قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
خالد الشيخ حسن موهبة سورية قادمة في قطر.
Bookmark and Share



يواصل موقع اللاعبين السوريين المحترفين سلسلة كشفه للاعبين سوريين جدد يتالقون في الملاعب العربية على امل الاستفادة منهم في منتخباتنا الوطنية بالفترة القادمة ولاعبنا اليوم متواجد في قطر وهو خالد الشيخ حسن نجل نجم منتخب سوريا السابق رضوان الشيخ حسن ويلعب خالد الذي يبلغ من العمر 20 عاماً مع نادي الشيحانية احد اندية الدرجة الثانية هناك والذي يدربه مدربنا الخلوق ياسر السباعي.
وبدء خالد الشيخ حسن والذي يلعب كمدافع ستوبر حياته الكروية في دولة قطر مع اشبال نادي السد وخاض, وانتقل بعدها لنادي السيلية وتدرب مع الفريق, وذهب بعدها لنادي الاهلي حيث تمرن هناك مع الفريق الرديف ولعب عدداً من المباريات الودية لكن عدم اكتمال اوراق تسجيله منعته من الانضمام للفريق.
وبالشهرين الاخيرين من العام الماضي شاهده مدربنا ياسر السباعي وطلب منه الالتزام بتدريبات نادي الشيحانية حيث شارك مع الفريق بالمباريات الودية وقدم مستويات طيبة مما دفع ادارة النادي لتسجيله رسمياً بداية هذا الموسم, ولعب مع الشيحانية ببطولة كاس الشيخ جاسم ثم اصبح يشارك مع الفريق بشكل اساسي في دوري الدرجة الثانية هناك ويقدم مستويات ثابتة منذ بداية الموسم وحتى الان.


ويطمح الشيخ حسن لتطوير مستواه بالفترة المقبلة والانتقال الى احد اندية دوري نجوم قطر حيث كان هناك اتفاق مع ادارة نادي الشيحانية ان توافق على انتقاله في حال تلقيه عرض جيد حيث يرتبط خالد بعقد مع الشيحانية لمدة ثلاث مواسم كاملة قابلة للتجديد في حال رغبة الطرفين.
واكد خالد رضوان الشيخ حسن انه جاهز للعب لمنتخب سوريا في حال وصلت له الدعوة لكنه لم يغلق الباب للعب مع منتخب قطر حيث قال انه سيوافق على اللعب مع المنتخب القطري اذا قام الاتحاد القطري بدعوته ولم يقوم اتحادنا الكروي بتوجيه الدعوة الرسمية له بالفترة القادمة.
تعليقات
اغيد في November 06 2010 10:00:50
ولساتكن بتحكو عن وطنية المغتربين باوروبا هي الاستاذ خالد جاهزانو يلعب لمنتخب قطر ولسل ما فقس من البيضة علما انو ابن ابرز نجوم الكرة السورية بالتسعينيات .لك والله مافي متلكم يا سنحاريب ولؤي بزمانن خربو الدنيا ببلجيكا لما رفض الوحش سنحاريب انو يلعب مع الاولمبي البلجيكي باولمبياد بكين مع انو كان البرازيل مع بلجيكا بنفس المجموعة وكان معن رونالدينو وباتو وحتى كان مهدد بالايقاف والغرامة اذا ما انضم لمعسكر منتخبن .ولسا بقللولك ما رح نستدعيهن عالمعسكرات الجاية بحياة ربكن في اكبر من هيك مسخرة
علوش سوريا في November 06 2010 10:24:37
ليش عم تعذبوا حالكن وتنقلوا اخبار المحترفين طالما مارح ينضموا عالمنتخب

والله عم نحكي هالحكي من حرقة قلبنا

بتمنى من ادارة الموقع تحطنا بصورة موضوع دعوة المحترفين ومين عم يعرقل دعوتهم خلينا نفضحوا بالاعلام
خلونا نفهم شو صاير حتى نكون معكم مو عليكم
نزار بوكمالي في November 06 2010 14:46:04
يكون ما يفهم اذا يرفض انضمام لمنتخب قطري على اقل في ناس تقدر هيك مواهب مو مثل عندنا يجمدون لاعب من اول عمره تضرب رياضه بسوريه شو بذل
عامر في November 06 2010 15:24:05
بالتوفيق للاعب.......بس بكير على هالحكي....لساتو باول الطريق
أبن سوريا في November 06 2010 18:27:37
يا أخي مين أنت ليوجهلك الأتحاد السوري دعوى ياأخي أثبت نفسك بالأول خلينا نشوفك بالدرجة الأولى لو صحيح انك لاعب ممتاز كنا شفنا أندية الدرجة الأولى بقطر تهتافت عليك..قال لاعب درجة ثانية و بقطر
و بدو يلعب للمنتخب وعم بيهدد كمان إذا ما أستدعوا للمنتخب رح يلعب لقطر ...
إي روح لعاب مع قطر... وطنا مو بحاجة لأمثالك ..وأنا متأكد حتى بقطر ما رح يستدعوك ....شو مفكر نفسك سبستيان سوريا أو فابيو سيزار (لاعبين قطريين مجنسين ) ليستدعوك للمنتخب القطري
لك عمي قاتل واسعى و حاول أن تثبت جدارتك وصدقني رح تحصل على مكان بالمنتخب
ويلي بيحب بلدوا مابيفكر أبدا يحمل أسم أي بلد ثاني غير بلدوا .
الحوراني في November 07 2010 03:54:50
انا برائي اذا ما ما استدعو المحترفين باوريا عالمنتخب لا تجيبو اخبار محترفين بس بكفي روحو شتغلو غير هالشغله وخلي الحكيم يرسم خارطة كرة القدم السوريه متل ما رسمها فجرينهو
Mechatrx في November 07 2010 03:56:00
ابن سوريا حكيك مزبوط و نحنا بيشرفنا لاعبين متل سنحاريب يلي رفض انو يلعب مع منتخب بلجيكا و فضل بلدو الام سوريا ز و تبهدل و تشنطت كمان بالبلد هيك انسان لازم ينحط بالعين و عالراس مو متل هادا خالد!!!!
حمد في November 07 2010 11:49:51
بشان الله يا ادارة الموقع عطونا الخبر اليقين بالنسبة لنضمام الاعبيين المحترفين واذاماراح ينضمو يااخي سكرو هلموقع وما بدن نسمع اخبارهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علوش سوريا في November 07 2010 17:47:57
ايمت رح تحطونا بالتفاصيل
عاشق الوطن في November 07 2010 20:53:05
أرجومن الاستاذمحمدكويفاتية والاستاذليث أنويتكرموويردواعلى هالناس مشان دعوة محترفي أورباوشوصارمشان المقابلة مع المدرب إذابتحبوسوريابتردواولكم جزيل الشكر
سوري عايش بالجزائر في November 07 2010 21:20:21
لك حبيبي بدي قلك شغلة ياي عن جد بيحب وطنو وبيعشق وطنو وعندو وطنية بيلعب لمنتخب بلدو حتى لو كان اضعف منتخبات العالم شوف دروغبا مثلا وايتو لك فرنسا عرضت عليهون مصاري متل التراب ليلعبو لمنتخب فرنسا ورفضو ولو قبلو كانو اخدو كأس العالم معها بس لا روحون لبلدون لوطنون يلي عن جد عندو وطنية بيلعب لمنتخب بلدو لا تقلي ويلي بيبيع بلدو للمصاري مافيو خير لنفسو اول شي ونحنا مو بحاجتك ازا انت من هي النوعية وعنا مليون لاعب احسن منك ومواهب بالفعل مو بالحكي
انتوااااااااا وين عايشين في November 07 2010 23:50:43
كلكن ما شالله بتفهموا بالرياضة وخصوصي هادا "ابن سوريا" روحوا شوفو اللي مكتوب بعدين اعلقوا هي اذا كنتوا بتعرفوا تعلقوا او تحكوا ...منيح منكن عم تعرفوا تفوتوا عالنت ههههههه شكوا جديد عليكن ..الله يعينكم!
سامر العبدالله في November 08 2010 16:03:39
السلام عليكم هناك لاعب سوري في نادي الغرافة اسمه سرحان موسى السرحان وهو من دير الزور قرية بقرص تحتاني
أبن سوريا في November 08 2010 16:07:42
رد على أنتوااااااااااااااا وين عايشين
لك يازلمي والله قلي أنت وين عايش.... نحن يلي لازم نقرا شو مكتوب ولا أنت أنا برأيي توضح أخطأنا خلينا نتعلم منك باينتك والله شي فلتة و بما أنك فهمان لهدرجة ممكن تفيدنا ......لا لا أكيد رح تفيدنا.....شو هالحكي أنسان مثقف و متعلم متلك رح يفيدنا أكيد ..... وبربك بدنا منك دورات تقوية على النت بما أنك كمان فلتة لهدرجة بالنت.....لأنو نحن لدوبك ها لدوبك يلا نفهم ندخل على جوجل ........
الله يعينا بالفعل الله يعينا على عقلاتك.................و نتمنى لك الشفاء القريب بأذن الله.
وسيم في November 08 2010 23:12:05
شو يعني فجر ابراهيم عم يهددكم حتى خايفين بس لو افهم هالزلمي شو قاهروا منون
محمد في November 08 2010 23:15:02
سكروا هالموقع لانكن فشلتوا كل مرة بننوعد وبعدا بنتحطم
ابن طرطوس في November 09 2010 01:52:24
الرجاء من ادارة الموقع ان لا تجعلنا نفقد الثقة بها
ما جديد دعوة المحترفين و لماذا هذا التكتم
ارجو الرد
===============================================
نحن لن نسكت عن الموضوع وفي حال لم تنصلح الامور خلال الايام القليلة القادمة سننشر كافة التفاصيل.
الى ابن سوريا في November 20 2010 17:31:26
دخيلك هلا مين عنا احسن منو يعني ؟؟؟ بكل الدرجة الممتازة اللي عنا
ال يثبت حالو ال اللي عم يثبتو حالن حاطينن ع الرف

رووح يا شيخ حسن يارب شوفك بقطر ولا ياخدوك هالاوباش اللي عنا
محمد ابن سوريا في November 20 2010 19:47:09
مين انتنا يا خالد لتشوف حالك على سوريا وما بدك تلعب الا اذا وجهولك دعوة خلينا نشوفك با الدرجة الاولى وانا اجي على قطر اجيبك على المنتخب
برشلونة في January 06 2011 04:16:44
لك والله لعاب لقطر أشرفلك وخود عبرة من سنحاريب لأنو هلق روح مستقبلو أجا وهو هداف الدوري البلجيكي وحطو عنا الشباب إحتياط ههههههههه
برشلونة في January 06 2011 04:17:13
لك والله لعاب لقطر أشرفلك وخود عبرة من سنحاريب لأنو هلق روح مستقبلو أجا وهو هداف الدوري البلجيكي وحطو عنا الشباب إحتياط ههههههههه
عاشق رونالدو البرازيل في February 14 2011 23:11:12
فعلا برشلونة بحاجة لهالموهبة القادمة بس ماينزلو لأبو خلود بدال ميسي بس مايوقع شورطوا لابو خلود بالكامبنو و يبهدلنا بين الكتلان أو يروح يشوط شوطة يفوت فيها بوطو بالشبكة بدل الطابة الله يحرسوا من العين بس عن جد حاسو ماعم يتغذى كويس شكلو ضارب نصية عرق
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق