قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  :: خروج منتخبا الوطني الأول من دور ال16 لكأس آسيا 2023، بالخسارة بضربات الترجيح أمام المنتخب الايراني بعد نهاية الوقت الأصلي بالتعادل بهدف لمثله :: 
هل يكون ميلان زيفادانوفيتش مدرباً جديداً للمنتخب ؟
Bookmark and Share



يبدوا ان مدرب منتخبنا الوطني الاول الجديد الذي سيحل كبديل للمدرب السابق فجر ابراهيم سيكون من المدرسة الاوربية وتحديداً من دولة صربيا, حيث من المتوقع ان يتم الاعلان الرسمي عن اسم المدرب خلال المؤتمر الصحفي الذي سيعقده رئيس الاتحاد السوري لكرة القدم السيد فاروق سرية وذلك في تمام الساعة الحادية عشرة من قبل ظهر اليوم الاثنين.
وكشف السرية بتصريح لصحيفة الثورة السورية في عددها الصادر صباح اليوم عن قدوم جهاز تدريبي كامل من صربياً اليوم أو غداً الثلاثاء على أبعد تقدير يضم مدرباً وآخر مساعداً له، وربما تزامن وصوله مع موعد المؤتمر الصحفي ومن يدري ربما تم تقديمه خلال المؤتمر.
كما نوه بأن مدرباً آخر من البرتغال سيصل في الساعات القليلة القادمة لقيادة منتخب الشباب على الأرجح.

من جهته أكد العقيد تاج الدين فارس نائب رئيس اتحاد كرة القدم بتصريح لنفس الصحيفة أن المدرب المتوقع لمنتخب الرجال كان قد درب منتخب يوغسلافيا الأولمبي سابقاً، بينما مساعده كان مدرباً لمنتخب صربيا للشباب، كما درب الأول منتخب العراق في نهائيات كأس آسيا عام (2000) والتي جرت وقتها في العاصمة اللبنانية بيروت، ويملك سجلاً تدريبياً مهماً في أوروبا والشرق الأوسط.‏‏

وبناء على هذه المعلومات التي ذكرها الفارس فان المدرب القادم لمنتخبنا هو ميلان زيفادانوفيتش الذي سبق له تدريب العديد من الاندية والمنتخبات ابرزها منتخب يوغسلافيا الاول خلال تصفيات كاس الامم الاوربية عام 2000 في هولندا وبلجيكا وقاده للتاهل, كما درب منتخب العراق بنهائيات كاس اسيا 2000 في لبنان والتي احتل خلالها منتخب العراق المركز السادس, ودرب ايضاً منتخب غانا موسم 2002/2003.
اما على صعيد الاندية فقد درب ميلان زيفادانوفيتش عدة اندية ابرزها نادي النجم الاحمر الصربي وقاده لتحقيق البطولة الوطنية اضافة الى العديد من الفرق الاخرى ابرزها : نادي الشباب الكويتي - نادي النصر السعودي - نادي صابا باتري الايراني - نادي شانغشا غيند الصيني.
ويمتاز زيفادانوفيتش بالشخصية القوية و مساهمته بتطوير اداء اللاعبين وخصوصاً الشباب وكان العراب الرئيسي لاكتشاف وتطوير العديد من المواهب الصربية وقادهم للعالمية وياتي في مقدمة هؤلاء اللاعبون ماتيا كيزمان نجم تشلسي السابق و ستانكوفيتش نجم انتر ميلان الايطالي.

والجدير بالذكر ان الاعلان الرسمي عن اقالة المدرب فجر ابراهيم من منصبه كمدرب لمنتخب سوريا الاول والكشف عن اسم المدرب الجديد للمنتخب من المتوقع ان يتم خلال المؤتمر الصحفي بعد ساعات قليلة من الان, وستكون اولى مهام مدرب منتخبنا الوطني الجديد في بطولة غرب اسيا في الاردن.
تعليقات
عماد السعودية في September 13 2010 03:13:56
مبروك المدرب الجديد وان شاء الله التوفيق والتطور يارب
dahdouh في September 13 2010 03:36:54
thank you
عامر في September 13 2010 03:38:40
على اساس رومانيين شو القصة ممكن نعرف شو صار بالضبط كل واحد يحكي شكل.......الله يرحمك ياابو شهاب طول عمرو شكلين مابيحكي..وشكرا
خليل من دانيمارك في September 13 2010 03:54:33
حمدالله خلصنا من شبح اسمو دونغا البرازيلي عفوا فجرينيو ابراهيميو الله يوفق المدرب جديد احلى خبر راح اسمع انو راح فجر باي باي الله يوفقك يا سرية انو تفهمت موضوع مشان اقالة دونغا(فجر) انشالله نشوف كل لاعبين محترفين في اوروبا في بطولة اسيا في قطر لك والله شوفو قطر عم تعطي جنسيات للاعبين اوربيين مشان تلعب مع منتخبهم في عندنا احسن من قطر بيلعبو بدوريات اوربية ياريت اشوفهم في قطر في بطولة اسيا  
رياضي في September 13 2010 04:00:04
صارلو سنتين الجمهور عم بينادي بإقالة فجر ابراهيم هللللللللللللللا اكتشفوا انو ما رح يفيد الكرة السورية بشي قبل النهائيات بشهرين ............ طبعا الجمهور بيعرف شو سبب هالسياسة بكل تاكيد؟؟؟؟؟؟؟؟؟؟؟
basel في September 13 2010 04:28:35
where and when did he coach last?

thank you
يوسف طايع الحطيني في September 13 2010 04:43:43
وأخيرا" باي باي فجورة يا شماتي ههههههههههههههه
مغترب متفائل في September 13 2010 04:58:11
بالنسبة لمنتخب الرجال يحتاجون مدرب قوي شخصية مثل المدرب الصربي و يا حبد كان من البرازيل او البرتغال ومن يثبت نفسه سيلعب بالمنتخب دون ادنى محابة فمصلحة سوريا فوق كل اعتبار.ام لمنتخب الشباب فاعتقد ان المدرب الوطني هو الانسب لانه اقرب لشخصيته و نفسيته.على كل حال الف مبروك المدرب الجديد و عسى ان نرى على وجهه الخير .ام السيد فجر الفاشل فليسكت و لا يحق له ان يتكلم ابدا
maher_007_r@hotmail.com في September 13 2010 05:08:49
والله العظيم شغلتن كبيرة هاد المدرب مساوي مشاكل كتير وهربان من منتخب العراق ومواليد 1944 يعني عمرووو66سنة الله يقدم اللي فيه الخير
مرادعوفان في September 13 2010 05:25:08
انشالله خير
AMJAD في September 13 2010 05:26:09
شكرا للساهرين في الموقع و جهودهم لاخبارنا بكل جديد
مو مهم الاسماء و الانجازات السابقة بس المطلوب مدرب قادر على فهم اللاعب السوري و تطويره و رفع مستواه حتى لو كان مدرب محلي و انشالله بالتوفيق لاي قادم على تدريب منتخبنا الغالي و بدنا نطوووووووووول بالنا عليه حتى يشفى المنتخب من امراض الدهر السابق
محمد-الامارات في September 13 2010 05:36:16
تباشير ببدء الاحتراف الحقيقي في سوريا واول مرة بيجيبوا مدرب له تاريخ
علوووووش في September 13 2010 05:49:42
اها هي الا خبار يلي بنحكا فيا الله يلعنو فجر ابراهيم موت المنتخب ال بس بدو امكانيات ال هي مع امكانيات وتنين صفرلليمن انشالله المدرب لجديد يكون قدها
أبو عزاب في September 13 2010 06:53:05
والله يا جماعة انا سمعت من كم يوم انو اراغونيس قاعد لا شغلة ولا عملة . قلت اجا الفرج بكرا الشباب عنا بيحطو عينهون عليه.
بس الظاهر انو اراغونيس مالو بالطيب نصيب ، يلا سيدي بكرا بيدوب التلج وبيبان المرج .
يوسف في September 13 2010 07:54:39
سيدي صربي زامبي من الصومال بس مايكون فجورة وانشاء الله التوفيق للمنتخب يارب يارب يارب
سوري في September 13 2010 07:59:08
أهم شي ينعرض عليه موضوع اللاعبين المحترفين ويشوفهن منيح والله الموفق
ياسر في September 13 2010 08:22:55
خطوة ممتازة و أن كنت أعتقد أن المدرب الصربي المتعاقد عليه من قبل نادي المجد، أفضل نسبياً من هذا المدرب و يصلح أكثر للمنتخب . كذلك أن التعاقد مع مدرب يوغسلافي أو صربي أي كان ، قد يساعد في إقناع أنس شربيني بالأنضمام لمنتخب سورية.
المايسترو في September 13 2010 09:53:52
اسئلة لادرة الموقع اتمنى الاجابة عليها
هل المدرب الجديد سوف تفرض عليه التشكيلة الموجودة من المنتخب الي نصو ما بيعرف بيلعب ام انه هو سوف يختار التشكيلة وهو لا يعرف الاعبين جيدا
2- من هم الاعبين الي بدكن تعطوا ياهن من اوروبا
ارجو الاجابة على الاسئلة وشكرا لكم
بس في شغلي يمكن تعجبكن :
ليش ما بتعملو ستفتاء لهذا الموقع من اجل المحترفين في الخارج وضمهم للمنتخب
ابن الفرات في September 13 2010 10:25:12
ألف مبروك وهاي اول مره منذ زمن طويل يكون له انجازات أو بصمات قاريه وان شاالله ينال استقلاليه تامه
القيد في September 13 2010 10:53:04
هذا المدرب لا اعتقد انه يلبي طموح الجماهير فاخر تواجد له في المنطقة العربية مع منتخب اليمن الذي شارك ببطولة الخليج التي اقيمت بالكويت ولم يحقق شيئا يذكر قبلها تأهل مع العراق الى بطولة اسيا عام 2000 في لبنان وخرج مع اليابان بعد خسارته 4...1 ونتمنى التوفيق
عدنان في September 13 2010 11:20:56
لك هادا احلى خبر اسمعتو ب حياتي والله العظيم انا موافق ولو طلعنا من الدور الاول انا رضيان المهم الاستاذ فجر طار والله كان قاعد على قلب كل الجمهو رالسوري
لك انا بس بدي افهم لك ما عندو احساس هل البني أدم
أبو محمد الإتحادي في September 13 2010 11:37:47
إن شاء الله خير - شكراً
ابو رفيف في September 13 2010 13:05:14
خير انشاء الله باي فجرينيو ابراهيموتيتش
عااااااااااااشت سوريا في September 13 2010 13:28:34
اسوا خبر باسمعو اقالة فجر ابراهيم انا متاكد لح يندم كل اللي كان ورا هاد القرار الخاطئ و فجر عائد ولح يثبت انو اهم مدرب درب منتخب سورية واتمنى يتواجد ضمن الكادر التدريبي الجديد حتى لو مشرف او خبير كروي ونستثمر خبرتو ومعرفتو باللاعبين وقدراتن وتجتمع الجهود كلا لانو المدرب الجديدتاريخو عادي وما عندو وقت للتحضير رجااااااااااااااااااااااااااااء لا تستغنو عن خبرة فجر ابراهيم باسيا اكيد تواجدو مهم جدا رجااااااااء ولا ترمو الشغل اللي اسسو وراكم و تمنياتي بالتوفيق باسيا وعااااااااااشت سورية حرة ابية
عبد المنعم قاطوف في September 13 2010 15:17:50
الله يبشركم بالخير عيد فطر سعيد وأحلى خبر منسمعو فجر الى الى الحاوية انتي والجبان وكل من فرضك على منتخبنا يا ناس والله عندنا لاعبين كبار انتظرو هم والله يوفق
تشريني عاشق الوطن في September 13 2010 15:28:31
نشا الله خير ومنشوف عل وشو الخير لهل المدرب يلي على ساس عالي الجودة 32 بوصة ههه لا عن امزح بس يني نشا الله يحسن يساوي شي لانو تدريب منتخبنا الحمد لله شي صعب كتير لوجود بعض اللعبين يلي كلن صرنا منعرفون يلي بعمرون ما كانو رح يفوتو المنتخب لولا الواسطة مثلا عمر حميدي ....وووو يعني عيب بربي عيب يعني لازم ندخل عصر الاحتراف بقوة مو نمشي بعكس السير على كلتن لسا فيامل نشا يحسن يساوي توليفة لتلفزيونا اااا اه لمنتخبنا يعني فينو يعمل اا كان عندو قوة الشخية والمؤهلات كلنا منعرف مدرب منتخب العراق لي اخد بطل اسيا كيف استلم التدريب قبل بس شهر ونص من البطولة واخد البطوة منتخب العرق بشو احسن نا ولا بشي يعني اا وهو دولوتو تحت القصف اخد بطولة اسيا نحنا والحد لله اوضاعنا بخير يعني اسخو شوي يا اتحاد الكرة وفرحونا منشان اله لانو صارت سمعت متخبنا بالارض من تحت ولا العالم والناس ...........في كتير حكي بس نشا الله منحكي غير هل المرة لحتى نشوف هل المنتخب يلي بان رب العالمين بيفرحنا لانو عند الكتير من السوريين عندو امل بير بعد اقالة دونغا من امنتخب.............واله ولي التوفيق
عاشق المتخب في September 13 2010 15:30:00
انشالله يكون من موزامبيق بس ما يكون الكابتن فيرجسون
سوري حزبن في September 13 2010 15:31:07
هاد خبر حلو و أنا متفائل ببطولة آسيا
عزيز في September 13 2010 15:39:13
من زمان قيلو من منصبو خلي الجمهور السوري يحس بكرة لبقدم
أبوصالح من أريحا في September 13 2010 15:43:07
إي بكرا بيروح فجر لعندن بيعايدهن أوبيرمضنهن بيقوقموا بيرجعوه متل ما عمل فينا الجبان. وصحتين ع الشباب
والحلو أنو شايفين منتخب الشباب عبيلعب بأسلوب السبعينات والثمانينات على مبدأ : شلووووف لقدام الشباب هونيك. ودمتم
علوش سوريا في September 13 2010 15:52:26
مبروك لسورية المدرب الجديد
الفنان احمد محاسنه في September 13 2010 16:15:25
مدرب جيد جدا مشكور استاذ فاروق سرية والله***وما خيبت ظني لاني اعرفك انسان محترم و عندك مصلحة الوطن فوق اي اعتبار برهنت للجماهير السورية انك رجل صاحب قرار وهذا ما قلته عنك قبل فوزك بالانتخابات ..........وهنا اقول مدرب من بورا بورا موااااااااااااافقين بس اخلع مسائينهو

مسائينهو لشوف مين بدو يعرض عليك مهمه تدريب راسك الكبير وللي كبرتو على الشعب السوري انكسر
روح في نادي بجز القمر عم يدور على مدرب اسمو نادي جزر الشمس هههههههههههههههههههههه
واخيرا رحل مسائينهو ووووووووووووووووووووووووووووووووووووووووووووووووووووووووووووووووووووووووووووووو
ابو ليلى في September 13 2010 16:51:00
بلا احمد ماخد اختي ......................


شو القصة معاكن يا شباب مره بتحكوو رومانيين ومره برتغاليين ارسوو على برررر


مبين سرية بدا يشتغل يلااا الله يوفقووو خلينا نشوف شو راح يطلع معوو
أحمد طه في September 13 2010 17:03:19
شو صار بالمؤتمر و موضوع انس و أحمد الشربيني و متى سوف نعرف خطة المدرب
فادي السوري في September 13 2010 17:17:09
الف اهلا وسهلا من كل الشعب السوري با السيد ميلان ونتمنى انو يكون على قد المسوولية ويفرحنا ونحنا الشعب السوري الي يحبنا ويفرحنا نشيلووووووووووووا على الرااااااااااااااااااااااااس مع تحيات المشجع العاشق لمنتخب سورية
محمد دللول في September 13 2010 18:30:46
أتنمى من القائميين على الموقع اعداد قائمة بأسماء كل المحترفيين وأسماء أنديتهم وتقديمها للمدرب الجديد

مع الشكر
دلوجان في September 13 2010 18:36:27
في الوقت الحالي مافي احسن من الكابتن ياسر سباعي والمدرب الرائع نزار محروس يستلمو تدريب المنتخب السوري افضل يكتير من هذا المدرب الاجنبي الي ماراح يقدم شي ومثل مايقولو بالكردي صوت الطبل من بعيد حلو بس من قريب مزعج؟؟؟؟؟؟.....شكرآ لكل من يعمل لمصلحت المنتخب شكرآ لموقع المحترفين السوريين.
محمد في September 13 2010 18:38:10
بتمنى من لجنة المحترفين ان تضع اسماء الالعبين الشبان امثال عادل عبد الفتاح وكابي جلو وجيمي توما وجورج مقدسي وغيرهم من الاعبين المحترفين الشبان على طاولة المدرب ميلان لضمهم للمنتخب بأسرع وقت ممكن
نزار بوكمالي في September 13 2010 19:39:06
اهم شي انه راح يكون في تواصل بينه وبين موقع محترفين سوريه
aimn .afreem في September 13 2010 19:50:07
lma be8olo ala3b alsori ..ya3ni la3b mn kokab tani ..m3a8ol ma fe mdarb fe al3alm ma befham 3alih...olla al3atl fe ala3bin mo balmdarbin
رامي حاج بكور في September 13 2010 20:01:58
كابريني يا سيد فاروق سرية كابريني هو الاجدر فقد اتى الى سورية وكان عن بعد ميل من توقيع العقد من تدريب المنتخب ضيعتوا من ايديكن صار هلا مساعد مدرب لنادي العجوز جوفنتوس الايطالي واذا بدكن يا متابعينا سالو عن هالمدرب وشوفو انجازاته كلاعب وكخبير كروي وانا متاكد لو دربنا رح نوصل لنهائيات كاس العالم بالبرازيل باذن الله وانا متاكد .... بس سالو عنو وبتمنى تتعاقدو معو يا اتحاد الكرة لانو هو الي بستاهلنا وشكرا وكل عام وانتم بخير
سوري عايش بالجزائر في September 13 2010 20:20:53
أهم شي انكون لا تنسو تطرحو عليه المحترفين
نور في September 13 2010 23:21:28
يا اخي مالي مقتنع تاريخو مافي انجازات وبنفس الوقت هو استاذ رياضة وما طول مع اي منتخب عربي كان فورا ينسحب وانجازو الوحيد هو كاس صربيا وما بنعرف كيف حصل عليه وووووكتير شغلات
بس بضل احسن من فجر برايي وخصوصي اني عندو رؤية اوربية بعيد عن التخلف المحلي
ابن الشدادي في September 14 2010 00:30:57
واخيرا طار فجوووورة .....احسن شي يروح بيدرب شباب حارتو...ههههههههه
عماد الحلبي في September 14 2010 03:21:07
يا جماعه ما بدنا لا مدرب صربي ولا برتغالي بدنا مدرب وطني يكون قلبو على المنتخب ..نزار محروس...
سورية حبيبتي في September 15 2010 23:16:36
والله مابنعرف خيرو لنجربه ان شاء الله بيكون على قد المسؤولية لانو سيقود منتخب وليس ناديا عاديا
المشاركة بتعليق
الاسم:


التعليق باستخدام Facebook

الدم سوري

اللاعبالفريقالأهداف
عمر السومةالعربي القطري9
بابلو صباغأليانز ليما البيروفي9
عمر خريبينالوحدة الاماراتي8
علاء الدالينفط ميسان العراقي8

استفتاء الاسبوع
مارأيك بمشاركة منتخبنا الوطني الأول في نهائيات كأس آسيا 2023؟

ممتازة

متوسطة

سيئة



محترفون جدد
سينتياغو هزي
محمد عنز
علي بشماني
كامل حميشة
خالد كردغلي