قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
فجر ابراهيم يتحدث عن جديد المنتخب الوطني.
Bookmark and Share



استضاف الاعلامي المتميز اياد ناصر في برنامجه الاسبوعي ملاعب الغد الذي يبث على القناة الفضائية السورية يوم الاثنين من كل اسبوع مدرب منتخبنا الوطني الاول فجر ابراهيم الذي تحدث عن جديد المنتخب والاستعدادات لدخول نهائيات كاس اسيا التي سوف تقام في قطر.

وتحدث الابراهيم في البداية عن المعسكرات الاستعدادية القادمة استعداداً لكاس اسيا حيث قال : سوف يكون معسكرنا القادم يوم السبت في مدينتي الحسكة القامشلي وسوف نلعب خلال المعسكر مباراتين وديتين الاول ضد نادي الجهاد والثانية ضد نادي الجزيرة.
وعن المباريات الاستعدادية الخارجية قال: قمنا بمراسلة سبع اتحادات اسيوية لنلعب ضد منتخبات هذه الاتحادات مباريات ودية ومنها منتخب كوريا الجنوبية و منتخب كوريا الشمالية ومنتخب الهند و استراليا, كما سيقوم العميد فاروق بوظو بالحديث مع الاتحادات خلال تواجدهم بكاس العالم.
واضاف فجر قائلاً : كما سوف نشارك ببطولة غرب اسيا والتي سوف تشهد مشاركة العديد من المنتخبات القوية وستكون مفيدة بالنسبة لنا استعداداً لدخول نهائيات كاس اسيا.

وانتقل بعدها مدربنا منتخبنا الوطني للحديث عن موضوع المحترفين حيث قال : قمنا بالفترة الماضية بتثبيت الدعوات التي ارسلناها لكل من (سنحاريب ملكي و لؤي شنكو والياس مرقص وداني كيكي) كما قمنا بارسال دعوة للاعب الشاب جورج مقدسي لاعب نادي اسيريسكا السويدي.
واكد فجر انه سوف يقوم بالاتصال شخصياً مع المحترفين وقال: بعد وصول رد للدعوات التي قمنا بارسالها سوف اقوم بالتواصل مع اللاعبين بشكل شخصي وسوف نتحدث بكل الامور الخاصة بانضمامهم للمنتخب بالفترة المقبلة وسوف اقوم بهذه الخطوة بعد وصول رد اولي من اللاعبين.
وعن المحترفين بالمنطقة الاسيوية قال : بعد ان قمنا بارسال الدعوات للاعبين المحترفين باوروبا سوف نوجه الدعوة للاعبين المحترفون باسيا والذين هم من عماد المنتخب وسوف نستدعي كل من ( فراس الخطيب – جهاد الحسين – محمد زينو – عادل عبدالله – علي دياب – محمود امنة) و وجود لاعبين محترفين بدوريات متنوعة سوف يفيد المنتخب بشكل اكيد وسوف يزيد من خبرة اللاعبين.
وقام الزميل اياد ناصر بعرض مقطع فيديو لمهارات اللاعب جورج مقدسي المحترف باسيريسكا وذلك بالتعاون مع موقع المحترفين ، وابدى فجر اعجابه بالمهارات التي يملكها اللاعب وتمنى تواجده مع المنتخب بالفترة القادمة وفي النهائيات الاسيوية.

كما تحدث فجر عن الغيابات بالمنتخب وعن اللاعبين الجدد الذي سوف يتم ضمهم لللمنتخب الوطني حيث قال : سوف يغيب اللاعب بكري طراب عن المنتخب بالفترة القادمة بسبب الاصابة التي سوف تبعده عن الملاعب لفترة اربعة اشهر ولدينا العديد من البدائل وياتي في مقدمتهم لاعب الجيش برهان صهيوني بعد المستوى الملفت الذي ظهر به اللاعب بالموسم الحالي مع فريق الجيش.
واخيراً تحدث مدرب منتخبنا الوطني الاول عن رعاية المنتخب وقال: حالياً يوجد عرض من احدى الشركات لتقديم التجهيزات الكاملة للمنتخب وسوف تتم الامور بشكل رسمي قريباً, وسوف نحاول مع الشركة الراعية لتقديم تجهيزات للمنتخبات الثلاثة الرجال والشباب والناشئين لان المنتخبات الثلاثة تاهلت لنهائيات كاس اسيا وتستحق الدعم والرعاية وسوف تتم الامور خلال الايام القادمة.
تعليقات
عمر عاشق لولو في May 17 2010 21:11:08
هلأ بلش الشغل المزبوط وكلنا وراك يا فجر باسم المنتخب الوطني
Ndem-alsmt في May 17 2010 21:34:19
ياجماعة العالم صار صغير وأحنا مع المدرب هذا مانقدر نوصل لأي لاعب بعدين وين مسؤلي الرياضة ليش هم مايتحركو من أجل التوصل مع المحترفين والا هم أكبر من المنتخب ياجماعة أذا كادر رياضي لدولة ما ماتقدر توصل للعاب بلدها فتلك مصيبة وأن كانت لاترغب بهم لعيون بعض الأشخاص فالمصيبة أعظم
أبو طوني في May 17 2010 21:51:06
ما في شي اسمو محافظتي القامشلي والجزيرة وإداريا اسمها محافظة الحسكة وتضم مدينتي الحسكة والقامشلي
سامر في May 17 2010 22:57:43
اهم شي عاد الامنة للمنتخب
ودعوة كابتن فجر للمحترفين في اوروبا
سوري أصيل في May 17 2010 23:32:44
سؤال للإدارة شو صار بالمباراة بين منتخبنا و المنتخب السويدي في السويد
عمر في May 18 2010 00:00:33
هلأ إجادورإدارة الموقع لحتى تتواصل مع المحترفين أرجوكم اعملولقاءات معهن وتحدثوإليهم كرمال وطنكم ووطنناالغالي أرجوالردبسرعة وشكراياأحلى موقع
سلموني عاشق المنتخب في May 18 2010 00:08:27
الى الاخ العزيز و امل الكرة السورية السيد فجر ابراهيم اريد ان اقول لك بعض الاشياء عن طريق هذا الموقع الكريم: ان المنتخب ليس لي و ليس لك يا سيد فجر المنتخب هو منتخب الوطن و لا وقت الان لاتخاذ قرارات و مواقف تجاه فلان او علان من الناس... الوطن الان بحاجة لكل خبرة و لك اضافة جديدة ايجابية للمنتخب
تاكد تماما يا سيد فجر انه لا يوجد احد ضدك لشخصك و لا احد ينكر فضلك في التاهل لنهائيات كاس اسيا و هذا جهد كبير يحسب لك و لا احد ايضا ينكر انك مدرب (تعبت على حالك ) و لكن انا و انت نعرف بان النهائيات تختلف تماما عن التصفيات
عذرا على الاطالة و لكن اخيرا اتمنى من كل قلبي ان لا تتخذ اي موقف فقط لمجرد العناد
و تذكر :مصلحة الوطن اعلى و اسمى من اي خلافات شخصية و اخيرا وفقك الله يا سيد فجر مع المنتخب و شكرا لموقعكم الكريم
mazen في May 18 2010 00:16:39
والله اذا بطبق هل الكلام رح بصيرلك شان كبير في عالم كرة القدم ياسيد فجر ورح من حل عنكم بعد كاس اسيا بس في حال عملتو شي بكاس اسيا . بس رجاء سمعت انو في لاعب سوري مدافع محترف ممتاز ياريت تتجيبو مع الدياب والمرقص بدنا فكر المحترفين في دفاعنا وسطنا وهجومنا
انا سوري في May 18 2010 01:18:20
يا ابو طوني سيد فجر ما زكر محافظتين انه زكر مدينتي الحسكة والقامشلي ونحن ابناء المحافظة نرحب بالمنتخب السوري بين اهله وناسه ونتمنا التوفيق لكافت المنتخبات السورية في المحافل الدولية
المايسترو في May 18 2010 01:18:29
احلى منتخب والله
وانشاء الله كاس اسيا سوري
وانشاء الله تكون اقوى مباراة لسوريا مع السعودية ونطقة 4 _ 0
باذن الله
اهلاوي في May 18 2010 01:28:27
ناتمنا الصول على الاعب السوري المحترف في السويد جورج مقدسي ان ساء الله
ابن الشام في May 18 2010 01:35:25
لازم يكون الشغل أسرع يا فجر لتحديد المباريات القوية وأتمنى اللعب مع الفرق المتطورة كرويا"متل ساحل العاج أو تركيا أو ايران أو مصر أو تونس أو المغرب أو الكاميرون أو نيجيريا أو كولومبيا أو فنزويلا أو أستراليا أو الجزائر أو الدنمارك أو صربيا أو البحرين أو البرازيل (يعني معقول منتخب يلعب مع الجزيرة الضعيف و يتحضر مع الجهاد الأضعف يافجر ياكوتش)
بلالوووووووووووو في May 18 2010 02:46:30
كابتن فجر قبل ما شوفك يشكل مباشر فكرتك ساجذ وسهل الضحك عليك لكن بعد ما التقيت فيك بمعسكر الللاذقية جزمت بأنك ستحقق نتيجة بكأس آسيا لكني أعود وأركز على موضوع المحترفين
المستشار في May 18 2010 03:52:54
خير ان شاء الله

مع اني ماني مصدق بس غصبن عنا رح نصدق
osaid في May 18 2010 04:34:45
اي نشالله خييييييييييير بس انشالله المحترفين يوافقو يلعبو مع المنتخب ...... لان شكلن حرمو يجو عسوريا
كرماوي للابد في May 18 2010 06:40:16
يا اخي والله المدرب نحنا ظلمناه كتيييير يعني شو بيطلع بإيدو يساوي اكتر من هيك

بعدين بدي من إدارة الموقع ان تخبرني عن موعد بدأ برنامج ملاعب الغد والإعادة؟؟
الله يخليكم ردو اي حدا يقول لي ؟
عبدالرحمن الجيشاوي في May 18 2010 07:19:06
بالتوفيق للمنتخب الوطني وان شاء الله الفوز بمارياتهم في المجموعة الاسياوية بس عندي سؤال شو صار باصابة اللاعب لؤي شنكو وشو اخبار اللاعب سنحاريب بخصوص الانتقال من ناديه وشكرا مع تمنياتي بالتوفيق للجميع
أبو حمادي في May 18 2010 08:02:01
فجر كرمال الله استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل استقيل
أبو هادي السوري في May 18 2010 13:05:44
للسيد أبو طوني ،بالتقرير مذكور مدينتي الحسكة والقامشلي ،وهالشي صحيح لأن القامشلي مدينة،والحسكة مدينة
أما المحافظة فهي الحسكة التي تشمل الحسكة والقامشلي ومدن أخرى.
وخلينا بالأهم وهو منتخب الوطن يلي نتمنى به التوفيق
محمود في May 18 2010 13:51:41
تلعبو مع مين سمعت والله ياهي مباريات قوية الجهاد ومين ياشباب فهموني يالله مباريات والله رووووووووووعة لك تضربو السعودية تلعب مع اسبانيا واليابان تلعب مع البرازيال ونحنا عم نلعب مع الجهاد ومدري مين
عيب والله عيب في May 18 2010 14:06:29
اانا برأيي لايتعبوا حالهم لانه الامور فاصلة يعني السعودية صارت بالنمسا وراح تلعب مع كوتيفوار واسبانياونيجيريا
واحنا بالحسكة ومع الجهاد والجزيرة اي والله عيب عليهم وما بيستحي فجر لما يحكي هيك حكي واحنا بنقول نحن معك يا فجر بس هيك والله حرام عليكم والا ما في امكانيات بس لباب الحارة شي 3مليون يوررو
أحلا سلمية في May 18 2010 14:36:46
بالتوفيق للمنتخب و خلينا نتفاءل بلكي متعمل نتائج
ابوالشام في May 18 2010 16:58:13
الاخوه الاكارم شئنا ام ابينا فجر على راس الجهاز الفني وسيستمر للنهائيات فلندعه يعمل ولنحكم بعد النهائيات آن لنا ان نخطط وآن لنا ان نفرح ببطولة نرفع كاسها بمعية هاللعيبه والمحترفون الذين اتمنى ان ينضموا باسرع وقت ممكن وشكرا
ابوالشام في May 18 2010 17:06:02
السيد فجر كما قالو المنتخب ليس ملكا لاحد المنتخب ملك سوريا وسوريا ممثلة بكل سوري غيور وعاشق لعلمنا الغالي سوف تحملك ومنتخب سوريا على الاكتاف اذا كنتم رجال وسوف تحاسبك حسابا عسيرا ان كان سبب فشلنا انانية الراي والتصرفات الشخصيه ارجو ان تفرحنا فنحن بانتظار الفرحه ومشتاقون لها نحن واثقون بك فكن انت ومن سوف يلبسون الفانيلة السوريه على قدر الثقه والمسؤوليه وشكرا
السلام في May 18 2010 17:29:54
اللاعب جورج مقدسي لاعب مهاري ممتاز بس هل رح يرضى يجي يلعب للمنتخب ويا ترى انتو حكيتو مع اللاعب او تعرفو شو رايو بهادا الموضوع ارجو من مسؤلي الموقع الكرام الرد لو سمحتو ...ومتابعة هالموضوع واللاعبين الاربعة الباقيين ارجوكم مع احترامي .
كرماوي اصيل في May 18 2010 19:34:59
يارب خود امانتك بسرعة وخلصنا منه
كلنا ورائك يافجر في May 18 2010 20:03:02
كفوووووووو والله هلق بلش الشغل المظبوط الى الأمام ....
ولو سمحتو الي عندو تعليق يحتفظ فيه لحالو والله لانو قرارت الكابتن فجر ابراهيم منيحه ومو محتاج حدى يعلق عليها ....تحياتي
دلوجان في May 18 2010 22:08:35
يا اخوان عندما تتكلمون عن تحضير المنتخب السعودي وانتم تعرفون جيدآباان المنتخب السوري لا يملك ربع ما يملكه المنتخب السعودي من المال او بعدين المنتخب عم يعمل معسكر داخل سوريا والمدرب اختار هذه المرة مدينةالحسكةوالقامشلي متل ماكان يختار سابقآ مدينة دمشق او حلب اواي مدينة سوريااوخرة وبعدين الي مو عاجبو القامشلي او الحسكة خليه يعرف بي انو نجوم معروفين على مستوى سوريا هني من الحسكةوالقامشلي وحتى المحترفين في اوربا هني من ابناء الجزيرة السورية بالتوفيق لمنتخب بلدي الحبيب سوريا بالتوفيق لنادي الجهاد الحبيب في هذه المبارة وشكرآ
أبو تيَم في May 18 2010 23:48:38
حلو الحكي بس ممكن تحميل مقطع الفيديو مشان نشوفو اذا عندكن يا لانو كتير من الاخوه الاعزاء ماشافو البرنامج

وياربي ونشالله خير ولازم نكون كلنا مع المنتخب بغض النظر عن اسم المدرب
عاشق الوطن في May 19 2010 07:31:01
طيبة للكابتن فجر
مبروك في May 19 2010 21:35:54
بدأنا نخطي للأمام كلنا وراك الآن يا فجر
مايا في May 19 2010 23:08:16
متى سيتم اجراء لقائات مع الاعبين
شرشيير في May 20 2010 00:12:26
مرحبا يا موقع الكرة اولا اوريد منكم انتم بالفعل ان تتواصلو مع المحترفين السوريين في اوروبا لاقناعهم بالعب للمنتخب وبذالك تتكونون انتم اصحاب الفضل الكبير يا محترميين وشكرن
روميو الأهلي في May 20 2010 03:49:12
ممكن نعرف موعد مباراة الجهاد والمنتخب أي يوم وأي ساعة
بالتوفيق للمنتخب وكلنا خلف المنتخب
مشجع جهادي في May 20 2010 06:30:32
لو سمحتو يا ادارة الموقع انا بدي اعرف اي يوم مبارة المنتخب مع نادي الجهاد
ابو فراس في May 20 2010 21:51:02
نشكر الكابتن فجر على الجهد الذي يبذله ونرجو أن يوفق في التواصل مع المحترفين والوصول الى التشكيلة الأفضل للمنتخب.
نضال الكرماوي في May 21 2010 02:02:21
بالتوفيق للمنتخب في الاستحقاقات القادمة
بحب المحترفين في May 21 2010 03:11:10
لو سمحتو منحسن نحمل مقطع جورج مقدسي
اسامه في May 21 2010 18:40:45
هلاء صار شغلكم يا ادارة الموقع

لتسهيل اتصال السيد فجر ابراهيم مع الاعبين على فكره هاد مجهودكم الي وصل الامور لهون

باسم عشاق المنتخبات السوريه الله يعطيكوم العافيه ولا يضيعلكم تعب
أبو عليش في May 21 2010 19:41:37
يا حبيبي يللي عم يحكي إنو المنتخب عم يلعب مع الجهاد طب حبيبي أنا كنت عايش بالسعودية بتعرف إنو كانو يلعبو مع الرائد والرياض قبل كل معسكر خارجي
حبيب الوطن في May 21 2010 20:18:50
ارجو من اتحاد الكرة السوري نشر البرنامج التحضيري للمنتخب وارجو ايضا نشر تفاصيل الاتصالات التي تمت مع الاتحادات او الاعبين السوريين في الخارج والاهم من كل شيء تحضير برنامج مدروس مكثف للمنتخب كما نرجو مراعات الدعم المالي والاستعانة ببعض الشركات التي ترغب بتمويل المنتخب
ملاحظة : يرجى الاخذ بعين الاعتبار ان بعض الاعبين السورين لايتكلمون العربية ويجب وضع برنامج مكثف للتاقلم فأهم دافع للاعب المنتخب هو الانتماء والشعور الوطني بالاضافة للمكافأت شكرا
اناسوري في May 22 2010 01:19:26
يا احباْي الرياضيين نرجو منكم معرفة ما معنا معسكر داخلي و هو تجريب اللاعبين الجدد والانسجام مع بعضهم البعض ومعرفة مستوى الجميع ويجب ان يلعب مباريات داخلية مع الجهاد والجزيرةواندية من باقي المحافظات وثم نزهب الى معسكرات خارجية ومباريات وشكرا لكم نزكركم ان مبارة المنتخب والجهاد يوم الاحدساعة الخامسة
اغيد في May 23 2010 10:24:58
بداية اسمحولي هني موقع المحترفين الرائع يلي لولاه ما كان عرفنا ولا نجم سوري محترف بس بتمنا تجاوبوني على اسئلتي فجر ابراهيم يرسل دعوات للاندية التي يلعب فيها اللاعب السوري المحترف ولن يتصل باي لاعب محترف حتى يصل رد اولي من اللاعب طيب كيف بدو اللاعب يتواصل مع المدرب والاتحاد اذا بعمرو ما حكا معو بشكل شخصي وكيف بدو يتاكد بجدية الدعوة اذا ما حدا من الجهاز الفني للمنتخب او اتحاد كرة القدم بكلف حالو وبيحكي معو ليعرفو ردو عالدعوة وشو اللي مخلي متاكد للكابتن فجر لتلقي اللاعبين للدعوة وخاصة انو الاتحاد يراسل النادي وليس اللاعب ومن مصلحة النادي اخفاء الدعوات عن لاعبيها من اجل الاحتفاظ بهم مثل ما حصل مع الكابتن سنحاريب ملكي في جرمنال برسخوت وخاصة في لاعبين تستدعى للمرة الاولى مثل جورج وداني وخاصة اذا علمنا ان الاتحادان البلغاري والسويدي ياملان ببقاء لاعبيهم في منتخبهم الحالي ( الاولمبي البلغاري والشباب السويدي) فكيف تتعامل هذه الاتحادات مع لاعبينا وكيف نحن نتعامل معهم لذلك اتمنى من موقعنا الغالي ان يقوم بهذه المهمة عن الجهاز الفني ويؤكد للاعبين مدى جدية الدعوة ولكم الاجر والثواب وشكر عشرين مليون سوري داخل سورية وعشرين خارجها وشكرا لكل العاملين بهذا الموقع الرائع وارجو الرد رجاءا وعفوا عالاطالة
===============================================
سوف نقوم بهذا الموضوع خلال الايام القليلة القادمة باذن الله لكن يجب ان نتاكد ان موضوع الخدمة الالزامية قد حل تماماً لكي نؤكد ذلك للاعبين.
اهلاوي في May 23 2010 15:56:04
الله يخليلنا هل المدرب الفلتة...........
اهلاوي في May 23 2010 15:56:57
الله يخليلنا هل المدرب الفلتة...........
عوجا وقضية ضايعة في May 24 2010 23:46:25
اان مابدي اعلق عكلامو لانو معروف كلو كذب وما حدا عم يوقف فوجهو ويزيحو عالمنصب بس اللي بدي اعرفو ياريت يسالو شو اسم الحلاق البحلق عندو حليقة ال15 ليرة بنصير يينوفر ونحلقا عندو
عوجا وقضية ضايعة في May 24 2010 23:49:53
اان مابدي اعلق عكلامو لانو معروف كلو كذب وما حدا عم يوقف فوجهو ويزيحو عالمنصب بس اللي بدي اعرفو ياريت يسالو شو اسم الحلاق البحلق عندو حليقة ال15 ليرة بنصير يينوفر ونحلقا عندو
مراد من الجزائر في May 30 2010 18:44:21
انا احب المنتخب السورى و اتمنى له التوفيق في كاس اسيا كما انه يجب الاعتماد على اللاعبين المحترفين وبالخصوص فراس الخطيب
عبدالله علي اليوسف في June 09 2010 17:56:02
ان مقيم في الكويت اتمنا لمتخب التوفيق بدن الله
حتى من دون محترفين في June 20 2010 05:19:58
يعني لو ما اجا اي محترف حاليا رح نساوي الاستعدادت
وبعتقد انو المخترفين ما عم يجو لانو البطولة ب 2011 وهني حاليا عندون اندية بيلعبو فيا ودوريات شغالة
وبس يجد الجد بيجو بإذن الله وقولو امين
وبالتوفيق للمنتخب الوطني الغالي وان شاء الله نكون مفاجأة البطولة
جهاد السكافي في July 10 2010 17:29:07
لماذا لاتستدعي الاعب أحمي الجربا المحترف في الدوري الهولندي في الدرجة الثانية
بشير في January 18 2011 17:35:01
إيمت بدو يصير عنا منتخب
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق