قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
بعد ظلم تحكيمي, منتخبنا يخسر مع اليابان بصعوبة.
Bookmark and Share



تعرض منتخبنا الوطني الاول لخسارة غير مستحقة امام المنتخب الياباني بهدفين مقابل هدف وحيد ضمن المرحلة الثانية من الدور الاول ببطولة كاس اسيا التي تقام حالياً بالعاصمة القطرية الدوحة وذلك بعد مباراة كان بطلها الاول الحكم الايراني محسن تركي الذي اهدى النقاط الثلاثة للمنتخب الياباني.
وبالعودة للتفاصيل نجد ان مدرب منتخبنا تيتا فاليريو اجرى تغيير وحيد على تشكيلة المنتخب التي لعبت في المباراة السابقة ضد السعودية حيث زج باللاعب سامر عوض كاساسي بديلاً لسنحاريب ملكي, ومرت العشر دقائق الاولى دون اي خطورة تذكر لتاتي بعدها اولى الفرص للمنتخب الياباني من راسية اللاعب مايدا التي مرت بجوار القائم الايمن, ولم يتمكن جهاد الحسين بعدها من متابعة الكرة التي وصلت له على خط منطقة الجزاء وسط اهات الجماهير السورية الكبيرة التي حضرت المباراة.
وسيطر بعدها لاعبو اليابان على مجريات اللقاء لكن دون اي خطورة تذكر , بينما اعمتد لاعبونا على الهجمات المرتدة التي كان اخطرها عرضية العيان التي فشل الزينو بمتابعتها وكرة جهاد التي وصلت للزينو داخل الجزاء لكنه اضاعها بغرابة شديدة, بينما كانت اخر فرص اليابان من راسية كونو التي تصدى لها البلحوس.
وبالدقيقة 34 سجل اللاعب ماكوتو هاسيبي الهدف الاول لمنتخب اليابان بعد قيام هوندا بالتوغل داخل منطقة الجزاء ولعب تمريرة لمايدا الذي سددها لكن البلحوس ابعدها لتعود لهاسيبي الذي سددها بالشباك الخالي, واضاع بعدها لاعبو المنتخب الياباني اكثر من فرصة سانحة لينتهي الشوط بتقدم اليابان بهدف نظيف.

ومع بداية الشوط الثاني زج تيتا بلاعبنا فراس الخطيب بديلاً لسامر عوض في محاولة لتفعيل الناحية الهجومية بالمنتخب, وتالق البلحوس بالتصدي لانفرادة كاجاوا بمساعدة من الصباغ, ولعب بعدها الخطيب راسية ابعدها الحارس ايجي كاواشيما لركنية, وتابع علي دياب ركنية لمنتخبنا براسه لكن كاواشيما كان لها بالمرصاد, ليدخل بعدها المهاجم سنحاريب ملكي بديلاً للاعب محمد الزينو.
لتتواصل بعدها محاولات منتخبنا وتوغل الملكي داخل الجزاء ولعب عرضية خطيرة امسكها الحارس, واحتسب بعدها الحكم ركلة جزاء لمنتخبنا بعد قيام الحارس الياباني ايجي كاواشيما بعرقلة الملكي المنفرد بالمرمى كما قام محسن تركي باشهار البطاقة الحمراء بوجه كاواشيما, وانبرى الخطيب لتنفيذ ركلة الجزاء واسكنها بالشباك, ودفع بعدها تيتا بالاغا بديلاً لجهاد الحسين في محاولة لاستغلال النقص العددي لليابان.
وتالق البلحوس بعدها بابعاد تسديدة النجم الياباني هوندا, وبالدقيقة 82 قام الحكم الايراني باتخاذ قرار غريب للغاية حيث احتسب ركلة جزاء مشكوك في صحتها نجح لاعب سيسكا موسكو الروسي كيسوكي هوندا بترجمتها الى هدف, وحاول بعدها لاعبو منتخبنا العودة باللقاء وحاول الخطيب وسنحاريب و الاغا لكن الحارس الياباني تالق بالتصدي لجميع الفرص التي كان اخطرها تسديدتي مهاجمنا فراس الخطيب.
وبالدقيقة الاخيرة من الوقت البدل الضائع واصل الحكم سلسلة قرارته الغريبة واشهر البطاقة الحمراء بوجه لاعبنا نديم صباغ بدلاً من انذار لاعب منتخب اليابان بسبب اضاعة الوقت, لينتهي بعدها اللقاء بخسارة غير مستحقة لمنتخبنا بهدفين مقابل هدف, وبهذه الخسارة يتراجع المنتخب للمركز الثالث برصيد 3 نقاط وبفارق نقطة عن صاحبي المركزين الاول والثاني منتخبا اليابان والاردن, حيث اصبح منتخبنا يلعب بفرصة واحدة بالجولة المقبلة وهي الفوز على المنتخب الاردني لضمان التاهل للدور الثاني.

تشكيلة منتخبنا الوطني باللقاء :
مصعب بلحوس - علي دياب - عبد القادر دكة - بلال عبد الدايم - نديم صباغ - جهاد الحسين (عبد الفتاح الاغا) - فراس اسماعيل - سامر عوض (فراس الخطيب) - عبد الرزاق الحسين - وائل عيان - محمد الزينو (سنحاريب ملكي).
تعليقات
شهاب سوريا في January 14 2011 06:35:18
أتابع المنتخب منذ ستة أعوام، و ربما هذه المرة الأولى التي أرى فيها هوية واضحة لمنتخبنا
لم نستحق الفوز رغم أداءنا الأكثر من رائع، فبعض الأخطاء الدفاعية الساذجة لا ترحم، لكن الخسارة ظالمةٌ أيضاً و التعادل كان عادلاً
لا أبالي لمباراتنا مع الأردن و لكن أرجو أن يستمر المنتخب تطوراً في قادمات الأيام
Lak minshan allah في January 14 2011 06:41:14
Minshan allah kil souria bta3raf ano Zeno mano l3ib mnih.
iwhy Shanko is not playing?????????
Shanko is 4.5 Millions Euro? is it a smart choice to keep him on the bench????????
ياسين في January 14 2011 07:41:06
هناك فرصة لأخرى للتأهيل وهي تعادل سوريا مع الأردن وخسارة اليابان امام السعودية عندها تتأهل الأردن مع احد الفريقين سوريا او اليابان حسب فارق الأهداف
ابو الورد الديري في January 14 2011 08:30:33
اول شي حسبنا الله ونعم الوكيل بالحكم بعدين بدنا نعرف شو هالإصرار الغريب على الزينو مع انه لامستوى ولا أداء وبرأيي انه ماراح يعمل شي لو لعب لحاله بالكرة وشفا بالعبتين يضيع الطابة على أهون سبب وبالتوفيق لمنتخبنا
georeg warda-alhaska في January 14 2011 09:37:15
mabrok lesorya hza almnta5ab alra2e3
المهند في January 14 2011 10:52:58
انا حزين جدا لما تلقاه منتخبنا على يدي الحكم الايراني الذي اعطى المباراة للمنتخب الياباني ولكن هذا لايعني اننا تلقينا الخسارة من الحكم فحسب هناك ايضا اخطاء كتيرة ارتكبها المدرب تيتا الذي قام بادخال زينو اساسي ويضع ملكي على دكة الاحتياط هذا الشي مو معقول وانا شخصيا ارى انو منتخبن بلا مايلعب مع الاردن لانو على هالوضع رح ياكل خسارة تاريخية امام النشامى الاردني النو عندنا منتخب يلعب بالواسطات وهذا شي طبيعي جدا لانو دولة كلها هيك وعلى حميع الصعد لازم نضل تحت الارض وما نرفع راسنا لفوق لانو ماخرج بهيك وضع انو نفوز على حد وما يغرينا الفوز على السعودية لانو بلفعل كان صدفة لا اكتر ولا اقل
samal في January 14 2011 12:41:09
مو حرام لاعب متل سنحاريب هدافي الدوري البلجيكي موسم 2006 / 2007 يقعد علخط و يلعب الجلطة زينو محلووو

مو حرام لاعب متل لؤي شنكو يقعد علخط أفضل لاعب سويدي قبل موسمين و يلعب محلو الجلطة عبد الرزاق الحسين

لك أن واثق 1000000% انو مو تيتا يلي عم يحط التشكيلة .. و فهمكم كفاية ..
نوار كنعان في January 14 2011 13:47:04
من زمان كتير ما شفنا هيك أداء وأظن أن الشوط الثاني أفضل شوط يؤديه منتخبنا منذ عشر سنوات
ثقتنا كبيرة بمنتخبنا و ان شاء الله نأخذ التأهل في مباراة الأردن بالتوفيق لمنتخبنا الحبيب
لدي عدة أسئلة حول التشكيلة ولكن أفضل تأجيلها الى ما بعد البطولة
احمد-مع المحترفين في January 14 2011 13:50:39
منتخبنا اكثر من رائع والحكم كان الو دور بخساره منتخبنا بس عندي تعليق ع تيتا سنحاريب ليش ما لعب من الأول و لؤي لو نزلو بدل ما ينزل الأغا ما كان احسن
ارجو من إداره الموقع توضيح سبب عدم لعب لؤي لحد الآن؟
نوار كنعان في January 14 2011 13:59:35
في الحقيقة الزينو ليس ذو نجاعة تهديفية عالية وكان الأجدى الزج بسنحاريب من البداية والشنكو كان أفضل من عبد الفتاح لو تم الزج به لكان ذو فاعلية أكبر من الأغا واشراك سامر كان اختيار غير صائب
محمد - الامارات في January 14 2011 14:07:54
الله حي المنتخب شدو حيلكم و الباقي على الله رفعتو راسنا و الجاي احلا
غريب في January 14 2011 14:12:19
منخبايستحق الفوز بس الحظ للعب دوره مع اليابان
الذين فيرسو عقل الحكم الايراني وابطلوا مفعولوا
ولكن سوريا اقوا من كل شي واني وكل شعب الحسكة مع المنتخب
عاشق سوريا في January 14 2011 15:14:16
لك اكبر غلط ارتكبو تيتا انو ما نزل سنحريب ملكي منبداية المباراة و متل ما عم نشوف منخبنا عم يلعب دفاع و لما ينزل سنحريب ملكي هوي اللي يقود المنتخب للهجوم و هوي اللي يصنع الفارق و لولاه ما كان تعادلنا بس للاسف حدا ما يوزعلو ليش ؟؟؟؟؟؟؟؟؟؟؟؟؟؟؟؟
و هوي احسن من فراس الخطيب و انا افضل فراس ما ينزل لان لما ينزل يكون الكل بالكل يعني لازم الطابة تكون معو من عند المرمى تبعنا لعند المرمى تبع اليابان
و ما ننسى انو الهدف الثاني لسورية على السعودية كان بفضل سنحريب ملكي الي غطا عالمدافع السعودي بدون ما يفاولو و هيك عم نشوف مين احسن لاعب بالمنتخب السوري
عيب عليكم في January 14 2011 15:15:53
تاج فارس فاروق سرية وجميع القائمين على كرتنا عيب عليكم ان تضعو التشكيلة قبل المباراة وعدم منح المدرب تيتا افضلية الاختيار للاعبين
ابوالشام في January 14 2011 16:56:24
اصابة فراس اثرت على المنتخب لانه لا يستطيع لعب مباراه كامله سنحاريب لازم يشارك اساسي كامل المباراه جهاد الحسين لا يجب تبديله الزينو عليه اشارات استفهام وبالتوفيق مع الاردن فحرام خروج منتخبنا من الدور الاول كانو بحق نسور بالمباراتين ولولا التحكيم الايراني كان وضعنا احسن واقوى ولكن قدر الله وما شاء فعل كل امنياتي ان ارى منتخبنا بالدور التاني وموفقين يا نسور قاسيون قلوبنا معكم
أبو تيَم في January 14 2011 17:40:46
ياريت كل اللاعبين بنفس حماس الخطيب والملكي ماشالله عليهن
لازم لنفوز ع الاردن تكون التشكيلة
الدفاع : عبد القادر دكه دياب الدايم صهيوني
الوسط : فراس سماعيل وائل عيان جهاد الحسين لؤي شنكو
الهجوم : سنحاريب والخطيب رغم الاصابه
نكون او لااانكون وبأذن واحد احد سوف نكووووووووون
بالتوفيق للمنتخب وشكرا لهم لما يقدمونه
طارق السعوديه في January 14 2011 20:03:56
برافو منتخبنا ادء ممتاز بس تيتا طمع بالمباره كان لازم يهدي بعد التعادل ومشاركه الاغا بلا طعمه وياريت ياخذ شنكو فرصه بدل ع حسين
احب ان اقول لل"مهند" انو يسكت بلا مايعطي ها الاراء التافهه والافضل ما يشارك بالتعليقات
فريقنا كان افضل من السعوديه تكتيكيا ومهاريا وجماعيا والتحاما وحتى الحراسه احسن بمراحل وبكره تشوف كيف نلاعب الاردن ونغلبها باذن الله
riadi في January 14 2011 21:17:45
the whole thing is a joke,a team by players only they play for themselves(selfish) ,even feras alkhatib was very selfish,for sure im not gonna discus zeno again which everybody knows his story,there is no midfield which till now dont know why no chanko!!!even sanharib when he plays you see strange feeling that nobody wants to pass the ball for him and he forced them sometimes to pass for him because always he stands in the right place,we love our country syria and we die for syria but when we always wait for our team to play and knowing that we could play better than this is so hard to understand why this happens always.if tita put the team thats mean he is no good,if serieh put the team and tita cant do anything i will sugesst that give him what he wants(money or whatever),just please dont let him play with 23 million syrian hearts like this,we are really tired because we miss like the first 67 minutes against japan when zeno was playing and sanharib was out,this is really strange, i need somebody to explain this to me
الياس في January 15 2011 01:15:43
والله كل اللاعبين تمام الا الزينو العمى اديش ضيع فرص بالمباراتين يلي لعبهن
خالد السوري في January 15 2011 01:30:04
في شغلة ما عم أفهما ليش لؤي شنكو ما عم يلعب وليش منتخبنا دائما مصر يلعب كرات عالية _ وبدنا نفوز على الأردن _
مغترب3 في January 15 2011 01:35:33
الأهداف التلاتة غلط هدف اليابان الاول في فاول لصالح عبد الرزاق والجزاء تبع منتخبنا تسلل والجزاء تبع اليابان غير صحيخ لازم النتيجة صفار بس اهم شي الزينو ما لازم نشوفو بمباراة الاردن وينزل الشنكو والملكي اساسيين لانو الزينو وعبد الرزاق رح يجلطو 23 مليون سوري لازم يفهمز هالشي
محمود في January 15 2011 05:15:34
اولا ياشباب التشكيله المختاره من قبل تاج الدين فارس مشان مايزعلو يلي عاملين واسطات من الاخ فارس وتيتا مابيقدر يعمل شي الا انو يسكت مو بايدو لك مو بايدو فهموها بقا الاردن واليابان للدور التاني مع املي يكون منتخبنا بالدور التاني رغم العوائق
عبود في January 16 2011 14:46:30
والله لم ارى المنتخب بهذه الروعة من زمااااااااان
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق