قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
اعلان قائمة المنتخب والاغا والعيان يتواجدان.
Bookmark and Share



بعد ساعات من المراسلات التي اجريت اليوم بين ادارة المنتخب ولجنة المحترفين من جهة ومحترفانا عبد الفتاح الاغا لاعب وادي دجلة المصري و وائل عيان لاعب الفيصلي السعودي تم اليوم استكمال ماينقص من بيانات اللاعبين المطلوبة من قبل الاتحاد الاسيوي لكرة القدم ، وعلى أساسه بات التحاق الثنائي الحلبي في صفوف منتخبنا مؤكدا وذلك بناءاً على طلب الكادر التدريبي للمنتخب الوطني.

وتم بشكل رسمي اعلان قائمة ال23 لاعب الذين سيمثلون المنتخب الوطني بنهائيات كاس اسيا التي ستقام في العاصمة القطرية الدوحة والتي ضمت 6 لاعبين محترفين خارج سوريا والقائمة ضمت اللاعبين التالية اسمائهم:

حراس المرمى : مصعب بلحوس - رضوان الازهر - عدنان الحافظ.
خط الدفاع : علي دياب - بلال عبد الدايم - عبد القادر دكة - جهاد الباعور - احمد الصالح - برهان صهيوني - نديم صباغ.
خط الوسط : فراس اسماعيل - عادل عبد الله - طه دياب - عبد الرزاق الحسين - لؤي شنكو (البورغ الدانماركي) - سامر عوض - جها الحسين (القادسية الكويتي) - قصي حبيب - وائل عيان (الفيصلي السعودي) .
خط الهجوم : عبد الفتاح الاغا ( وادي دجلة المصري) - سنحاريب ملكي (لوكيرين البلجيكي ) - فراس الخطيب ( القادسية الكويتي) - محمد زينو.

وفي سياق متصل فقد تأجل سفر منتخبنا الوطني الى الامارات حيث المعسكر الاخير قبل النهائيات الاسيوية والذي كان مقرراً ظهر يوم غد الجمعة الى وقت لاحق بعد الغاء المباراة الودية مع منتخب الهند والتي كانت مقررة في السادس والعشرين من الشهر الحالي.
تعليقات
ميزو في December 23 2010 23:05:18
لماذا لا يستدعى المبدع محمود امنة الى المنتخب برغم من تألقه في الدوري الايراني وكذلك لاعبونا وصخرة دفاع الجزيرة السوري الياس مرقص ارجوا الرد ؟؟؟؟؟؟؟؟؟؟؟؟؟؟؟؟
عبدالله الكرماوي في December 23 2010 23:29:16
الحمد لله و الله اليوم شفت مباراة الفيصلي و الهلال و كان وائل عيان مبدع سجل هدف رائع و صنع التاني تقريبا حرام يلعب مع فريق متل الفيصلي مع احترامي للفيصلي بس المشكلي انو نحن ما عندنا اعلان منيح او الاعلان عنا معدوم بشكل عام الاعلام عنا هابط
تحية لوائل عيان اللي رح يكون خير سند لجهاد الحسين بالمنتخب
البارقية في December 23 2010 23:37:01
من بعد اذنكن شو نتيجة منتخبنا الاولمبي مع لبنان وعشان المنتخب انشالله خير وكلنا وراء المنتخب الوطني
ابو رشيد من الرقة في December 23 2010 23:37:10
مع كل احترامي للاعب الخلوق عبد الفتاح الأغا بس هو كان مصاب وبالفترة الأخيرة ماعم يعرف يلعب بالمرة بس أنشالله أنو شالو الزينو وأديب بركات والراشد أما العيان فأكيد رح نستفيد منه بالتوفيق لمنتخبنا ولاحدا يزعل سؤال رح تكون هناك مباراة بديلة للهند ؟
وسيم حامدي سوريا في December 23 2010 23:42:54
اخبار حلوة بس شفتو مبارحا جهاد وفراس شو عملو ولله بكرا مع سنحريب ولولو شنكو ولله لنخسر السعودية باذن الله وقولو الله يارجال ادعو لمنتخبنا الغالي بالتوفيق يااااااااااااااااااااااااااااااااااااااااااارب
ابو رشيد من الرقة في December 24 2010 00:09:27
لك ياشباب ثبتو الزينو بالتشكيلة لك شو هي واسطته منشان الله خبروني والله لما سمعت الخبر صرت ابكي
الحمد الله يارب في December 24 2010 00:13:30
بلش تيتا يشتغل وبلش الشغل الصح قبل شوي سمعت الاسماء الطالعة على الدوحة وهضول احسن لعيبة بسوريا منصورين بعون الله
عاشق مراحب في December 24 2010 00:35:20
محمد زينو أساسي و سنحاريب ملكي إحتياطي بكرا شوفوا .......................®
ابن الفرات في December 24 2010 00:41:15
محمد زينو شو بدو يروح يعمل بالدوحة ياجماعة التشكيلة مقنعة باستثناء الزينو اولا ونوعا ما عبد الرزاق الذي لم يكن مقنع بمباراة العراق الاخيرة اما الشي المفرح وجود سينحاريبو و الخطير الخطيب بالهجوم وجهادو بالوسط والملك مصعب
fc b في December 24 2010 00:42:41
wen elias marqs
علي الجمد في December 24 2010 00:46:19
الله ينصر المنتخب السوري نسور قاسيون
ابن الفرات في December 24 2010 00:48:49
مبسوط لدعوة العيان
الله يوفقكن يا نسور في December 24 2010 00:53:54
والله كويسة كتير هالتشكيلة وقوية وانشالله يرفعو راسنا بسما الدوحة
عبدالرحمن المجداوي في December 24 2010 00:54:33
بالتوفيق للمنتخب والحمد لله اللي تاجل سفر المنتخب و التغى لقاء سورية والهند لانه ماله اي طعمة والحمد لله العيان موجود والاغا والشباب الطيبة الله يوفق المنتخب وان شاء الله كل السوررين ورا المنتخب
ياسر في December 24 2010 01:06:31
اختيار مناسب وفقا لما هو متاح، و إن كنت اتمنى أن أرى محترفين جدد من الدوريات الاوربية مثل داني كيكي أو المقدسي أو الشربيني، يبدو أن الاسماء من المحترفين التي أحضرها أبو شاكر لم نستطع أن نضيف عليها أي جديد خلال عامين . كذلك أتمنى تعويض مباراة الهند ، فالمنتخب بحاجة لثلاثة مباريات تجريبية بحد أدنى.
الفنان احمد محاسنه في December 24 2010 01:36:22
اهم شي وائل عيان و الاغا بالتوفيق
رمضان الديري في December 24 2010 01:42:21
وينو عاطف جنيات ارجو الرد ولكم جزيل الشكر
أبن البلد في December 24 2010 02:01:09
ممتاز جدا الآغا مصاب والعيان اليوم نصاب والزينو آعد على ألبكن يعني لا سمح الله أذا بينصاب سنحاريب أو الخطيب بنصفا بلا مهاجمين يلا نحنا بكفينا المعنويات والأمل وشلف تربح بس يا وأسفاه يامنتخب بلدي شي بيحرق القلب ولسا الأسطواني متفائل
ماهر في December 24 2010 02:15:42
تمنينا وجود لاعبين محترفين أكثر وأ:ثر ثقلا في هكذا بطولة مدافع ولاعب وسط قائد ومهاري ولكن الان لاوقت لهذا الكلام التشكيلة معقولة كثيرا وهم بحاجة لمزيد من الانسجام والدفاع للمزيد من الثقة خاصة بتسليم الكرة حين استخلاصها من الخصم وانشالله موفقين ومنصورين
محمد عاشق سوريا في December 24 2010 02:28:40
شو هدفاع الفاشل وين المرقص والحميدي و مجد وحرام الزينو يكون بلمنتخب ولا عبزاق هاد لاعب مو حرام محمود امنة ما نستدعيه والله يستر من هيك دفاع
عمار السوري في December 24 2010 02:35:58
تشكلة جيدة و بالتوفيق لنسور قاسيون وبنقلن شدو الهمة قلوبنا معكن
كرم في December 24 2010 02:56:23
ولووووووو زياد وينوا حرااااااااام الزينو يضل وزياد لأ
عاشق نسور قاسون في December 24 2010 03:20:55
ماني شايف اسم الياس مرقص انا واثق انو المدرب مابيعرف شيء عن هذا اللاعب يعني ماني شايف حدا من الدفاع احسن منو الا اذا كان لسى مصاب وكان ظاهر للكل انو في خلل بالعمق الدفاعي للمنتخب بمباراتي العراق
سوري في December 24 2010 03:42:04
وين الياس مرقص و محمود آمنة شو كل ما منمسك لاعب منفلت لاعب؟ شو المشكلة يا جماعة؟
مانشستراوي للعظم في December 24 2010 04:03:05
مشاااااااااااااان الله والانبياء والرسل لشو خلوا الزينو بالمنتخب ؟؟؟؟ اسوا لاعب بالكون الزينو في كتيييييييييييير احسن منو كان بيقدروا يجيبوا انس الشربيني ؟؟ تصوروا انس الشربيني بهالتشكيلة كانت رووووووووعة بس مابقدر عبر عن فرحتي بعد ماعرفت انو السيد والزينو الختايرة برا المنتخب وشكرررررررررررا لادارة الموقع
محمد تيسير في December 24 2010 07:59:16
اكيد الزينو واسطو كبيره كتير حتى تم الضغط على تيتا وحطو بالمنتخب
عاشق الكرامة في December 24 2010 10:35:14
ليش تم أستبعاد الياس مرقص
حسام في December 24 2010 11:33:43
يا جماعة الخير لك وين ماهر السيد و الغريب انو هوي يلي سجل هدفين على الصين بالتصفيات وأهم لا عب خبرا بسوريا هلأ ( ولا ليكون خدمو جماعة الجيش وفهمكون كفاية
سوري بالكويت في December 24 2010 11:51:43
الله يجيرنا من الدفاع الصخر الي مختارينوا مايجبلنا الجلطة

يعني والله ماهر بيعمل حركة بالملعب اكتر من زينو
بس الحمدالله
في خمس محترفين
عقبال يكونوا عشرة على الاقل بس طه دياب ليش
سيف في December 24 2010 12:18:16
دائما يكون عند المدرب لاعب او اكثر احتياطي على مستوى مهاري عالي يقلب سير المبارة وحتى نتيجتها عند دخوله الملعب والملاحظ في تشكيلة المنتخب الحالية لايوجد هذا اللاعب الا اذا قام المدرب بتأخير دخول احد المميزين في المنتخب(فراس -سنحاريب -جهاد)الى النصف الاخير من الشوط الثاني وهذا الاجراء سيكون على حساب قوة المنتخب لذلك اتوقع يااخوان تواجد حبيب قلوبكم ونجمكم (الزينو محمد) كأساسي مكان سنحاريب والغاية ليس للاستفادة من سنحاريب في الشوط الثاني وانما لابقاء الزينو محمد كاساسي وتعسا لهكذا تفكير
ابن الفرات في December 24 2010 13:21:19
بالنسبة لطلب الاخ رمضان الديري :الجنيات لاعب ممتاز ولكن بها الفترة مستواه مش ولا بد وان شاء الله يرجع ونشوفو بالمراحل القادمة وانا مع الاخ عاشق نسور قاسيون انو يجب استدعاء الياس مرقص ومع عدم اشراك الزينو لاعب غير مؤثر بصراحة ويشكل عبء على المنتخب ولا اتوقع سيحقق شي مع المنتخب ومع ياسر في تامين مباراة بديلة عن مباراة الهند والتى ارى من حسن الحظ الغاءها ولكن في حال تامين مباراه بديلة الان مع احترامي للهند لن نستفيد منهم الكثير واخيرررررررررررا انا بالتاكيد مع كل الشباب اللي يدعون الى دعم المنتخب في الوقت الحالي في شتى الوسائل لان لم يتبقى وقت للانتقاد الذي سيكون له نتائج سلبية
وعذرا للاطالة ارجو ابداء الراي .....
أبو تيَم في December 24 2010 13:58:25
احلى شي انو السدي والشعبو خارج التشكيله
وبتمنى التوفيق تشكيله جميله ماعدا الزينو يلي بعيد عن مستواااا
ياسين في December 24 2010 14:33:55
انا متاكد انه كان الفضل اليكم الادارة الموقع في جذب اللاعبين المحترفين شكرا لكم
kef في December 24 2010 14:45:25
منيح اللي استبعدوا زياد بس يا ريت كانت تكمل معنا ويستبعدو الزينو
طارق السعوديه في December 24 2010 15:10:31
التشكيله جيده وجيد انو تذكرو العيان مع انه يوجد لاعبين غير مفيدين اطلاقا متل الاغا وعبدالرزاق الحسين اما الزينو لاتحكموا عليه بالفشل مستواه انخفض شوي بس لازال لاعب جيد وحيكون المهاجم الثالث بالفريق بالنسبه للدفاع اعتقد كان وجود الحميدي ضروري
اتوقع التشكيله التاليه للحراسه: مصعب الدفاع:بلال عبد الدايم(برهان) عبد القادر دكه علي دياب نديم صباغ
الوسط:محاور:لؤي شنكو(فراس اسماعيل)عادل عبدلله(طه دياب) و جهاد الحسين سامر عوض (العيان) الهجوم:فراس الخطيب سنحاريب(زينو)
وين هداف الدوري في December 24 2010 15:14:11
يا جماعة وين هداف الدوري ..شو الاخبار ..كني مصاب
"فراس قاشوش" وين علي غليوم و ماجد الحاج و احمد حج محمد و عمر حميدي و صلاح شحرور
و كمان محمد الحسن نسر آسيا
ااااااااااااااااااااااااااااااااااااااااااااااااااااااااه خير ان شاء الله و بالتوفيق
خالد في December 24 2010 17:47:44
منتخب الاولمبي خسر من اللبناني 2 صفر
░▒▓█ aMiLoRD █▓ في December 24 2010 18:48:55
بالتوفيق للمنتخب وعقبال كاس اسيا
ابن البلد في December 24 2010 19:59:35
شو هالزينو والله عندو واسطة بتفلق الصخر

حرام يلعب مع فريق حارتنا .... وببلاش

الباقي حلوين باستثناء فراس اسماعيل كمان الفردة التانية للزينو
زهير عاشق سوريا في December 24 2010 20:19:58
تأخر سفرة المنتخب للمرة الألف نسمع بهذا الأمر في كل مناسبة دليل عدم التخطيط والتحضير الجيد للأسف متى سيفهمون الف باء الادارة ؟؟؟؟؟
أنس السوري في December 24 2010 22:24:58
للأسف ؟؟؟؟؟؟؟ عبد الرزاق والزينو موجودين
أنس السوري في December 24 2010 22:27:27
شفتوا العيان شو عمل بلعبة الهلال سجل الهدف الاول وصنع التاني .......... برافوا عليك ياوائل ويالتوفيق مع المنتخب
وسيم في December 24 2010 22:55:50
كل واحد فيكن بيشلف تشكيلة من عندو انا برائيي التشكيلة احسن تشكيلة بس مارح يطلع منها شي لانو المنتخب ما تحضر عالمنيح وبكرا شوفو رح نطلع من الدور الاول
قاسم في December 24 2010 23:41:00
شدو الهمة يانسور قاسيو ن انا كتير مرتاح لدعوة وائل عيان لاني سامر عوض مابكفي بدون لاعب بديل وهو خيار صائب لاني عم يقدم مستوى رئع في دوري زين السعودي بتمنا التوفيق والنصر لنسور قاسيون
يا خضر توفق تنصفق في December 25 2010 00:24:35
يعني باقي أسبوعين للنهائيات وكل واحد منا بدو تشكيلة على كيفو ..يارب نفوز عالسعودية أمنيتي قبل التأهل عالدور التاني
يا خضر توفق تنصفق في December 25 2010 00:25:59
يعني باقي أسبوعين للنهائيات وكل واحد منا بدو تشكيلة على كيفو ..يارب نفوز عالسعودية أمنيتي قبل التأهل عالدور التاني
سوري متفائل جدا في December 25 2010 00:31:09
ياجماعة لاتحرقوا اعصابكن وتضيعوا الوقت النتيجة معروفة ومضمونة1000% لو جابو مين ما جابو خروج المنتخب السوري وبشرف من الدوري الاول و بثلاث خسارات متتالية
علي في December 25 2010 03:00:21
لانريد الزينو بالمنتخب
شوية انتباه من ادارة الموقع!!! في December 25 2010 03:48:46
ياريت من ادارة الموقع تنتبه على الاشخاص يلي عم يعلقوا عالاخباااار
وخاصة التعليقات السلبية التي تعبر عن صاحبها والتي لاتمت للروح السورية بشيئ
انا بعرف انو في كتير سعوديين عم يعلقوا هالتعليقات المالا طعمة والتي تفتقر للموضوعية..
نحن اسود سوريا نحترم الجميع ولكن نقبل المنطقية والموضوعية
وتلك التعليقااات المثبطة للأمال لاتمت لنا يشيئ.....
حسان في December 25 2010 03:53:42
تشكيلة المنتخب هي الافضل...
لانريد ان يكون معدل الاعمار مرتفع وخاصة اننا سنواجه فرق تتميز بالسرعه واللياقة المرتفعه
صحيح ان المنتخب لم يستعد بالشكل الامثل , ولكن هذا لايمنع ان نصطف خلف منتخبنا الوطني وندعم جميع لاعبيه
هال 23 لاعب يمثلون كل الفرق السورية الدرجة الاولى وحتى الثانية
وبالتالي يمثلوننا جمبعا .....
شدو الهمة سوريااااا شدو الهمة .... هزو الشباك هزوهااا شدووو الهمة
القيصر السوري في December 25 2010 04:35:42
يا شباب ماحدا منكن عارف مين محمد ومين الزينو محمد تعمير بلوك كتير عليه يكون والزينو الي هوا سياده اللواء ابو لمحمد فلهيك هوا عطول الو الاولويه على اي مهاجم مين ماكان واسف على الاطاله
عماد العاقل/الجاليه السوريه في December 25 2010 10:40:40
بدي ارد على عبد الله الكرماوي
كون المجموعه مع الكابتن وائل صنعت المعجزات هناك الانتصارت وكونك تقول حرام يلعب مع فريق مثل الفيصلي هل تعلم الفريق الفيصلي الحصان الاسود بالسعوديه وسيكون من افضل اربعه فرق وسوف يشارك بدوري ابطال اسيا وبلاش يااخ عبدالله كرماوي تحطيم هذا الفريق فتح ابوابه للجاليه السوريه 30سنه ومن حبه لنا تم احضار لاعب من سوريه علشان خاطرنا وفتح فرصه الناس تشوفه فرجائي بلاش تخبيص ممكن
سيضل الفيصلي من اقوى المرشحين لينال بطوله هذا العام القادم 2011 وقلوبنا كجاليه سوريه مع النادي الفيصلي بيكفي انو بيشفي الغليل
عاشق سوريا في December 25 2010 14:37:48
تشكيلة رائعة
بس للأسف
لازم هالتشكيلة الحالية مع المدرب
تكون موجودة من اكتر من شهر
وعم تلعب مع بعضها اكتر من عشر مباريات

كالعادة ................اللعيبة رح يتعرفو على بعض بالدور الأول
وكالعادة....................طلعنا بشرف وكان ناقصنا خبرة واحتكاك
مو تحطيم للنفسيات .....بس بالعقل ....كيف بدنا نهزم منتخبات عم تتحضر بأعلى الامكانيات من فترة طويلة؟؟؟؟
براء في December 25 2010 16:01:24
الحمد لله يلي طيروا الشعبو وماهر السيد وعقبال ما يطيروا الزين و وعبد الرزاق الحسين
اب عدنان في December 25 2010 17:55:57
يعني في لعيبة حرام يكونو بالمنتخب متل الباعور وحبيب والأغا والزينو والصالح
بالمقابل في لعيبة متل حميدي و فارس لازم يتواجدو بالمنتخب
صرنا ب2011ولسا في واسطة
حطيني في December 25 2010 18:47:06
تشكيلة المنتخب كتير معقولة بس الزينو عاهة بالتوفيقــــــــــــــــــــــ .
نور في December 25 2010 19:33:52
هي احسن تشكيلة بتعدي ع سوريا وانشالله بدنا ننكون الحصان الاسود في البطولة الاسيوية الكبرة وكلنا مع نسور قاسيون
سوري متفائل جدا في December 25 2010 23:29:53
يا اخي الكريم انا سوري لست سعودي وانا اتحداك اذا استطاع هذا المنتخب ان يفوز باي مباراة في البطولة وهذا الرأي موضوعي ومبني على الكثير من الوقائع والحقائق والماضي والكل يعلم ذلك انا متابع للمنتخب منذ عام 1990 وما زلت ارى واسمع نفس الاسطوانة ومع ذلك اشجع بكل مشاعري وبسهولة يسقط الحلم وتنجرح معه كل المشاعر
بالتوفيق للمنتخب.............. في December 26 2010 00:51:08
وضمت قائمة المنتخب الياباني في حراسة المرمى : ايجي كاواشيما (لييرس البلجيكي) وشوساكو نيشكواوا (سانفريس هيروشيما) وشويشي جوندا (كلوب طوكيو).

وفي خط الدفاع : دايكي ايواماسا وماساهيكو اينوها (كاشيما انتلرز) وياسويوكي كونو (طوكيو) ويوتو ناجاتومو (سيسينا الايطالي) وتوماوكي ماكينو (سانفريس هيروشيما) واتسوتو اوشيدا (شالكه الالماني) ومايا يوشيدا (فينلو الهولندي) وجوتوكو ساكاي (البيريكس نييجاتا).

وفي خط الوسط: ياسوهيتو ايندو (جامبا اوساكا) ودايسوكو ماتسوي (تومسك الروسي) وماكوتو هاسيبي (فولفسبورج الالماني) وجونجو فوجيموتو وتاكويا هوندا (شيميزو بولس) وهاجيمي هوسوجاي ويوسوكي كاشيواجاي (اوراوا ريد دايموندز) وكييسوكي هوندا (سسكا موسكو الروسي) وشينجي كاجا (دورتموند الالماني).

وفي الهجوم : ريويتشي مايدا (جوبيلو ايواتا) وتاداناري لي (سانفريس هيروشيما) وشينجي اوكازاكي (شيميزو بولس).
أحمد حسن في December 26 2010 01:27:17
لك وينو الياس موقص بالدفاع من شان ما تتحججوا بالخبرة
محمد دليواتي في December 26 2010 06:17:41
ولله العظيم حراااااااااااااام مايلعب عمر حميدي باالمنتخب بس بشرفكم وضميركم حرام ولا لأ
أيهم نعوف في December 26 2010 09:20:53
يا رب....
واحد من الناس في December 26 2010 11:59:00
لاعبين هواة من دون روح او ارادة منتخب فاشل بكل اركانه من اتحاد الى ادارة الى مدرب الى لاعبين
ابو حمزة طرطوس في December 26 2010 19:00:37
يا شباب شو نفع الحكي و هاد بدو الياس و هداك ما بدو زينو
المنتخب تأخر بالتحضير بس التشكيلة كويسة و الاهم هلق انو نوقف مع المنتخب لان عم يحمل اسم سوريا
كلنا نرفع رايات التفاؤل و النصر حبا بوطنا الغالي سوريا
الي معي يكتب
"كلنا مع مع منتخب الوطن حبا بوطننا الحبيب سوريا "
إشارة تعجب في December 26 2010 23:36:40
سؤال من قبل مين تم اختيار اللاعبين من المدرب تيتا ولامن....في لاعبين حرام يكونوا موجودين بالمنتخب وفي لاعبين حرام مايكونوا بالمنتخب..التشكيلة لابأس فيها بس كان في أحسن..الفوز رح يكون صعب بس ممكن ..بس لو كان الأختيار تمام 100%كان الفريق رح يرتاح أكتر..وبالأخير مامنقول للمنتخب غير موفقين..ألعبوا بإرادة وتصميم وبقلب محروق ورح يكون الفوز حليفكن انشاء الله ..
مهند وقاف في December 27 2010 03:30:34
أعجبتني هذه التشكيلة وأنا اثق بمدرب المنتخب تيتا نظرا لانجازاته مع نادي الاتحاد السوري اسيويا واعجبني اكثر استدعاء سنحاريب ملكي ولؤي شنكو واتمنى مشاهدتهم مع المنتخب من جديد
سوري للابد ابوبسام في December 27 2010 06:58:45
يااخي شوهي هيك وشو هيك خلص التشكيلة انحطت لعيبة بتستاهل ولامابتستاهل تلعب حطوالتشكيلة وخلص انسو نحتا مافينا نساوي شي غير التشجيع من صماميم قلبنا وادا شلنا التفائل ع جنب نحناولاشي لك اليمن غلبتنا وقفت ع السعودية واليابان وادا بدنا نفوز بلا تحضير وبلا مدرب منل الخلق وبلا اي شي لازم نعمل نداء بس للعيبة ونقولن العراق 2007 وضعوا كان اسوا نت هيك بس فاز بالقب تحتا بس بدنا منالعيبة يلعبو شايلين امل وحلم 22مليون سوري وباذن الله بنعمل شي ووخلص بكفي بئا نحنا تعبنا وملينا من كل شي لك ما في غير القتبول هو الي بفرحنا وبتسنا همومنا اه اه اه خليها عالله يارب المنتخب يلعب بروح بس
سوري للعظم في December 27 2010 16:21:14
يا شباب المنتخب الحالي خرج أاء جيد و مشاركة طيبة لا أكثر و لا اقل يعني ما في منافسة
فادي ابن الحسكة في December 27 2010 17:12:15
ممكن تجاوبوني ليش لم استدعاء اللاعب الياس مرقص
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق