قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
فجر ابراهيم هل انت افضل من كبار المدربين.
Bookmark and Share



كلنا سررنا بعد التصريحات الاخيرة لمدرب منتخبنا الوطني الاول فجر ابراهيم والتي اكد فيها استدعاء خمسة محترفين للمشاركة مع المنتخب في الاستعدادات والمعسكرات الاعدادية القادمة وفي النهائيات الاسيوية التي ستقام في العاصمة القطرية الدوحة مطلع العام القادم .
لكننا فوجئنا بالرفض القاطع من الابراهيم للحديث بشكل شخصي مع المحترفون لاقناعهم بالانضمام للمنتخب الوطني كما فعل القويض عندما ضم المرقص والملكي والشنكو وكما فعل كابريني عندما كان قاب قوسين او ادنى من تدريب المنتخب عندما تحدث مع اكثر من محترف واقنعهم باللعب للمنتخب, وبرر فجر رفضه الحديث مع المحترفين شخصياً بانه يعمل ضمن مؤسسة ويفضل ان يكون العمل مؤسساتي.

وحاولنا نحن كادر موقع المحترفين السوريين بالايام القليلة الماضية وتحديداً خلال تواجد المنتخب في معسكر اعدادي في حلب الحديث مع فجر واقناعه بضرورة تواصله بشكل شخصي مع المحترفين لكن الاخير اغلق جميع الطرق في وجهنا واكتفى بعدم الاجابة على هاتفه بعد معرفته اننا من موقع المحترفين.
ورفض فجر خلال حديثه التلفزيوني لبرنامج المدار الذي يبث على قناة ابوظبي الرياضية السفر او ارسال مساعده لمتابعة المحترفين في بلدانهم التي يلعبون بها والحديث معهم للانضمام للمنتخب واكد انه ينتظرهم بالمعسكرات والمباريات الاستعدادية القادمة لمشاهدة مستواهم على الطبيعة.... ونقدم اليك الان يا فجر بعض الامثلة لمدربين عالمين كبار سافروا وتابعوا محترفيهم وتحدثوا معهم وحاولوا اقناعهم بالانضمام للمنتخبات التي يدربونها:

1-ريمون دومنيك مدرب المنتخب الفرنسي حاول اقناع هيغوين لاعب ريال مدريد بالانضمام للمنتخب الفرنسي وتحدث معه لاكثر من مرة ورفض مراراً وتكراراً.
2-مدرب منتخب غانا ميلوفان راييفاتش حاول اقناع ماريو بالوتيلي لاعب الانتر للعب لمنتخب غانا لكن بالوتيلي رفض ذلك ورغم ذلك مازالت محاولات المدرب مستمرة لاقناعه بذلك.
3-مدرب منتخب المغرب السابق هنري ميشيل سافر لاقناع اللاعب عادل رامي بالانضمام للمنتخب المغربي رغم انه وصف لاعبي المنتخب المغربي بالكلاب.
4-مدرب المنتخب الاولمبي المصري هاني رمزي سافر الى ايطاليا لاقناع اللاعب ذو الاصول المصرية ستيفان الشعراوي للعب لمنتخب مصر لكن الشعراوي فضل اللعب لايطاليا.
5-مدرب منتخب الجزائر رابح سعدان قام بالحديث مع اللاعب عبد المالك زياية للانضمام للمنتخب الجزائري بكاس العالم لكن الزياية صرح انه رفض الدعوة.
6- مدرب منتخب الارجنتين وافضل لاعب بتاريخ كرة القدم دييغو ارماندو ماردوانا سافر الى برشلونة وتابع ميسي رغم انه افضل لاعب بالعالم وتحدث معه شخصياً.

ونقول اخيراً اين انت يا فجر ابراهيم من هؤلاء المدربين, فاما اعلنها انك لا تريد ضم المحترفين الى المنتخب او تواضع وتحدث معهم شخصياً كما يفعل كل مدربوا منتخبات العالم, وكيف للمحترفين ان ينضموا للمنتخب اذا كانت طريقة ارسال الدعوات خاطئة ... فمرة قام مدربنا باستدعاء الشنكو من السويد وهو يلعب بالدانمارك ومرة اخرى قام مدربنا باستدعاء المرقص من السويد دون ان يذكر اسم النادي الذي يلعب له بالفاكس الذي تم ارسله للاتحاد السويدي, وكيف للمحترفين ان ياتوا الى سوريا اذا لم ياكد لهم المدرب حل موضوع الخدمة الالزامية......!!!

بقلم: محمد كويفاتية.

تعليقات
محروق قلبي في May 08 2010 03:40:30
كلام فجورة كلو أكل هوى
و ما حدا من المحترفين رح يجي على هالحالة
و آآآآآخخخخخ
OOOOOOOOOOOOOOOOOOOOOOOOOO في May 08 2010 03:45:30
اذا فجر ابراهيم بيستدعي 5 محترفين بأوروبا و بيلبوا دعوتو فأنا معه قلباً و قالباً
أما اذا لم يأتوا فأنا ضده وسوف يزيد كرهي له حتى ولو أخذ اللقب
مازن النبكي في May 08 2010 04:24:41
بعد اذن الموقع هل انتو متأكدين انو المحترفين مارح يرفضو اللعب للمنتخب
وبحكم تواصلكم الدائم معهن عندون استعداد يلعبو المباريات الودية
وانا كتير كتير بحترمكم لهل الاسلوب الراقي بالوصل بين الاعبين البعاد عن سورية والمنتخب الغالي علينا كلنا
===============================================
جميع المحترفون ينتظرون اتصالاً من المدرب ليتحدث معهم حول موضوع انضمامهم للمنتخب.
مصطفى البطران في May 08 2010 04:37:06
ارجو تغير مدرب في السرعة وقت لان فجور لا يعرف كيف يدرب اين تاريخ فجور في تدرب
مازن النبكي في May 08 2010 04:45:30
طيب بعد اذنكون في مجال تتواصلو مع الاستاذ لطفي الاسطواني وتعملو حلقة عن المحترفين ونعرف شو هي القصة الكاملةو وين هي المشكلة اصلا لانو نحنا مغتربين وحقنا نشوف كل شي ونعرف الرأي والرأي الاخر
لانو عن جد يافجر يا محترم صارت القصة مسخرة وانت مانك شايف حدا قدامك
بديع عياش في May 08 2010 05:01:26
يا اخ الموضوع كلو كذب بكذب ما يجيب ولا محترف فجر شخص فاشل المحترفين عندهم فكر احترافي وفجر يا دوب بيفع يلعب كرة مو يدرب فاشل فاشل ؟؟؟؟؟؟؟؟؟؟؟؟؟؟؟؟؟؟؟
Syrian في May 08 2010 06:53:54
والله مهزلة: هل القيادة السياسية على علم بموضوع تعنت فجورة. يا جماعة لدينا فرصة لرفع علم سورية عالياً ...الله يخليكون ايصال كل التفاصيل للقيادة السياسية
داود الجزراوي في May 08 2010 10:39:52
انتم في هالموقع قلبكم عالرياضة السورية مش متل فجر براهيم يلي كبر راسو كتير .... بس متل الطبل فاضي
أحمد في May 08 2010 10:52:36
بهيك فكر للمدرب لا تتوقعوا اي انجاز في كأس آسيا القادمة ،القويض أفضل منه بكثير ولديه فكر احتراف رفيع المستوى قادر على الانجاز ،سؤال للموقع طالما فجر ابراهيم هي امكانياتو و لا يملك الفكر الاحترافي المطلوب وطالما أنه أرسل دعوات رسمية للاعبين ،لماذا لا يقدم اللاعبين على التقدم بخطوة مقابلة بالقدوم الى المنتخب كمغتربين والتقرب من المدرب واللاعبين وبهذا لايدعوا أي عذر لهذا المدرب بعدم ضمهم للمنتخب فيما بعد ،أنا أقصد طالما أنهم وطنيون و يحبون اللعب لسوريا يجب أن لا يوقفهم شىء خصوصا أن لديهم دعوات رسمية من اتحاد كرة القدم السوري ،أرجو الرد ؟
احمد في May 08 2010 11:09:04
يا ناس ليش مستغربين فجر مخرب مو مدرب عشان يحاكيون
احمد".......... في May 08 2010 11:53:33
لا اعتقد ان فجر ابراهيم صادق في استدعاء اللاعبين المحترفين ولا حتى المميزين في الدوري السوري ....فجر يريد لاعبين على مقاسه وليس على مقاس وحجم سوريا وهذا الحال من حال الاتحاد الكرة الفاشل بقيادة غوتوق المعفن ليس له شخصية القيادة كلما تناسينا المنتخب يأتي من يذكرنا بالمنتخب والله لو قمنا باعتصام امام مقر الاتحاد الرياضي وكل مكان نستطيع ان نوصل كلمتنا الى المسؤولين لكان خير لنا من الكتابة فقط .... هذا ثمن حبنا الشديد لسوريا نتحمل ال.........مفسد...ون
سوري في May 08 2010 13:19:38
مو هون المشكلة لا أبداً المشكلة أنو في اتحاد رياضي بالبلد وفي مسؤولين المفروض يكونو عم يتابعوا الحالة الغريبة لي نحنا فيها فجر واضح أنو غير مناسب لتدريب نادي في الدرجة التانية والطامة الكبرى أنو عم يعتبر أنو في معارضة لإلو من بعض المنتديات الرياضية طيب حلفتك بالله يا فجر شو في طرق غير المنتديات الالكترونية يعبر فيها المواطن لحتى نقلك من خلالها إذا في شرف بتترك المنتخب لأهلو..والله الشغلة بدها ذوق متت لحتى أبو شاكر القدير يترك وكأنو المنتخب مكان لتحقيق العقد والمآرب الشخصية..بس عتبي عليك عتبي على المسؤولين الرياضيين لي مناشدن من أعماق ضمائرنا خلونا نحس مرة أنو في تطور رياضي بالبلد
سوري اصيل في May 08 2010 13:40:00
ياشباب الاسماء التي ذكرتوها اسماء دخيله على كرة القدم فجورة اكبر من هيك اسماء والله سوريا الاسد حرام يكون عندها هيك مدرب للمنتخب بس الله يسامح اللي مسلم فرحة عشرين مليون مواطن لهيك رجل معقد نفسيا ياحرام على هيك مجموعة من الاعبيين التي لم ياتي لسوريا اسماء ومهارات مثلها ولكن استاذ فجورة شو رايك كمان بلمرة تبعت الدعوة عن طريق البريد وبلتسلسل كما معملات الدولة واللاعب الي حابب يلعب بلمنتخب بدفع كم ليرة للموظف المسول ليسرع طلبو كم هي العادة طبعا لانو الي الاعبين السوريين رح يموتو بس يلعبو بقيادة الكوتش فجوررررررررررررررررررررررررررررررررررررة
Fayes في May 08 2010 13:57:53
اي شو الشغلة على كيفو???????????
بدو يجيب المحترفين غصب عنو, وبالصرماية!!!!!!!
اي شو الشعب السوري والشارع الرياضي مالو كلمة??????
ابو حميد في May 08 2010 14:52:22
يا شباب طولو بالكم شوي ولا تكبرو القصة وخلينا نشوف نتيجة هذه الدعوات شو حتجيب , وبعدين اذا ما نفعت بصير الحكي والمطالبة ضرورية لانو الاهم هي مصلحة المنتخب  
عمر عاشق لولو في May 08 2010 15:04:30
انا اول مرة بسمع بمدرب بدو لعيبة بس بيرفض يحكي معهن ةبيحكي عالتجانس
ashraf في May 08 2010 15:06:11
شو..شو... ما بدوا يتصل...
والله اذا ما بدوا يتصل فليستقيل ...والله اذا ظل متنح ... مفكر فجر حالوا بدو يلعب باسم سوريا ..وعد حر من سوري يعشق سوريا وترابها وعلمها انوا راح يروح على بطولة اسيا بس مش راح يرجع غير ...شو مفكر حالوا شي معجزة كلوا تالي حقير فاسد فاجر طاغي وزمن طغاة ذهب مع ريح وعقبال حقبت الطاغية فجر ظلام دامس
سوري بافاري في May 08 2010 15:10:32
مستحيل الاعبين المحترفين يجو عالمنتخب بدون ما يتنازل فجر ابراهيم او احد من اداريي المنتخب ويحكي معهم ويشوف رأيهم . وان لم يقم المدرب بالاتصال بهم فتأكدو ان الدعوى هي مجرد تأدية واجب أو لأسكات الجماهير السورية
^^^^^^^^^^^^
سؤال لأدارة الموقع ليش الموقع صاير ثقيل ليفتح يعني مستحيل يفتح عندي بدون ما اسوي العمل بدون اتصال؟؟؟
===============================================
سيتم التاكد من الموضوع.
ابو وائل المغترب في May 08 2010 15:53:08
استفسارلادارة الموقع المحترمين ليش ماتعملوا لقاءات مع اداريين المنتخب ورئيس الاتحاد ويصير التواصل مع المسئولين مباشرة مونقعد نترجى فجورة علشان يتنازل ويجيب المحترفين ليش هالمنتخب ملك اللي نفضو علشان يتلاعب بمشاعر 20 مليون مواطن؟؟ والله مسخرة واللي يقبل بالخطا يعتبر مشارك فيه
مراد الروح في May 08 2010 16:11:38
فجر نصيحة اسمعها من لاعب سوري
اتصل بالمحترفين او الغي الموضوع من اساسو لانو الجمهور السوري ما بقى يستحمل اكتر من هيك ابدا وانا افضل دعوة المحترفين متل العادة لاني انا سوري ولا تنسى انو انت سوري وحاجة تكبر طلع على حالك بالمراية وقارن حالك بالاسماء المذكورة$$$
معن من حميمات الداير أ في May 08 2010 16:32:15
ارجو من الأخوة في الموقع العزيز السوريين الحقيقين التواصل مع الكرة بملعبك لاجراء حوار حول المحترفين وذلك باستضافة احد المسؤولين من الموقع والدكتور مروان عرفات أرررررررجو الررررررد
محمود الناصر السفيرة في May 08 2010 16:40:46
أنا بستغرب من فجورة وبسألو ياترى دمك سوري؟وووووووووووووووواذا ماعندك جواب أنا بجاوب انت لا دم ولاضمير ونفس الكلام بينطبق على كل من يؤيدك اصحو ياأهل الضمير
سوري مقيم بالسويد في May 08 2010 17:32:12
نرجو من ادارة الموقع الكريم عرض نبزة عن حياة المدرب فجر ابراهيم الشخصية( مثال ابن اي مدينة هو, دراسته الجامعية , الحالة الاجتماعية , والفرق التي دربها) للتعربف به ولكم جزيل الشكر
تشيلسي يُفاوض السوري "جورج مقد في May 08 2010 17:40:12
يسعى نادي تشيلسي الإنجليزي للتعاقد مع اللاعب جورج صاحب الأصول السورية والجنسية السويدية والذي يلعب لحساب نادي أسيريسكا السويدي في دوري الدرجة الثانية، في سابقة هي الأولى من نوعها للاعب كرة قدم سوري. ..

لفت لاعب وسط اسيرسكا السويدي "جورج مقدسي" أنظار كشافي نادي تشيلسي أثناء المباريات التحضيرية لنادي أسيريسكا، والتي يقوم بها استعداداً للموسم الجديد، وقال مقدسي لصحيفة (إل تي السويدية): "أراد نادي تشيلسي التعاقد معي الصيف الماضي ودعوني للخضوع للاختبارات في العاصمة لندن ولكني تعرضت لإصابة منعتني من السفر".

واكد جورج مقدسي مواليد عام 1991: "عاد الفريق اللندني يفاوضني من جديد بعد الأداء الذي ظهرت به في المباريات الودية مع أسيريسكا، وطلبوا مني ارسال اسطوانة خاصة بي وقمت بارسالها بالفعل وعليه سيتم متابعتي من خلال كشاف تشيلسي في الفترة المقبلة".

واشار اللاعب إلى أن هناك عدة أندية اوروبية تفاوضه أمثال "نيو كاسل يونايتد" وهو يتمنى الانضمام للدوري الإنجليزي في اسرع وقت لحبه الشديد للحياة هناك وطريقة اللعب.

في نفس السياق اكدت الصحيفة المذكورة أن كشاف نادي تشيلسي تابع مباراة أسيريسكا الأخيرة أمام هاماربي ثم مباراة منتخب السويد للشباب ضد نظيره التشيكي، ما يوضح نية تشيلسي على التعاقد معه في اقرب وقت.

جدير بالذكر أن مباريات دوري الدرجة الثانية في السويد ستبدأ يوم غد الأحد، وسيلعب أسيريسكا أمام نادي ترولهاتن.
منهل الجاحد درعا في May 08 2010 17:52:48
فجوره مفكر هو مدرب كبير من قلة العمله انت موجود بس بس يصار في عمله مع المنتخب من الصبح بتروح على البيت
فادي في May 08 2010 18:11:52
علينا تبديل فجر بأقصى سرعة وسوال ها هناك مدربون من أصول سورية إذاكان هنا علنا أنحضرهم لمنتخب
أسيرالصمت في May 08 2010 18:48:12
والله صار فجر شر لابد منه ولازم حاليا ندعمه وبالنسبة للمحترفين ...اللي بدو بوسة ايد حتى يخدم بلده بالناقص منه
سوري باعتزاز في May 08 2010 19:08:04
عيب والله عيب مين هاد فجر حتى يتلاعب بمشاعر 20 مليون سوري مو حرام سورياماتاخد كاس اسيا ولا مرة ولا بنناهل لكاس العالم بتاريخها مو من حقنا نفرح ونرفع راس سوريا والله شي بيجلط شو راح ينقص من قيمتك سيد فجر لو رفعت التليفون وحكيت معون روح شوف الدول المجاورة كيف صار مستواهم وبيجيبو لاعيبة اجانب وبيجنسوهون عشان يرفعوا راس بلدون ونحنا ياحسرة عندنا لاعيبة سوريين ومابنتنازل نحكي معون تليفون والله مسخرةةةةةةةةةةةةةةةةةةةةةةةةةةةة
أبو صالح من أريحا في May 08 2010 19:59:23
ياجماعة ... ما بدو يكون بيعرف يتفرج ع اللاعب بالأول ... حتى يعرف يقيمو ... ويعرف أنو بيخدم أغراضو التكتيكية ولا لأ، يا جماعة ... يجب على الجمهور السوري اتخاذ خطوة حاسمة للتخلص من هذا السرطان المستشري ... يارب يارب يارب..
عاشق الجيش والريال في May 08 2010 20:13:54
يا ترى يا فجر مطول انت وواقف بشو عمتفكر مفكر حالك شي مدرب كبير والله خرجك تدرب درجة3 عنا منتخب بيلعب بدون مدرب يا فجووورررررررررررةةةةةةةةةة
عاشق الجيش والريال في May 08 2010 20:15:10
يا ترى يا فجر مطول انت وواقف بشو عمتفكر مفكر حالك شي مدرب كبير والله خرجك تدرب درجة3 عنا منتخب بيلعب بدون مدرب يا فجووورررررررررررةةةةةةةةةة
مصطفى في May 08 2010 20:37:59
بدنا ابو شاكر او نزار محروس انعمش
عمر في May 08 2010 23:05:12
ياأهل الموقع كأنوأنتورجل كرسي وماعبتساوواشي إلاالكلام الفاضي طيب اعملو شي للبلدوإلااذهبوانتم وفجروكل الكذابين إلى الجحيم وحاج ضحك على اللحاولازم نجن بالأصل مايكون عناكرة أبداأرجوالنشروالردياأهل الموقع إذابتحسنوتردو عاشق الموقع بس بلافائدة وأسف عالإطالة
سوري مغترب في May 08 2010 23:34:45
عتبي على القيادة الرياضية الساكتة على مهزلة فجر وندائي للقياة السياسية للتدخل ووضع حد لمهزلة فجر ابراهيم..
ياسيدفجر سمعة الوطن وقائد الوطن ورفع علم الوطن ومصير20مليون سوري أهم منك ومن تاريخك
/ لك انت مين ؟! شوتاريخك؟!
سوري مغترب في May 08 2010 23:49:45
السادة القائميين على الموقع المحترمين
من المؤكد بأنكم تحبون هذا الوطن وقائده ونحن السوريين المغتربين نتشارك معكم في محبة وطننا الغالي سوريا وقائده المفدى سيادة الرئيس بشار حافط الأسد ومصلحتنا جميعا سمعة ورفعة وطننا الغالي
لكن سؤالي لادارة الموقع لماذا لاتتوجهون بمطالبنا نحن
السوريين الغيورين على سمعة بلدنا وقائده للقيادة الرياضية ممثلة بسيادة اللواء موفق جمعة أوحتى القيادة السياسية ممتلة بالسيد الرئيس - نحن ننادي من أحل سمعة وطننا وقائده والمحترفون هم اضافة مهمة جدا لمنتخبنا الوطني ( أقول الوطني- وليس منتخب فجر ابراهيم وأمثاله الذين يضعون مصلحتهم الشخصية فوق كل شيئ) أرجو النشر
إبر مخدرة في May 09 2010 02:28:52
ذكرة سابقاً ومازلت أقولها فجورة مدرب الواسطات وليس المحترفين
ابن سوريا في May 09 2010 03:30:44
بشكر أدارة الموقع على هذا التوضيح وفعلا فجر أين هو من مدربينا الوطنين وليس من المدربين العالمين أين هو من أبو شاكر ونزار محروس وكيفورك مردكيان وعبد القادر كردغلي ومحمد جمعة وووووووووووووووووووو الخ
أتمنا من أدارة الموقع عمل استطلاع حول رغبة الجماهير السورية ببقاء فزورة مدربا لمنتخبنا الغالي عسى ولعلى يلقى صدأ لدى قيادتنا الرياضية وحتى لو فشلنا يكفينا شرف المحاولة فقط كرما لعيون المنتخب الوطن الذي هو أغلى من فجر وأمثاله
ياشباب مو هيكككككككككككك في May 09 2010 04:44:50
السيد فجر براهيم اكبر بكتير من انو يتصل بالاعبين او يترجاهون ليلعبو للمنتخب لان بي قناعتو ان قادر يعمل كلشي من دونون شو نسيتووووووووووو انو فاز على لبنان 2-0
عاشق المنخب في May 09 2010 05:44:23
طالما في ناس عمتخرب الرياضة السورية مارح يصير عنا منتخب كويس
لانو عنا لعيبة منعمل فيهن احلا منتخب اوروبي بس بدك مين يجيبن
أبو حمادي في May 09 2010 10:30:10
كرمال الله يا سيد فجر حل عن ضهرنا وضهر المنتخب يا رجل وأشك بذلك لو عندك دم ونخوة وؤجولة استقيل يا أخي الجمهور السوري بأغلبيته لا يريدك مدربا للمنتخب
عبدالرحمن الجيشاوي في May 09 2010 11:18:15
والله الموقع هاد بيتحمل مسؤولية اي خسارة لمنتخبنا بالنهائيات الاسياوية والسبب تحطيم المعنويات اي مدرب بالعالم بيستدعي اللاعبين بشكل رسمي متل ما صار باللاعبين ال5 اما عن المقارنة الضعيفة اللي عملتوها بين مدربنا ومارادونا الرد بكل بساطة مدرب معاشع 70 دولار من وين بده يجيب حق تذكرة الطيران اما مرادونا معاشعه لا يقل عن 10000دولار يعني بس حبيتوا تقارنوا قارنوا بشفافية وانا مع المدرب فجر لانه مظلوم منكم ومن اتحاد كرة القدم السوري ومن كتير ناس ما الها علاقة بالكرة السورية
الى عبد الرحمن الجيشاوي في May 09 2010 13:17:07
اشك ان تكون تقيم في سوريا....70 دولار شو هوي عم يشتغل بشي سوبر ماركت توصيل طلابات....صحيح هي قدراتوا لن تصل ولن تصل ليعمل في سوبرماركت...ولكن حسب معلوماتي راتبه لا يقل عن 800 دولار غير حوافز ومكافأت ونهب والسرقة والسياحة المجانية التي يستفيد منها...بصراحة لا نريده ولوا يدفع من جيبه..وان كنت تدعونا باننا لا نعرف عن الكرة السوريا... فاننا نعلم اكثر من اتحاد الكرة والمدرب فجر...وذلك بكل بساطة لأننا وطنيون نحب الوطن الغالي ...ولن نكون مثل فجر واعونه الذين ليس لديهم الحس الوطني والمسؤولية اتجاه الوطن..واتحداك لو كان لديه حس وطني هو واعونه.. فليستقيل فورا ان كان رجل بحق..وانا اكيد انه لن يفعل لانه باختصار ليس سوري بحق وقبل ذلك ليس برجل هو اشبه ليكون اي شيء غير انسان
أبو هادي السوري في May 09 2010 14:21:13
رد على عبد الرحمن الجيشاوي
حبيبي بحب طمنك أن تذكرة الطيارة مدفوعة من اتحاد الكرة ،وبالنسبة للراتب حتى 70 دولار كتير على هيك مدرب
وبالنسبة للمقارنة مع مارادونا أنا معك لأنو شو جاب فجورررررررة لمارادونا
سمير اليوسف حميمات الداير في May 09 2010 14:37:13
أتمنى من ادارة الموقع اجراء مقابلات مع اللاعبين المحترفين حتى نعرف رأيهم إذا بدهم يلعبوا مع المنتخب وشوا رايهم بالمنتخب وبفجر وليش نحط الحق على فجر ليش وين القيادة الرياضيه وين لطفي الأسطواني مايتكم عن المنتخب أرجو الرد
مرشان الجانودي في May 09 2010 15:33:44
يعني ليش فجر كرهان هاللاعبين المحترفين كره فظيع ما عمب أعرف وكل يوم بحط حجة يوم أنه رجل مؤسساتي ويوم أنن بدن يحلوا مشاكلن على حساب المنتخب وغيرا من الحجج التافهة يعني يقلنا السبب الحقيقي ولا يلف ويدور ويشبعنا كذب
سوري في May 09 2010 16:29:49
ياشباب مابدنا حكي بدنا فعل كأس أسيا قرب والبطولة قربت ماعاد في وقت لازم نتحرك نسمع صوتنا لأبعد من هون خلي الكل يسمعنا يفهمنا خلينا يد وحدة نتحرك مو نحكي بس خلينا نتحرك بكل مكان بالشارع بالتلفزيون بالجرايد بالنت بكل مكان المهم يوصل صوتنا هذي بلدنا وأرضنا ومنتخبنا والله نفسي أفرح متل غيري والله نفسي بأي بطولة ياشباب نحن الشعب لك نحنا أقوى من فجر و أتحاد الكرة مو كل شي على كيفوا لازم يجيب المحترفين كلهم غصبن عنو لازم
خلينا نسايرو في May 09 2010 18:29:09
الى ادارة هذا الموقع الغالي نرجو منكم التحرك اذا اعتمدنا على فجر مامنشوف ولا محترف اتمنى منكم ان تتواصلو معهم وتقنعوهم باللعب للمنتخب حتى لو لم يتصل فجر فيهم لأن سوريا كلها بدها ياهن نرجو اقناعهم بهذه الفكرة ان سوريا كلها تناديهم فلبو النداء ياشباب
يا متكبر في May 09 2010 18:55:05
ما يجوز هيك بدك هلق تقول رفضوا الدعوة وانتا ما خبرتن
أيمن الرمضان-جيشاوي في May 09 2010 20:01:13
الله يوفق المنتخب
مهران في May 10 2010 02:54:10
ياجماعه فجر مارح يستدعي المحترفين . المشكله ليست العسكريه او غيرها المشكله هي عنصريه واضحه متل عين الشمس
الياس في May 10 2010 14:30:24
سؤال الى الموقع:
فجر يجيد تكلم الإنكليزية؟؟!!
الكلاب تنبح والقافلة تسير في May 11 2010 14:48:46
بينت نوايا فجر والاتحاد الداعم له ....عم يضحكوا علينا ......بدن يحطوا الحق على المحترفين ليش ما اجو بعد الدعوة
فعلا ً يا فجر اذا ما بتسعى لضم المحترفين ستكون اكبر خاين للوطن وللعلم السوري الذي آن الأوان له ان يرفرف
محمود في May 11 2010 16:20:54
لك والله العظيم كنت عرفان لك ماحداعرف يشيلو من المنتخب لك والله والله اذا ضل بالمنتخب لنتبهدل يلعمى ضربو انشالله
الياس في May 11 2010 23:02:11
سؤال
هل يجيد فجر اللغة الانكليزية ؟؟؟؟
اسامة الجيشاوي -السعودية في May 12 2010 11:23:28
السلام عليكم ...
كل الشكر للموقع الكريم اللي عم يتيح النا الفرصة لنعبر عن القهر اللي موجود جواتنا ..؟
كل الشكر للأخ العزيز كاتب المقال وانا معك قلبا وقالبا ..بتمنى لو في ناس متلك باتحاد الكرة يخافو عالكرة السورية أدك ...؟وبالنهاية بدي افهم انهتة شو جاييك من كل هالشغلة غير وجع الراس اساسا ومع هيك ما عم تيأسو ومشكورين ..؟
اللي حابب قولو واللي اكتشفتو انو اللي اسمو فجريلللو مدرب منتخبنا فالج لا تعالج ؟
وما لازم كتير نتفائل في لا هلا ولا بعدين ؟
طالما هوة واثق من قدراتو ؟؟خلينا نتابع المسلسل الكوميدي بنهائيات اسيا ونضحك على حالنا شوي وبحب بشرو للمسيو فجرستون انو حتى الاردن رح تغلبنا وبرياحة يا مسيو فجريللو ؟؟
يعني الواحد يعجز عن انو يلاقي كلمات يحكيا بهيك موقف ..والله تعبنا من الوضع
اكبر مدربين العالم بتتصل باللاعبين ؟؟وسيادة وفخامة فجريللو عم يرفض هالشي ؟؟بس معو حق الزلمة يعني تاريخو الناصع بيمنعو يعمل هيك شي والسي في تبعو ماشالله مع الريال والسيليساو بيمنعو انو يدني مستوا لهيك لاعبين محترفين ؟؟
حابب قللك يا فجريللو انو بالنهاية رح تروح على ...........التاريخ السورية انتى واشكالك السخفاء ؟؟
وانا متفائل انو رح يجي يوم وتتقلع في انشالله ؟وباختصار اوعك تفرح وتفكر حالك قدرت تعمل شي بوصولك لاسيا ؟؟
بالعكس انتة معك افضل لاعبين مرو عسوريا خلال عشر سنين وهدا اللي ساعدك ؟؟ولا انتة حرام عليك تكون بياع بسوق الهال ؟
بس حابب اعرف شغلة يا سيد فجرييلوووووو ؟؟انو انتة الله هيك خلقك ولا انتة كونت نفسك بنفسك
لك امثالك اللي وصلو الكرة السورية للحضيض ..؟بس الحق موم عليك الحق عاللي ربط حمار ستي وفلتك
اخيرا وليس اخرا ..اتمنى لهالموقع الازدهار وبعرف انو هالموقع شوكة بحلق فجريللو وامثالو من دنيئي النفوس اللي سمعة الوطن الغالي سوريا هية اخر همون ؟؟
اذا في حدا بشككك بوطنيتو اساسا بكون هالفجريلللو هاد لانو بصراحة ما بشرفني ولا بشرف اي سوري تكون مواطن من هالبلد ..؟لانو فرجيني تصرف واحد بدل على انك عندك اهتمام بسمعة وطنك ؟؟
بس للأسف .؟؟بقولا طالما هالفجريللو على راس الجهاز الفني لمنتخبنا رح نضل نغني ونقول ..كتر الشطة تجيب بواسير .....
وسامحوني اعزائي واخواني بس لسا ما فشيت قهري منو ..
سامحوني عالاطالة ..كل الشكر للابطال العظماء اللي عم يشتغلو بهالموقع واللي بيستحقو وسام البطولة والشجاعة والشرف من الدرجة الاولى..الله يقويكون كمان وكمان ..
كل التوفيق للمنتخب ..والرياضة السورية ..
اخوكون ابو زيد..
مقرب من فجر في May 13 2010 05:36:35
يا عالم وياناس انا بعرف فجر منيح وبعرف ابنو علي رفقي وقلي انو ابو علي فجر ابراهيم انو بيتوصل مع المحترفين عبر النترنت واليملات بس الموضوع سري وهوي ابو علي متخنق مع نديم الجابي ومدير موقع المحترفين ولطفي الاسطوني وما عميدلي باي تصريح
سوري في May 14 2010 16:09:25
فجر ابرهيم اذا لم تجلب المحترفين ساتكون وقعتك سود
المغترب الحزين في May 15 2010 01:10:02
انا عندي سوال لا الاشراف وصل شي فاكس لا اللاندية يلي عم يلعبوا فيها المحترفين؟
كرماوي للابد في May 15 2010 07:26:15
يا شباب مو هيك القصة
فجورة عندو مفاجئة نارية ....
اصلا هو شو بدو بالمنحرفين باوروبا عندو لاعبين النواعير بيسو كل المنحرفين
وعندو كريستيانو رونالدو كمان (عبد الفتاح الاغا)وعندو شي الف لاعب من امثاله ؟؟؟؟؟؟؟؟؟؟؟؟
ابو الشوش لعبد الله الحمصي في May 17 2010 17:23:33
والله طول ما فجر مع بحياتنا مارح نتأهل عالدور التاني ورح نخسر بلأربعة وبالخمسة
احمد في May 20 2010 13:04:09
لازم يرجع ابو شاكر
ولازم يايحطوا عليه اي شروط
وممكن في يون مكن الايام يصبح مثل المعلم الكبير شحاتة
عوجى في May 22 2010 18:02:32
عالج ولا تفالج الزلمة منتشي بتأهلو على حساب فيتنام ولبنان وتعادلو مع الصين بكرة بتشوفو شو راح يعمل بالسعودية واليابان راح يهزمهم برجا رافع عبد القادر دكة وائل عيان والاعب الخلوق ذو الشخصية المرحة والمتواضعة ؟بعدين مين كل المدربين الي ذكرتهم قدام التافه فجر بحب ذكركم بموقف المدرب عبد الكريم ميتسو بعد مبارة الامارات مع منتخبنا بتصفيات كأس العالم بعد المبارة قدم استقالتو من تتدريب المنتخب الاماراتي وكان السبب انو ما بدو يعيش تجربة محكوم عليها بالفشل مع الامارات وهو متأهل للدور الثاني بالتصفيات ولسا فجر بيحكيلك عن التوليفة بين الاعبين يا جماعة انا شفتا مبارت( منتخبنا )اذا صحت التسمية لانو انا شايف انو هذا منتخب فجر وما الو علاقة بسورية الا الاسم المهم المبارة كانت فاشلة بكل المقايس والمنتخب ما الو شخصية ولا توليفة مثل ما بحكي بالعكس كان منتخب الكويت الي انا بشوفو منتخب ضعيف عم بصول وبجول باللعب احسن من منتخب فجر,واسف على الاطالة نحنا بهالوقت ما بخلصنا منو الى تتدخل الهاي لانو ما في حدا بسورية بيقدر يشلو عن صدورنا وبنصح كل الجماهير السورية ما تتأمل بحدى حتى بال؟
عادل شيخموس جتو القامشلي في May 26 2010 00:37:30
ياجماعة ياجماعة حان القت لجلب المدرب الاجنبي القادر على تقديم الفائدة لكتنا وحاجة زعبرة
سوري عايش بالجزائر في May 29 2010 22:28:57
مرحبا ويعطيكون العافية ياجماعة ممكن بجهودكم تعملو لقاءات مصورة مع اللاعبين المحترفين وتسالون بشكل مباشر اذا فعلا حابين يمثلو المنتخب ساعتها مابيضللو حجة لفجر وممكن تعملو حلقة عليهون مع الاستاذ لطفي الاسطواني ليشوفوها الشعب كلو وشكرررررررررررا
aseif في June 13 2010 23:12:19
ماناك مدرب
ســوري كرمــاوي في June 17 2010 01:03:30
أرجو التعاون أكثر مع برنامج ملاعب الغد .. واجراء لقاءات صحفيّة مع اللاعبين و عرضها على الفضائيّة ..
و لا أعتقد ان الاستاذ اياد ناصر سيبخل في أي شيء
يوسف طايع الحطيني في June 20 2010 19:01:13
ارحل يا أبو الواسطات نشفت دمنا الله ينشف دمك بصراحة انقلع
عبود سوريا القابون في June 21 2010 01:58:22
والله أنو فجورة الشطورة حرام يكون استاذ رياضة مو مدرب منتخب سوريا بس شو بدنا نساوي
صار فجورررررررررة أمر واقع لأنو واسطته كبيرة شوي
وكل هالكلام يلي عم تحكوا ماحدا رح يسمعو
ما إالنا غير نستنى كأس أسيا لأنو بدو يخسر كل المباريات وبعدين <ينقلع>
أبو يونس في June 21 2010 14:33:37
يا شباب الحق مو على فجورة الحق على حط طجورة ولله عيب العالم كلها مابدا أياك أه طير وخلصنا
محمود معصب كتير في June 22 2010 01:53:14
يعني شو مشانك فجر شو مفكر حالك احسن من مردونة يعني كرة القدم رياضة ويلي بيلعب بكرة القدم لازم يكون عندو روح رياضة ما شايف حالو مانو مصدق
عاشق الفراة في June 22 2010 23:59:12
الاه الا يسامحك يا كوارديولا
انس في June 27 2010 00:03:58
محسب حالو اكبر من هدول هوا عنده شهادات اكبر مابتسحمله ينزل مستواه
حريص في June 29 2010 12:43:51
الى الهاوية يا فجر يا فجور فالشعب السوري عليك فجور ,روح نام ببيتك وكول عجور, وربيلك كم قطيع غنم و عجول
محمد في June 30 2010 03:49:48
يا ناس هالمدرب ما خلى لالو محب تقولو مافي غيرو مدرب بسوريه
ياسر في July 06 2010 15:08:10
ولك يافجوره مشكلتك انك ذنب ولك مين انت ومنوين جيت عارياضه مابعرف ولك حل عن هالمنتخب منشان الله وانا بعطيك راتب وانت اعد ببيتك 50 الف بالشهر وهذا رقم تلفوني 0096279554431
أبو مازن الجيشاوي في July 17 2010 22:01:00
شو هاده ولو شي بيملل وكلو حكي على الفاضي
محمد في July 21 2010 17:14:25
يعني ليش ما رضي يطلع ببرنامج الكرة بملعبك يطلع ويفهم الناس شو عم يساوي ويحكي اخبار المنتخب
عمورة في July 25 2010 18:36:16
نصيحة أخوية للاعبين
لا تجو
ســـامــال في July 26 2010 13:39:44
ولله العظيم حرام معقول في عنا متل هيك لعيبة محترفين و ما نقدر نتواصل معاهم و نجيبهم علمنتخب ...

فعلا ً انك مدرب فاشل يا فجوررررر ولله انت ما عندك ضميررررر يلي عم تعملو بلكرة السورية
حمدي قواف في July 27 2010 20:26:04
لا تزعلوا من فجر لانه حتى اليوم لم يستيقظ
ميشو في July 29 2010 14:13:41
اذا لم يلعب المحترفون فحد المنتخب الدور الاول وبعدها تتعالى المطالبات والتصريحات والاسباب ومنهاعلىلسان فجرينهو :1- الكرة فوز وخساره <بالنسبه لمنتخبنا دائما خساره>
2- فترةالاعداد غيركافيه<دائما>
3-نلعب امام فرق محضره بشكل جيد ولعبت مع فرق قوية< نحن لم نلعب مع المكسيك>
4-هناك ايدي خفيه تدخلت بعناصر المنتخب<متعودين>
5-مشاكل اداريه خاصه لا يتم الافصاح عنها<للهروب من المسؤلية>..هذا وسيقدم فجر استقالته اذالم يكعروه
حاجتنا عم نضحك على حالنا في August 01 2010 10:20:57
حاجتنا عم نضحك على حالنا


أصلا فجر ابراهيم مفكر حالو شي مرادونا أو شي يواكيم لوف .... يروح يخجل من نفسو على هالشغل ....
ولو انو ما كتير بتابع رياضة ...
بس بكتفي بكلمة عيب .... عيييييييييييييييييييييب !!!!!!
وأشرفلو يستحي على دمو ويعتزل ويطلع برا .......
الأكبر منو طلعو واستحو ....


بس المتل بيقول ...
اللي استحو ماتو !!!!!


وأن لم تستحي ... فافعل ما شئت !!!!!
ابو العبد الشامي في August 01 2010 18:04:34
لا أعتقد أن هناك مدرب في العالم لايريد للفريق الذي يدربه الفوز ولكن لماذا لانعترف بالواقع ان هناك امور خارجة عن ارادة فجر وادارة المنتخب وحتى اتحاد الكرة اكبر منهم منها مثلا :
موضوع الخدمة الالزامية فهل يمكن لاحد من الاخوة المشاركين في التعليقات ان يحلها؟؟؟؟؟؟؟؟؟
سوري اصيل في August 02 2010 18:28:29
رسالة الى المنتخب لازم كل لاعب نجم سوري يمثل منتخب الوطن والمنتخب مانو لحدا هادا منتخب الوطن كابتن فجر شوف اللاعب اللي بيستاهل ولا تاخد بالاسماء الرنانة جرب نجم الساحل وجدي الخطيب 20 سنةرح بيلزمك هيك لاعب نصيحة هادا بالبلد وما رح يكلفك شي
ميري بهل مدرب في August 15 2010 20:55:04
قد اسمعت لو ناديت حيا لاتعذبو حالكن ماحدا عم يسمع
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق