبنا من دون مدرب ولؤي وسنحايب حتى لو موجودين ماكان المدرب دخل حدا وانت بتعرف ليش وإذا في إصابات في بكرة القدم اختراع إسمو اللاعب البديل من وسوريا وخارجها
وأنا متأكد إنو لو داخل هدف بالشوط الأول علينا إحنا خسرنا ولاتعتبر الفوز بضربة جزاء مهارة وبصراحة إذا رح يلعب هيك وتأهل ........معناه رح نطلع بكير من البطولة .........بلا التأهل أحسن وعلى راسي الجمهور
انا سوري واحب بلدي للموت في January 15 2009 15:18:03
ياشباب المنتخب صحيح فاز بلنقاط الثلاث بس مافي مستوى ومنتخبنا فاز على حساب ضعف المنتخب الصيني واتمنى انو نتعلم من المنتخبات كلمغرب وتونس ما رح قول الاوربين رح اذكر بس العرب كيف بيعتمدو على المحتريفين حتى لو كان محترف بدوري الدرجة الثالثة الاوربي
واظن انو ضربات الجزاء كانت هدية من الحكم مشكور خلانا نربح على الصين
والف مبروك لمنتخبنا الغالي السوري
واقولها بفخر واعتزاز انا سوري اه يا نيالي
رد سريع في January 15 2009 15:20:58
مع احترامي للسباب ولعبد الرحمن خاصة في اختراع بعالم كرة القدم إسمو اللاعب البديل فلا تتحجج بإصابات ولا غيابات وحتى لو موجودين المحترفين ماكان دخلهم المدرب وبتعرف ليش إحنا لعبنا بدون مدرب وإذا ضل هيك المستوى بال التأهل أحسن ومو شطارة الفوز بضربة جزاء وعلى راسي جمهور الشهباء
على فكرة في بدلاء برى إذا حدا سمع فيهم.............
أنس الشربيني شو أخبارو
سؤال في January 15 2009 15:23:55
سمعت إنو فراس الخطيب هو أحد المعارضين على قدوم المحترفين
أنا بصراحة شايفو صاير أناني كتيييييييييييييييير باللعب كإنو مافي غيرو بالملعب
روق فراس ...........يجيك يوم مايستدعوك للمنتخب لإنو انت كمان بتلعب برى متلهم ولا خايف على نجوميتك؟؟؟؟؟؟؟؟؟؟؟؟؟؟؟؟؟
نورالمدريدية في January 15 2009 15:45:14
ألف مبروك للوطن فوز المنتخب وبتمنى انو يجي كل من الياس وسنحريب وعقبال الكأس انشاء الله
undertaker في January 15 2009 16:13:57
يجب تغيير الدفاع و يجب مشاركة ماجد الحاج لانو اذا بدنا نعتمد على رجا رافع لن نسجل بعد الان ونطالب باقالة فجورة
شبيب دندشي في January 15 2009 16:53:30
اولا مبروك الفوز الخجول على منتخب الصين الجديد, و يا ريت ما ينسى المدرب فجر أنو نحنا عنا عقدة فارق الاهدااااااااااااااف.و شكرا
رايان في January 15 2009 17:57:04
لك حاج مسخرة بحياتي ما شفت اسوأ من هيك خط دفاع لولا ستر الله كنا تبهدلنا ولنشوف شو حيطلع معهن لسه التصفيات مطولة
منتخبنا يفوز بدون مدرب في January 15 2009 18:16:21
هذا الفوز سببه اللاعبين ..... وعلى فكرة منتخبا فاز المنتخب الأولمبي للصين وليس الفريق الأول .. ولو شاركت الصين بالفريق الأول كان الوضع إختلف ... وعموماً شكراً للاعبين فقط يلي أثبتوا جدارتهم من جديد
بينما فجورة يلي وقعت بالجورة .. أثبت من جديد أنه مدرب فاشل لأن الشوط الثاني شوط مدربين وللأسف ظهر في هذا الشوط تفوق مدربهم على مدربنا .. وعلى فكرة ضربتي الجزاء لمنتخبنا مشكوك بصحتهما ..
فجر فخر الصناعة الوطنية .....
هشام في January 15 2009 18:40:23
اااااااااااااااااااااااااااااه كم ممكتوب عليك الحزن ياسوري
ومحروم من الفرحة ودايما الاتراح بسبب قلة الوفاء والاخلاص لازم ماتكون مرتاح smiley
محمد شيخ كلة في January 15 2009 19:53:38
ألف مبروك بس بدنا المحترفين في المباريات القادمة
مغترب في January 15 2009 20:27:49
الحمد لله وهذا من فضل الله ولاكن اهدافنا كانت جزاء والجزاء حظ smiley
حسين خصيم في January 15 2009 22:27:41
من دون المحترفين سنحاري وشنكو فزنا لو كانو موجودين اش صار كانت خمسة اهداف;)
جوزيف حنا في January 15 2009 23:24:24
انا سوري و بحب سوريا و شعب سوريا يلي عايشين بسوريا و خارجها
ممكن اسال سؤال و اذا حدا بيملك جواب يقلي منشان الله شو يعني هالمحترفين مو معترف عليهم كسوريين من قبل فجر و بعدين فجر عم يحط اللاعبين بموقف المعارضين لانضمام المحترفين على كتر ما بيقول انو يلي هون اهم مع انو انا متاكد من رغبين جميع لاعبينا المحليين كلن بيتمنو انضمام اخوتهم المحترفين باوروبا لان همهم الوحيد رفع اسم سوريا
بعدين فجر ما شايف انو منتخب البرازيل بعظمته كل اللاعبين فيه مو ساكنين بالبرازيل يعني كلهم محترفين
الدكتور صالح صبحي البيوض في January 16 2009 01:12:35
كانه بنشوف مباراه وديه وبقول لفجر ابراهيم لا تفرح لانو هاذا مومنتخب الصين عم بلاعبوك بفريق تجريبي ولا تسرع فلموت اسرع مشع نادي الفتوه حتى الموت لا اداء لامتعه وهداف موصحيحه والله بيوفق كل الغيورين على المنتخب واحيي فراس وجهادوووو وماهر كما ادين تواجد علي ذياب بشده
باسم قبائل الشاهبات والعكارشه في January 16 2009 01:17:07
اسؤء خط دفاع بشوفو بحياتي وبل اخص علي ذياب واطالب بابو شاكر والله انو محمد الضريبه يلعب احسن من علي دياب رابطه مشعي المنتخب بدير الزور أل مكرخ
roof-2200@hotmail.com في January 16 2009 01:20:21
منتخب ماشي حالو وفجر ابراهيم مابيصلح حتى لعربانه بطاطا والله انو الفوز ضربه حض غياب الاداء والفنيات والتكتيكsmileysmiley
مغترب في January 16 2009 02:54:40
الله يعين الجمهور السوري المتلهف والعاشق للانتصارات عل حرب الاعصاب التي سيعاني منها إذا بقي أداء المنخب على هذا الوضع!!!!!!
مرهف عليوي من حلب الشهباء في January 16 2009 12:54:18
اول شي الاخ السيد عبد الرحمن الكرماوي انت حكيت الله يسامح جمهور حلب وانا بقلك اللهم امين لان المنتخب من يوم يومه مسود وشنا بقا هلق بدو يبيضو مابخفيك انا بالاول فرحت كتير للثلاثية بس اقسم برب العزة كنت متوقع نتراجع بالشوط التاني لانو بعرف كيف بيلعب منتخبنا لما بيكون ربحان اللعبة وتاني شي السيد فجر ابراهيم او فجر الكرة السورية المشرق اعتقد ان على دياب من لما كان محمد قويض مدرب المنتخب تم استدعاؤه وشفنا كيف بهدلنا من القويض بتقوم انت بترجع بتستدعيه حبيبي هداد شغلتو بالمجد وبالدوري السوري وبس مع المنتخب فراطة وماخرجه وبعدين الاتحاد اكلة اكتر شي باصابة اربع لاعبين دفعة واحدة وهم محمود امنة وعبد القادر دكة وعبد الفتاح الاغا ووائل عيان وحسبنا الله ونعم الوكيل على هيك دفاع مخزي
الياس في January 16 2009 17:51:48
لولا الحظ ما حلمنا بكووول واحد100%. لك ليش اتحادكرة القدم تبعنا ومدرب المنتخب العقل تبعن بالمقلوب؟؟؟؟smiley أي منتخب بالعام بيحلم بالمحترفين ليش عنا ما بدن ياهنsmiley ولا خايفين انو ينكشف وجهن الحقيقي وجه النصبsmiley لو يستدعون المحترفين ما كان وقف ادامنا ولا فريق بأسيا أرجو ان يرى هادا التعليق اتحادنا
عبد الرحمن في January 16 2009 18:33:45
كم بلغ ريع المباراة ؟
مشكوووور لادارة الموقع
حسين خصيم في January 16 2009 21:12:15
مبروك الفوز للمنتخب وفي انتظار الفوز في بطولة اسيا وهّذا ليس مستحيل على الجوارح الحمراء [img][/img]
samooooooooooooo في January 17 2009 00:10:54
فزنا نعم فزنا على الصين ولكن
1- المباراة على السورية الارضية
2- انا نسيان ازا في ارضي او (انتين ) يعني بلشت من الساعه 11 بالانتين منشان المباراه بالاخر اضريت اسرق انتين ابن عمي لحتى شوف المباراه ( مع اني مشرتك بالجزيرة الرياضية)
3- الصورة عادية وصوت متقطع بسبب رداءت الجو
4- اخراج المباراه ( صلو عالنبي )
توقيت المباراه يعني الوقت ما شفناه كل المباراه وكنا ننطور اياد ناصر لحتى يقول قديش الوقت لنعرف شو الوقت
5- كل ما يفوت غول تروح النتيجة وما عاد نشوفها غير بالمناسبات
6- يمكن بنص الشوط التاني طلعت على يسار الشاشة بالنص الي تحت كلمة ( ارشيف )
وبالانجليزي من اجت ما منعرف ولا حتى المخرج بيعرف
مع انو المباراه على الهوا مباشر
وحدث ولا حرج
بس الله يسامح الي كان السبب
مباراة الاردن وتايلاند كانت على قناة ابو ظبي الرياضية
ونحنا ما منعرف مين طلع المباراة غيرنا
شكرا يا اتحادنا الغالي فعلا شكرا
حسام في January 17 2009 02:35:06
ش كرا كتير والله عم تتعزبوا كتير بس في شغلة وحدة وين المحترفين وين التكتيك والله عيب هل المدرب يكون مدرب منتخب للاسف نحن ما بدنا نطور تعرفوا ليش لانو المنتخب لفجر و السيد جبان وشكرا
مواطن سوري بيحلم بمنتخب سوري في January 17 2009 13:54:20
سنحاريب ملكي ووووووووووووولؤي شنكواووووووووووووووووووووووووووومعتز كيلوني وينين وينين وينين بدين يلعبوا ضد لبنان أرجو متابعة الخبر والرد أرجوكم
عبدالرحمن الكرماوي في January 17 2009 23:47:38
اشكر المشتركين اللي ردوا علي وصح حكيكوم بس مشان جمور حلب الله سامحوا ومنطلب من ابو علي يبين حيلعب سنحاريب ولؤي وانس شربيني والياس مرقص ولا الحكي فاضي
تحياتي للعشق الاحمر في January 18 2009 19:33:34
تحياتي للاعبين
للاننا انجزنا المباراة في شوط اللعبين
وسلام للمدرب مشان بس مايزعل
لان صراحة هوي فاشل بالنسبة لشوط المدربيين
وبالتوفيق للاعبينا
المنتخب بدو السباعي بدو ابو شاكر بدو ناس تقدرو مع احترامي لفجر
سلام ياعشقي الاحمر سلام
undertaker في January 18 2009 21:55:11
التشكيلة المناسبة للمنتخبsmiley: كاوا حسو حارس,الياس مرقص بلال عبد الدايم خالد البابا دفاع,لوي شنكو جهاد الحسين بكري الطراب نديم صباغ وسط,فراس ملكي هجوم
صفوان في January 19 2009 00:59:03
مبارات سورية عادية جدا smiley
ما بعرف شو محبب الاتحاد السوري بفجر ابراهيم لأنه ضيع متعة الفريق smiley
وبرأيي حتى لو ضيع رجا رافع كان نجم اللقاء بعودته للخلف وتقدمه مما ترك المجال لتحركات الخطيب
عاصم في January 19 2009 01:18:27
ياجماعة الخير ليش الكل حامل حملة المدرب وماشي فيها . متل ما بيقولوا انما الاعمال بخواتمها لساتنا باول اللعبة .
صحيح خط دفاعنا فايت بالاحيط وما حدا بينكر بس لساتن ما قالوا ياهادي يا كريم طولوا بالكن .
واذا خلص الذهاب ومنتخبنا كا وضعو تعيس ياخي انا معكن غيروا المدرب وجيبولنا كابيللو او اراغونيس .
بس طولوا بالكن شوي .
عاصم في January 19 2009 01:20:58
بدك تشكيلة محترمة :
اسمع لكان : حراسة المرمى : محمود كركر .
الدفاع : عبد القادر دكة , خالد البابا , بلال عبد الدايم , الياس مرقص .
وسط : محمود أمنة , جهاد حسين , لؤي شنكو , بكري طراب .
هجوم : سنحاريب ملكي , عبد الفتاح الاغا , انس صاري , رجا رافع , فراس الخطيب .
هاي التشكيلة النظامية لمنتخب متل منتخبنا .
أسامة في January 19 2009 14:58:58
أنا حضرت المباراة بالملعب..فعلا المدرب لم يكن مرضي تماما وفزنا بجهود اللاعبين لأنو التشكيلة فيها أخطاء وما كان في تكتيك أصلا الشوط الثاني .
وفعلا أستغرب من يللي عم يقولوا إنو فراس الخطيب ما قدم مستوى وهو اللاعب الأفضل في المباراة حسب هذا التقرير وغيره وشوفوا في النت..فلا تخلوا عصبيتكم ضد لاعب لأنه أصله من نادي معين تخليكم تظلمه.
لأنو كان كتير يتمتع بالروح الرياضية وصار يرجع على الدفاع والوسط ليجهز كرات للمهاجمين مع إنو هو مهمته رأس حربة وكرة الهدف من ماهر هو يللي مررها وغيرها من الكرات الخطرة بالإضافة إلى لمساته السحرية على الكرة...وشوفوا شريط المباراة وتأكدوا وواجهوني في اي معلومة غلط
كبير يا فراس كبير
علوش ابن طرطوس في January 30 2009 04:57:46
التشكيلة المناسبة لمنتخبنا يجب ان تكون: مصعب بلحوس _ بلال عبد الدايم _ علي دياب _ الياس مرقص _ عاطف جنيات _ لؤي شنكو _ جهاد الحسين _ محمد الحموي _فراس الخطيب _ رجا رافع _ ماجد الحاج _سنحاريب ملكي
هذا هو المنتخب المونديالي
حسين محمد خصيم في August 14 2012 11:32:45
لاعب نادي الأتحاد حسين محمد خصيم اعتزلت كرة القدم بسن مبكر بسبب كترت الواسطات
حسين محمد خصيم في August 14 2012 11:37:42
حسين خصيم لاعب ناشئين الأتحاد
المشاركة بتعليق
الاسم:


التعليق باستخدام Facebook

الجماهير السورية

اللاعبالفريقالأهداف
محمود المواسأم صلال القطري2
عمر خريبينالهلال السعودي3
أياز عثمانأضنة ديميرسبور التركي1
سارغون أبراهامغوتيبورغ السويدي1
------

استفتاء الاسبوع
ما رأيك ببداية منتخبنا الوطني الأول في التصفيات المشتركة؟

جيدة

مقبولة

سيئة



ترتيب المنتخبات