قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
تضحك على مين بالمحترفين.
Bookmark and Share



بعد مباراتنا مع منتخب السويد والتصريحات التي قرأناها لكل من لؤي وسنحاريب ووالد سنحاريب حول المنتخب توالت على ذاكرتي تجربة المحترفين مع مدرب المنتخب فجر ابراهيم ، فعلى مدار السنوات الثلاث الاخيرة وفجر ابراهيم يحاول استدعاء احد لاعبينا المغتربين الى المنتخب ولكن دون جدوى (باستثناء التجربة الفاشلة في ضم الحارس جورج موسان) ، فمرة عدم قدرتنا في الوصول الى اللاعبين ومرة التزام احد اللاعبين مع أحد المنتخبات الاوروبية للشباب ، لكن الخدمة الالزامية للاعبينا المغتربين كانت دائما السبب الرئيسي الذي اختبئ خلفه مدربنا القدير في عدم التحاق هؤلاء النجوم بمنتخب الوطن ، لكن عندما عرض لؤي شانكو محترف البورغ ادنماركي نفسه للتزامه مع المنتخب في مباراة فيتنام في فيتنام تحجج مدربنا بحالة انسجام المنتخب ونفسية اللاعبين فجاء الفوز المبهر بهدف وحيد.

تذكرت ماقاله لي فجر ابراهيم في احد الجلسات عندما اطلعته بعرض عدد من مباريات محترفينا المغتربين على شاشة التلفاز وعن ضرورة متابعتهم من قبله ، رده العجيب كان بتفضيله مشاهدة هؤلاء اللاعبين على ارض الواقع ورفضه القاطع لمشاهدتهم تلفزيونيا.
وتذكرت اتصالي به قبل سفر منتخبنا الى الصين لمواجهة منتخبها لاطلاعه بتواجد عماد شحادة محترفنا في الدوري السويدي الممتاز في دمشق ، فاجابني بانتهاء المعسكر التحضيري للمباراة وقرب موعد السفر فكيف سيطلع على اللاعب ويختبر امكانياته .
وتذكرت اتصالي به قبل لقاء منتخبنا مع السويد لاخبره عن استعداد الكامل الذي ابداه لي الشحادة للالتحاق بالمنتخب وان الامر يحتاج فقط الى دعوة رسمية من اتحاد الكرة حيث لايوجد اي عائق امام الشحادة للعب مع المنتخب فقد ادى الخدمة الالزامية سابقا ، فماطلني الى مابعد اجتماعه مع الغوتوق مؤكدا أن الموضوع سيناقش في الاجتماع لكنه للاسف لم يعطني اي جواب لابل فضل عدم الرد على اتصالاتي لمعرفة رده فيبدوا أن لارد له بعد أن حلت مشكلة الخدمة الالزامية.

قبل مباراتنا مع السويد صدمت كأي سوري عاشق لمنتخبه بحديث شانكو لاحد وسائل الاعلام السويدية عن وضعه مع المنتخب وعن تفكيره بالاعتزال الدولي بعد الاهمال الذي لقيه من اتحادنا ومدربنا ، والصدمة كانت اكبر بعد حديثي مع والد سنحاريب فعودة ابنه الى المنتخب تحتاج الى اتصال من فجر ابراهيم بالملكي كي يشعروا بجدية الدعوة ، فالسيد فجر ياسادة ياكرام مصر على عدم الاتصال بأي لاعب وهو مااكده لي سابقا فهو يعمل حسب الطرق الرسمية والنظامية.

أنها قصة واقعية لبطل كرتوني يعيش في الخيال دوما .... ويريد أغراق منتخب وطن وقتل أحلام الملايين من عشاقه ويرفض كل نظريات التطور والإبداع الكروي ويريد أن يعيش في قوقعته الخاصة ليحلق دائما في أجوائه الخرافية ومزاجيته الغريبة.
أه يا زمن كم انت قاسي فعلا .. و لاتريد بزوغ فجر جديد لكرتنا .. عندها لابد وأن تبدء إشراقات كروية ولمسات متقدمة نفتخر بها ....

بقلم:ليث بيرقدار - كل الشكر للدكتور.سهيل اسحق
تعليقات
جولاني في January 25 2010 23:44:52
فجر فاسد وانا بشك بوطنيته هو ومن يدعمه
فجر العنصرية في January 25 2010 23:52:08
هل من المعقول ان هذا التافه يلعب بمشاعر اثنين وعشرين مليون سوري.
هل القيادة الرياضية على علم بما يجري.
اليس السبب واضح وهو ان معظم هؤلاء اللاعبون .......
عاشق مدريد في January 26 2010 00:07:19
ما باليد حيله أفكر في بعض الأحيان أن أقوم بأغتيال فجر بس خائف يحسبوا رجال وأكمل بقية العمر بين الأخشاب ليست أخشاب المرمى بل أخشاب السجن
محمد في January 26 2010 00:21:11
لا تعليييييييييييييييييييق ؟؟؟؟؟؟؟؟؟؟؟؟؟؟؟؟؟؟
hassav ch في January 26 2010 00:22:35
بالفعل شي بخجل
اسامه في January 26 2010 00:47:52
شر البلية ما يضحك

يا اخي خلص جناب متل الطناب

ما بدو محترفين .
abu fade في January 26 2010 01:08:38
das ist alles scheisse was in meinem land pasiert
أبو تيَم في January 26 2010 01:40:56
أين موقف المسؤولين عن سمعة الكره السوريه
ابوالشام في January 26 2010 01:44:33
ننتظر من برنامج الكره بملعبك ان يطرح هذا الموضوع لاهميته ولكشف النقاب عن الخفايا التي تدور وراء الكواليس وللاشاره بالبنان الى كل شخص وقف وراء عدم استقدام المحترفين وشكرا
ما بدنا فجر في January 26 2010 01:53:20
مرحبا انا من صحنايا وبصرحا فجر أبرهيم ساكن بحارتنا وانا كل يوم تقريبا بشوفو وبسئلو عن المحترفين وعن المنتخب وبيضل يقلي ما في فايدي من المحترفين اذا فجر ابرهيم مدرب لايستحق المنتخب شاف حالو كتير يوم تعادل مع السويد كانو جاب بطولت العالم وما بينسا كيف خسرنا مع فريق من شرق أسيا متل ماليزيا 4-1 وتعادل مع فيتنام مدرب فاشل فاشل فاشل ولا يعرف بكرة القدم
عبداللطيف خلف في January 26 2010 01:59:06
لا حول ولا قوة الا بالله
عندما نشاهد مافعله الأشقاء الجزائريين بساحل العاج أو المصريين بالكاميرون نفرح لأجلهم كثيرا
و نحزن على واقعنا المؤلم
لديهم رابح سعدان وحسن شحاته
ولدينا محمد قويض ونزار محروس
لديهم كريم و زيدان. . . ولدينا فراس و جهاد و سنحاريب و لؤي و و و . .
إلى متى . . إلى متى ؟! !
احمد الكرماوي في January 26 2010 02:12:03
فجر بحياتو ما بيتغير واحد عديم المسؤوليه
سؤال سمعت انو عنا انديه جاليات بإيطاليا والبرتغال بتمنى التحقق والرد وشكرا عالموضوعيه والوقوف مع الحق (ضد فجر)
احمد الكرماوي في January 26 2010 02:12:27
فجر بحياتو ما بيتغير واحد عديم المسؤوليه
سؤال سمعت انو عنا انديه جاليات بإيطاليا والبرتغال بتمنى التحقق والرد وشكرا عالموضوعيه والوقوف مع الحق (ضد فجر)
أبو علي سقراط في January 26 2010 02:27:19
الحسرة في قلوبنا كلنا , تبتلع أي ابتسامة
أرجوكم أن تفيدونا :
من هو فجر إبراهيم ؟ هل هو من الفضاء ؟ هل تخفون عنا شيئاً ؟
من يقف خلف هذا الظلم الذي يتعرض له المحترفون و نحن و المنتخب و أنتم ؟
إذا كنتم لا تملكون الإجابة على الأقل إرفعوا مستوى الرفض و نحن معكم .
علي الجيشوي في January 26 2010 02:47:25
شباب ممكن تجوبني شو المشكل مع فجر فرهيم
مغترب سوري في January 26 2010 02:49:03
عفوا
اولا عرف عن نفسك عندما تكتب هيك مقال
٢~قدم اثباتات على كلامك
٣~اذا لم تعرف عن نفسك و لم تبرهن كلامك فتكون عبارة محرض لقراء
الموقع ارجو النشر
احمد عاشق نادي امية في January 26 2010 02:50:24
والله الحق ما على فجر ابراهيم بس الحق على الي حط فجر ابراهيم لأن ماحدا في سورية مسؤول وبحب الرياضة على عكس الشعب
علوش ابن طرطوس في January 26 2010 03:08:11
العلة الكبيرة في اتحاد الكرة وفي اللجنة المؤقتة للاتحاد الرياضي الذي يديرها حاليا الفاشل فاروق بوظو
لا يفقهون شي عن الرياضة هالمتخلفين
مرشان الجانودي في January 26 2010 03:13:43
بحب توصللولو هالرسالة لفجر انه طالما متنح ما بدو يضم هالمحترفين رح يضل مكروه مكروه مكروه من قبل الجماهير الرياضية في سورية كلها بما فيهم أنا يلي كنت بحترمه لحد ما تنح وحرمنا من شوفة هالنجوم في منتخبناة حتى ولو وصل للمريخ وهذا مستحيل على هيك اشكال متحجرة فأنت يا فجر تكره الجماهير المحبة للرياضة في سورية بتعنتك على هذا الأمر بحجج سفيهة للغاية
مغترب سوري في January 26 2010 03:19:09
ارجو من مشرفين الموقع ان تكونو بدون انحياز وتكتبو بصدق عن جاهزية المحترفين لانو كل خبر عن لاعب تكتبو انه لعب لعبة رائعة وعرض ممتاز وكان افضل لاعب ولاكن حظو مو كويس وخسر فريقه ٣~ ٠ ارجو ان تكونو دمقراطيين وتقبلو تعلقي لاجل ان يكون موقعكم اعلى مستوه من ان يكون جيد
===============================================
نحن نتقبل رايك ولكن راجع تقارير المباريات تجد كيف اننا ننقل تفاصيل المباراة كاملة وكيف اننا نقيم اللاعب فاحياناً نذكر ان اللاعب قدم مستوى جيد واحياناً مستوى متوسط واحياناً لم يكن في كامل مستواه فنحن ننقل الواقع.
مغترب سوري في January 26 2010 03:49:14
الحق على المسؤلين لانو اي مدرب لازم يكون عندو تجهيزات ومعسكرات تدريب ودعم مادي للمنتخب وبطاقاة سفر متل الناس
وفنادق وطعام كويس وملعب عشب اخضر مو تراب وطين. وشوية مصروف ووووووووووو وبعدها فينا نقول المدرب كويس او لا وبيجوز السيد فجر لا يستطيع دعوة المحترفين لانو غير حر كاملا للاختيار والشكرله لنهائي اسيا
ابن الشام في January 26 2010 03:52:30
ياجماعة الخير أنا عندي حل بشأن هذا الأنسان الكره عديم الأحساس وهو: مناخد من كل مين بيكره فجر 5ليرات ومنخليه يقعد بالبيت وبيقبض راتبه وبالحساب هنك 10000000 مابحب فجر بيصير المبلغ 50 مليون ويروح علبيت =الأستفادة جماعية
***ياعلي الجيشوي بدي ياك تقارن المحروس بفجر أو القويض بفجر أو أو أو أو....................... بس*****
عاشق المنتخب في January 26 2010 03:52:47
أولا: لا يحق لأي أحد التجريح بشخص الكابتن فجر
ثانيا:مين هو عماد شحادة وشو عم يعمل مع فريقه
ثالثا:ما في ولا لاعب محترف جيد بيرضى يلعب مع المنتخب ألا لمصالح شخصية
رابعا:فجر ابراهيم مو أخطبوط هو مدرب وبس ومو من مهامو يجيب المحترفين أو يحكي معن
خامسا:كاتب المقال باسم مين كاتبو وبالنيابة عن مين عم تحكي
سادسا:يلي بدو ينتقد المنتخب لازم يحكي عن المحاسن والمساوء وعلى هاد الموقع ما عم نشوف غير الساوء
مغترب سوري في January 26 2010 03:55:21
شكرا كتير على الرد. واحترامتي وتصبحون على خير
مغترب سوري في January 26 2010 03:58:40
الحق على المسؤلين لانو اي مدرب لازم يكون عندو تجهيزات ومعسكرات تدريب ودعم مادي للمنتخب وبطاقاة سفر متل الناس
وفنادق وطعام كويس وملعب عشب اخضر مو تراب وطين. وشوية مصروف ووووووووووو وبعدها فينا نقول المدرب كويس او لا وبيجوز السيد فجر لا يستطيع دعوة المحترفين لانو غير حر كاملا للاختيار والشكرله لنهائي اسيا
عاشق سوريا في January 26 2010 04:29:22
ليش معزبين حالكن بهل التعليقات
اذا راح فجر بيجي فجر تاني ؟ لانو التشكيلة جاهزة دائما وما بدا تتغير ابدا
نحنا ما بدنا فريق كبير بدنا فريق صغير ويطلع من الادوار الاولى حتى ما نتكلف كتيير ولا نتبهدل مع الفرق الكبار اللي صارفة ملايين الدولارات على فرقهم وعلى لاعبين اجانب جنسوهم ليلعبوا بمنتخباتهم .
مو متل عنا عنا لاعبيين محترفين ونغض النظر عنهم ونتجاهلهم .
وفهمكم كفاية
أدلبي برشلوني في January 26 2010 05:19:47
رسالة الى فجرسون او فجرينهو اذا بتاخد بطولة اسيا ما رح نحبك لك بس شي مرا تعال حضار مباراة بادلب وشوف شو بدن يساووا فيك لانك ما عندك كرامة لو فيك ذرة كرامة بتترك تدريب كلوا بس يا حيف عالي عامل حالوا رجال أخ بس شي مرة شوفك بطريق بالغلط
زعلان عالمنتخب في January 26 2010 05:58:16
فجر عم فرجينا انو هوة بدون محترفين تأهل عكأس آسيا وتعادل مع السويد بدو يفرجينا انو هوة قادر عصنع منتخب بدون محترفين
بالله العظيم هاد شكل منتخب رح ينافس كبار آسيا
مستحيل
رح يدافع ويدافع واذا بدو يحسن اداؤو بدافع بضراوة اكتر
هاد المنتخب بهالصورة هي مستحيل يقارع حدا
منفوت بدنا نلعب مع السويد ودية بدافعو خايفين عالنتيجة وخايف فجر عالنتيجة الرقمية وانبسط بالتعادل وبكون هلأ عم قول "لك شفتو شو عملت خليت سورية تتعادل مع السويد"
عيب ودية ومباراة مفتوحة الواحد بجرب يهجم
بالنسبة للتأهل لآسيا فهو اقل شي كان ممكن يصير بهالمجموعة السهلة
حرام وعيب
انا متأكد انو القائمين عالموقع وبعض الخبرات الرياضية أفهم من لجنة التسيير واللي شافت انو فجر منيح للمنتخب
نحنا مو ضد فجر بس كل شي الو حجمو هي كأس آسيا ولازم كبارا
زعلان عالمنتخب في January 26 2010 06:03:58
بس رد عالمغترب
معك حق بالنسبة للتجهيزات والاعداد
سؤال الك
هاد شكل منتخب ولعيبة منتخب وخطة مدرب "كتير تكتيكية ها"بيقدر يقارع كبار آسيا؟
عمارلولو في January 26 2010 11:12:36
أنا برأيي انو الجمهور السوري هو لازم يقيل فجر من تدريب المنتخب بالتظاهر أمام اتحاد الكرة ومطالبته باستبعاد فجر من تدريب المنتخب واستئصال المعاناة من اساسها
سوري في January 26 2010 12:45:23
رد على عاشق المنتخب

عماد شحادة من احسن اللاعبين حتى لو كان ما عم يعمل شي
احسن من هدول الي بجبلي ياهم من وين ما بعرف
مين قلك هالحكي روح شوف الجزائر وتعلم
وفيك تقلنا شلون ابو شاكر كان يجيب محترفين
طلاع اقرا فوق بالازرق

وهاد الموقع احسن موقع وعاجبنا كلنا

لتكون فجورة
أبو صالح من أريحا في January 26 2010 12:51:58
التخلص من فجر يتطلب التخلص من الذين أحضروه وجددوا ثقتهم به يعني بعد كل الخلافات والفشل اللي سبق طرده من المنتخب أول مرة والشرشحة التي تمت مع إتحاد الكرة الجبّاني ذهب إلى بيت الجبان وعايده في العيد وباس (يده) فأعاده للمنتخب وبعد كل الحملات والدعوات يأتينا الغوتوق ويجدد الثقة به، هؤولاء هم الذين يحمونه، تخلصوا منهم .. تخلصوا منهم .. تخلصوا منهم
مشتاوي في January 26 2010 13:28:45
ياشباب المشكلة اكبر بكتير من وجود فجر بتدريب المنتخب المشكلة بالمسؤلين عن الرياضة لانو هني يلي وضعوا فجر كمدرب وهني يلي راضيين عن تصرفاتو لانو ساكت وراضي بهيك ظروف للمنتخب وبصرااحة ما في مدرب تاني بيقبل بهيك ظروف.انت يا سيد فجر اذا عم تفكر انك عم تضحي وعم تعمل شي كتير منيح لانك راضي بهيك ظروف بتكون غلطان كتير لانو نحنا بحاجة لمدرب يطالب بحقوق المنتخب و ما يسكت عن يلي عم يصير مو منشانو اكيد منشان المنتخب
الحل سهل في January 26 2010 13:42:31
لو كل لاعب سوري محترف بهمو العب بالمنتخب يدفع لفجر 100 دولار كل شهر كان فجر باس رجليهم وصار عندنا منتخب بنافس بكاس العالم ؟بدكم فجر يستقيل ومشان شو سمعة المنتخب بتحلمو المهم عندو الراتب كل اخر شهر بلا منتخب بلا هم
رداً على الفهمان عاشق المنتخب في January 26 2010 14:29:55
أولاً : يحق لجميع المحبين للمنتخب والحريصين عليه بالتجريح بكل شخص عم يضيع أحلامنا وأمالنا ومنهن فجورة
ثانياً : الموقع ماعم يجرح بحدا الموقع عم يكتب الواقع يلي صار / يعني كاتب المقال هيك صار معو بالحديث مع المتهرب فجر /
ثالثاً : عماد شحادة أكيد لاعب متميز ولولا هيك ماكان لعب بأوروبا لأن الأندية الأوروبية مابتجيب مين ماكان
رابعا : المصالح الشخصية موجودة عند فجر وبس وهو بدو المنتخب لأن ولانادي بيرضي يجيب فجر يدربوا وبحب ذكر بالمحترف سنحاريب يلي فضل اللعب مع سوريا على منتخب بلجيكا/ يافهمان /
خامساً : إذا الأخطبوط فجر موهو يلي بيجيب المحترفين مين بدو يستدعيهن يمكن عامل النظافة أو المعاج الفيزيائي/ الظاهر بحياتك مو متابع أخبار مدربي المنتخبات العالمية/ وكيف استدعاهن محمد قويض
سادساً: كاتب المقال كتب الشي يلي صار
سابعاً : ليش مين قال أنو فجر ابراهيم فيه محاسن كلو على بعضوا مساوئ بالتدريب والمحاسن هي أجت من مهارة بعض اللاعبين / فراس جهاد عادل علي دياب ومصعب
محمد الرياض في January 26 2010 15:29:08
الله يحرق قلبك يافجووورة مثل ما حرقت هالمساكين
احمد المغترب في January 26 2010 17:18:18
يا حبيبي
بتكلم مين والناس نايمين
صم بكم عمي فهم لا يعقلون
أمير في January 26 2010 18:12:34
يارب .. جازي فجر إبراهيم على كل الي ساواه فينا
 
محمد في January 26 2010 18:29:52
رسالة الى السيد ليث بيرقدار ليش ماتحاول تتصل برئيس مجلس الوزراء السيد ناجي العطري مو احسن من فجر ابراهيم وشكر للموقع ارجو الرد
عاشق المنتخب في January 26 2010 18:56:44
ردّاً على من رد
أولاً:كلنا من حب المنتخب وبدنا مصلحتو
ثانياً:شو هي الأحلام يلي ضيعها فجر التأهل لكأس العالم(بظن أيامها كان المدرب "محمد قويض" يلي جاب المحترفين)
ثالثاً:التجريح مو من الموقع التجريح من زواره وبيكفي كلمة "فجورة"
رابعاً:إذا كانت المصالح الشخصية عند فجر اباهيم وين دور اتحاد الكرة والاتحاد الرياضي العام
خامساً:سنحاريب لحد الأن مسجل هدف واحد من بداية الدوري يعني فعلاً هداف مرعب
سادساً:محمد قويض كان قبل كل مباراة يحط حجة للخسارة وبعد الخروج من التصفيات حطها بظهر الجمهور وتذكر منيح مقابلتو مع قناة أبو ظبي
سابعاً:أنا عم أحكي هاد الحكي لأني أنا كمان بحب المنتخب وبتهمني مصلحتو وشايف إنو بهي الأوضاع فجر هو المدرب الأنسب للمنتخب وإذا كان ولا بد من تغييرو فلازم نجيب مدرب عالمي شو ما كلف يكلف
عاشق الوطن في January 26 2010 19:01:17
نطلب من سيادة الرئيس الدكتور بشار الأسد التدخل لحل مشكلة منتخبنا الوطني و إبعاد الفاسدين و الدخلاء على كرتنا
زينو الجيشاوي في January 26 2010 21:40:33
هاد فجر بايخ وعم يحاول يستخف بعقول الشعب السوري مفكر المنتخب منتخب يلي خلفو هاد منتخب وطنا ورح نضل ندافع علي حتى يروح فجر البايخ
جوني من القامشلي في January 26 2010 22:56:53
يا شباب ليش توجعوا راسكن عملوا متلي وحولوا لكرة السلة صدقوني اريح علما انوا انا من عاشقين كرة القدم والمنتخب ومن اكتر من 20 سنة متابع دائم للمنتخب ولله لو بيجيبوا افضل مدرب في العالم ما يطلع معوا شي لانوا المشكلة مو بس في المدرب المشكلة الكبيرة في العقليات المتخلفة بس فالج لا تعالج عنا نادي الجلاء بيرفع الراس وشوفوا الفرق بين الفكر الاحترافي والفكر الانحرافي الغبي وازا كان لا بد من كرة القدم عنا الكرامة الاتحاد الجيش وخلوكن من المنتخب شلة حرامية ولا تنسوا الدوريات الاوربية و الشامبيون ليج شي رائع بتريح بالك واعصابك وتستمتع بلاداء الحلو
جوني من القامشلي في January 26 2010 22:56:53
يا شباب ليش توجعوا راسكن عملوا متلي وحولوا لكرة السلة صدقوني اريح علما انوا انا من عاشقين كرة القدم والمنتخب ومن اكتر من 20 سنة متابع دائم للمنتخب ولله لو بيجيبوا افضل مدرب في العالم ما يطلع معوا شي لانوا المشكلة مو بس في المدرب المشكلة الكبيرة في العقليات المتخلفة بس فالج لا تعالج عنا نادي الجلاء بيرفع الراس وشوفوا الفرق بين الفكر الاحترافي والفكر الانحرافي الغبي وازا كان لا بد من كرة القدم عنا الكرامة الاتحاد الجيش وخلوكن من المنتخب شلة حرامية ولا تنسوا الدوريات الاوربية و الشامبيون ليج شي رائع بتريح بالك واعصابك وتستمتع بلاداء الحلو
ماهر في January 26 2010 23:02:51
ياعالم انا عمري عشرين سنة دايما بنقهر من منتخبنا ومابيطلع بايدي شي انا بكره فجر بس انسو رأيي وحدا يجاوبني عن تنزيل حميدي عبد الدايم دياب بركات نزاع اسطنبلي سوا من واحد عاقل مومدرب وادام ايران بطهران رجا صانع لعب وعلى اسلوب لعب منتخبنا ادام السويد يلي عم تبني منتخب ببداياته بيسو ا مية منتخب بالاداء طبعا متل سوريا 4213مو532خطة اللعب بدي جواب مشان الله من ادارة المنتدى او اي شخص شاف تعليقي
رداً على عاشق المنتخب في January 27 2010 13:33:48
أولا : الكل بيحب مصلحة المنتخب وأولهم العاملين بالموقع ويلي كتب المقال يلي أنت جرحت فيه باستثناء فجورة وانا مصر أنو فجر مابيحب إلا مصلحتو لأن لوفيه شوية كرامة بيقدم استقالته بعد كل هالتهجم عليه
ثانيا : الاتحاد الرياضي السابق هو اساس الفساد / الجبان وتاج الدين فارس /
ثالثا :سنحاريب لما استدعي للمنتخب اليلجيكي كان وصيف هداف الدوري - لاتنسى تيري هنري هداف مرعب ولاعب كبير ولحد الآن مع برشلونة سجل هدفين بالموسم الحالي بس بيبقى أفضل هداف بتاريخ الأرسنال وكل وقت له ظروفه
رابعا : القويض استلم بنصف التصفيات وكمان اتحاد الكرة السابق الفاسد اجبروه على اشراك بعض اللاعبين كالعادة عنا بسوريا من 15 سنة ولليوم اتحاد الكرة هو يلي بيحط التشكيلة على كيفو
أخيرا : انا وأنت وكل يلي عم يكتب للموقع منحب المنتخب رغم اختلاف وجهات النظر سيد عاشق المنتخب وانا كمان بضم صوتي لصوتك باحضار مدرب اجنبي وانا بتمنى يكون / كابريني / يلي تأمرو عليه الجبان وأعوانه ياأخي هو وعد بالتأهل لنهائيات 2014 . ليش ما منعطيه فرصة ؟؟؟؟؟؟؟
ردا على عاشق المنتخب في January 27 2010 14:56:36
ما احترامي الشديد لا الك بس شفلك شي رياضة تانية تابعها لان كرة القدم الظاهر انك ما بتفهم فيا شي .اذا كنت انت والسيد فجر شايفين بفكركون الكروي العالي انو المحترفين مستواهم مو منيح و مابيليق بالفكر التدريبي لسيد فجر .يتفضل السيد فجر ويقول نحنا ما بدنا المحترفين و ما يضل يضحك علينا ويحط حجج وهدا الشي يلي طلبوا كاتب المقال
وائل الكرماوي في January 27 2010 23:02:21
ياجماعة الخير الحق مو بس على فجر الحق على القيادة الرياضبة للي شايفي العيب وساكتي (الساكت عن العيب شيطان اخرس)فلا تتاملو كتير والانتخابات للي جاي اكيد راح ترجع نفس الاسماء القديمة وماراح نستفيد شي شوووووووووووووووووووووو بدنا نحكي لنحكي وفجر شو بيقول قال شو هوي عم يشتغل مشان الوطن وعم يتحدى المصاعب وتقول حدى قايلو الزق بالكرسي وتحدى هالمصاعب وشكرا ارجو النشر والرد بانو كيف راح تتم انتخابات الكرة القادمة
===============================================
حتى الان لم يعرف لا موعد ولا الية الانتخابات.
عاشق منتخب الجزائر في January 28 2010 18:03:44
ياشباب شوفو الجزائر وين ومنتخبنا وين ههههههههههههههههههههه والله بضحك وانا عم ابكي شو هاد يا
رشو في January 28 2010 19:04:55
نتمنى عرض اهداف سنحاريب في برنامج ملاعب الغد وشكر
===============================================
في سجل سنحاريب فالاكيد سيتم عرض اهدافه وانتظر قريبا تقريري خاص عن الملكي
مغترب3 في January 30 2010 15:31:57
عندي اقتراحين لادارة الموقع المحترمين

الاقتراح الاول لازم يكون في كتاب رسمي وموجه لسيادة رئيس الوزراء محمد ناجي العطري بخصوص المنتخب ومشاكلو ومشاكل المحترفين

الاقتراح الثاني يا ريت من اذارة الموقع تعمل موضوع خاص عن جميع المحترفين السوريين بكرة القدم ومراكزهم داخل المستطيل الاخضر المنتشرين بكل مكان بأوروبا وأسيا مع صورة كل لاعب فوق التفاصيل لحتى يتم التعرف اليهم أكثر وعن امكانياتهم وبنفس الوقت كدعم لاحضار المحترفين للمنتخب الوطني الأول

ولكم جزيل الشكر والتقدير
أبو عمر في February 02 2010 12:38:02
ياشباب مع احترامي الكامل لكل مدربينا الوطنيين
لكني مع استدعاء مدرب اجنبي على مستوى عالي جدا واطلاق يده في حرية استدعاء وتجربة اي لاعب سوري حتى ولو كان من دوري الاحياء
ومهما كان راتبو عالي اكيد مو خسارة فيه
اما بالنسبة لفجر فما يبدو انو مستخدم نوع التكو اصلي كتير حتى ملزق هيك
يبدوا انو هاد مصيرنا المحتوم فجر ليوم القيامة مدرب المنتخب
الله يسامح يلي كان السبب
عبدالله جاويش في February 06 2010 23:02:18
فجر مدرب درجة تانية ممتاز وأنا بحي سماكق وجه ولك يخرب بيتو ماعندو أحساس والله لو مدرب جاب كأس العالم لمنتخبه وعمينحكا عليه هيك كان موستقال من التدريب بس كان عدا عن الرياضة
ومنين أجيب أحساس يللي مايحس
محمد دشاش في February 07 2010 14:22:03
يا شباب مشان الله تزلولي الرد لانو هاد الموضوع بيهم الوطن كلو
لانو حرام اللي عم يصير
في مؤامرة عم تصير بين اللجنة المؤقتة وفجر براهيم وهي انو فجر رح يوقع عقد طويل الامد بشرط جزائي اكتر من 100 الف دولااااااااااااار مشان ما يحسنو الاتحاد الجديد فسخ عقد فجر ويضل ملزق ع قلوبنا
hiiiiiiiiiiiiiiiiiiiiiiiiii في February 08 2010 02:34:43
يا شباب في غروب بالفيس بوك لمساندة اقالة الكابتن فجر من منتخب سورية فوتوا وانضمولوا
والرابط تبعوا هو :
http://www.facebook.com/group.php?gid=271004429159
عبد الكريم كرماوي في February 08 2010 11:08:41
نرجو عودة محمد قويض للمنتخب
جهاد في February 09 2010 01:54:36
ولك الله يريحنا من هيك مدرب !!

ولك لعمى !!! مابقى يفهم بشي !!
ادهم في February 11 2010 02:55:37
حرام على هيك مدرب يترك افضل اللاعبين السوريين المغتربين بدون دعوة الله يرجع ايامك ياقويض
كل اللاعبين السوريين خير وبركه بس لازم نستعين بلاعبين السورين المغتربين والله حرام تكون مدرب يافجر
منتخبنا بفوز ببركة اللاعبين مش بقوة المدرب فجر لاشكل ولا صوره شوف منتخبنا لما لعب مع الامارات اخر مباراة وفزنا 3-1 كان المنتخب بجد لعب بشكل ورونق بس هلق الله يعوض ويعين اللاعبين
أموية ودمي احمر في February 19 2010 03:19:32
الله يبليك بداء الحكة وماتلائي حيطان000
حسين خصيم في February 21 2010 13:47:12
متى وسوف تأتي في اللاعبين الي بيستاهلو اللعب مع منتخب الوطن(محمود امنة_يحيى الراشد_لؤي شانكو_سنحاريب مالكي_ألياس مرقص) اذا واحد من هدول مابيستحق اللعب مع المنتخب حدا ايرد علي انا لا اريد الا ان ارا منتخبنا الوطني بين الكبار شكرا"
مأمون الحموي - الرياض في February 21 2010 21:21:18
سننتظر , كتب علينا أحدهم في الخفاء ولا ندر ي من هو (مع انه مكشوف ) أن ننجلط بشيء اسمه السيد فجر ابراهيم , و السيد فجر حتى الان لم يقنع احد , فكيف يا سيدي المسؤول الكبير تم اختياره أصلا و من الأساس ؟ هل لأنه سريع و سبق أصدقاءه المتدربين في دورة المدربين , أم لأنه ذو نفسية مكروهة في الوسط الرياضي ومن مصلحتك أن تكون هذه الشخصية متواجدة , كي تخلعها من شرشها حين تسلط علك الأضواء فتقول أهم انجازاتي ذبح السيد فجر ..
لا يجب أن نغضب من السيد فجر . لأنه ببساطة غرر به و ألبس ثوب التخرج الجامعي وهو مازال في الروضة
و الرجل من حقه أن يحلم و يدافع عن وجوده مثله مثل الجميع .
أخيرا .. أقول لهذا المسؤول المعروف تماما و المفضوح عيب عليك أن تقتل برعما يمكنه أن يهبنا مدربا عظيما بعد عشر سنوات و تمزق هذا البرعم كي تستخرج زهرته فلا أسعدته و لا أسعدتنا . . بئس ما تصنع يد العابث بمصير وطنه و علمه الخفاق ..
سوري الاصيل في March 13 2010 17:14:14
يا فجل ابراهيم روح انتحر احسلك وخلي ابو شاكر يستلم محلك.بلكي بيجبلنا المحترفين ويفوزوا ويهدوا الفوز لروحك
سوري الاصيل في March 13 2010 17:20:06
يا فجل ابراهيم روح انتحر احسلك وخلي ابو شاكر يستلم محلك.بلكي بيجبلنا المحترفين ويفوزوا ويهدوا الفوز لروحك
مشجع أندية الشام/معاذ/ في March 27 2010 15:09:11
شو بدنا نحكي ملنا وفجر مستمر بس بدي احمد الله لانو الجمهور بلعبة لبنان حيا كل اللاعبين ولما انذكر اسم فجر على الاذاعة كل الجمهور صرخ بصوت واحد اواواووووو
بمباراة السويد سفقلو شي خمسين واحد من المنصة راح فضح الدنيا انو الجمهور حيا بالملعب على فكرة انا وياكن وكل منتقدي فجر مراهقين بنظرو يعني87%من جمهور سوريا
الحوت الازرق في April 16 2010 16:41:07
كلمة اخيرة لفجورة انت انسان مكروه وماحدة بحبك ولو اجرينا استطلاع للراي العام بصراااااحة الكل ضدك يا فجر الفاسد وعديم الاحساس بلمسؤلية بصراحة كل الاعبين يلي عميعتمد عليم فجر لاعبين هواة ومستواهم مبيسمحلن يلعبو بدوريات الدرجة 4و5 في اوروبا من فراس الخطيب وجر وارجو النشر
مغترب في April 17 2010 18:06:02
عيب والله عيب يافجورة مابتستاهل تكون مدرب حارات شعبية كل العالم بيجيبو لاعبين من مختلف القارات وبيجنسوهون ليرفعوا اسم البلد شوفوا منتخب فرنسا كلو افارقة وغيرو كتيررررررررر وانتا مابتجيب للعيبة هنه سوريين اصلا لازم تستدعي كل المحترفين من برا حتئ نفوز بكاس اسيا ومن هلا بهاد المنتخب راح نطلع من الدور الاول
اهلاوي في April 18 2010 00:24:08
يامدربنا القدير فجرسون مو عيب عندنا كل هدول المحترفين ومابتستدعي الا اربعة منون لازم تستدعيون كلون وتجربون لانو اسؤ واحد احسن من كل هدول الهواة الي بمنتخبنا وكل لاعبينا هدول والله مابيلعبوهون درجة خامسة في اوروبا شو بدنا نقول حرقت قلبنا مابيسير شي مرة تكون كاس اسيا لسوريا والله حرام
IMMORTAL HERO في April 25 2010 13:01:47
YOU ARE BIG IDIOT MR.FAJR I WISH YOU RETIERED THAT WILL BE THE END OF OUR PAIN
مضر معتز عيد في June 11 2010 22:48:35
مورينو الكر السورية ما بهمو رأي حدا بسوريا كلا لانو متل ما بتعرفوا الكؤوس ولانجازات الي حققا أكبر شاهد عقدراتو وهلق اذا حدا زعجو رح يترك المنتخب ويروح ويقبل العرض الفرنسي لتدريب الفريق الأول خلفا لدومنيك

عيب والله عيب مدرب بحياتو ما درب إي نادي أو إي منتخب ولاحدا من الأندية السورية المهددة بالهبوط رضا يجيب هيك مدرب
محمد و علي البارقية في June 26 2010 19:08:09
رجاءً تركوا فجورة بحالو
لعيبتنا أحسن من اللي برا لأنو دورينا أحلى دوري بالعالم 00000
هاهاهاهاهاهاها
كاني في July 08 2010 17:13:01
بدنا المحترفييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين مافي غير هالحل يا غجر اقصد فجر
كاني في July 08 2010 17:13:16
بدنا المحترفييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين مافي غير هالحل يا غجر اقصد فجر
لاعب كره من بره في September 04 2010 16:37:25
سوريا والسوريين لعبه كره القدم صعب يتقنوها لانها صعبه عليهم
اجسامهم وعقليتهم صعبه يفهموها
المشاركة بتعليق
الاسم:


التعليق باستخدام Facebook
أحدث مقاطع الفيديو
اهداف كريستر مع اريس
[2014-05-25]
هدف كيكي على ليفسكي
[2014-05-19]
هدف كيكي على لبييميتس
[2014-05-19]
هدف ملكي على انطاليا
[2013-12-09]
هدف اياس على شتوتغارت
[2013-12-06]
هدف سنحاريب على غلط...
[2013-12-02]
هدف الملكي على قيصري
[2013-11-03]
هدف سنحاريب على قون...
[2013-10-14]
هدف شنكو على يورجوردن
[2013-08-28]
هدف اياس على ديسبورغ
[2013-08-19]

عمر السومة

اللاعبالفريقالأهداف
عمر السومةالأهلي السعودي11
مارديك مردكيانالجزيرة الأردني6
عمرو جنياتالشباب العماني6
شادي الحمويالرمثا الأردني5
أياز عثماندينامو دريسدن الألماني3

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات

النتائج الامتحانية لجامعة دمشق

جامعة دمشق

Shabab Sy

استضافه سوريه

أرخص استضافة سورية

أفضل استضافة سورية

Syria Host

برمجة و تطوير مواقع الانترنت التفاعلية

PHP & MYSQL DEVELOPMENT

نتائج امتحانات جامعة دمشق

Forex - الفوركس

جامعة دمشق - النتائج الامتحانية جامعة دمشق - دليل خريجين جامعة دمشق - فرص عمل جامعة دمشق - سوريا - دردشة جامعة دمشق - أرقام الجامعات - jamaa

جامعه دمشق