قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
تألق متجدد لقطريب.
Bookmark and Share


أجرى موقع المحترفين حوارا سريعا مع لاعبنا علي قطريب المتواجد في الولايات المتحدة ، الحوار كان ممتعا كشف لنا علي من خلاله عن اخر اخبار فريقه وعن شقيقه المتواجد أيضا في بلاد العم سام:


علي قطريب اختار علم الوطن كشارة لقيادة فريقه

نلت جائزة أفضل لاعب في الدوري الجامعات الاميركي القسم الثالث (KIAC) وحاليا لدي عرض من أحد الفرق التي تشكل فريق جديد للموسم القادم سوف اذهب للتجريب معهم والفريق يستعد لدخول دوري المحترفين في أميركا للموسم القادم ، علما انني أنهي دراستي آخر هذا الشهر وبعدها أصبح حراً للعب مع أي فريق.
هذا الموسم سجلت مع جامعة منطقة الجبل سبعة أهداف وتصدرنا مجموعتنا ولعبنا في البلي اوف خسرنا و أنا لم أكن جاهزاً مئة بالمئة لإجرائي عملية جراحية لأنفي قبل البلاي أوف بثلاثة أيام نتيجة كسره في آخر مباراة بالدوري.

أخي حسن أيضاً يلعب بدوري الجامعات وهذه السنة الثانية له ، أول سنة لعب في جامعتي و أحرزنا بطولة المجموعة و البلاي أوف ، أما هذه السنة فلعب مع جامعة أخرى و تأهلوا للبلاي أوف و فازوا أول مباراة و خسروا الثانية وسجل حسان ستة أهداف هذا الموسم.

وهذه بعض الجوائز التي حصل عليها علي قطريب خلال لعب أربع سنوات مع جامعة منطقة الجبل:
أفضل لاعب بالجامعة ثلاث مرات.
أفضل لاعبي المجموعة KIAC ثلاث مرات.
أفضل لاعبي المنطقة مرتين.
أفضل مهاجم لسنة 2009.
تعليقات
Momaka في December 10 2009 15:55:04
يالله بابينتو فلتة هالقطريب الله يوفقو يا رب ويلعب بالدوري الاميركي ويرفع علم بلدنا عالي يارب
عاشق سنحاريب في December 10 2009 16:04:18
لك حاجتكن لسا كل ماطلع واحد عادي

سووه بطل قومي ولاعب فذ

يعني معقول دوري جامعات قوي

لك هاد الي بيلعب بلالدوري اليمني بيكون احسن من قطريب

عنجد عيييييييييييييييييييييب
حرمون في December 10 2009 16:06:02
اذا بدكن اختاروني انا كمحترف في الامارات

لاني العب واحد سوري واسرع واحد بالحارة

عنجد مسخرة لسا كل ماطلع واحد مابيعرف بالفوتبول 1 2 ساويتوه منحرف عفوا محترف
أهلاوي للموت في December 10 2009 16:26:01
الى كل الفهمانين يلي عبيعلقوا:اذا بيكون عبيلعب بحارات اميركابيكون افهم من لاعبينا المحليين بيكفي الانضباط والالتزام واحترام المدرب والادارة وهي بحد ذاتها ميزة عن لاعبينا المحليين يلي ما بيعرفوا من الاحتراف غير المصاري وفهمكن كفاية.....وشكرا للموقع يلي همو الاساسي اخبار لاعبينا المغتربين وليس المحترفين مشان ما يزعلوا الشباب..
عمار في December 10 2009 18:44:32
بالتوووووووووووووفيق للاعبنا المحترف بالدرجة 6 مدري 7
معلومة هامة دوري الجامعات في عنا مثلو ما بتسمعو احيانا شبيحة من حلب جمعو بعضون و نزلو ع الشام فطرو بالميدان بعدين طلعو ع جامعة دمشق لعبو لعبة
هاد يا حبايب دوري الجامعات و هادا القطريب واحد من هالشبيحة
===============================================
دوري الجامعات في اميركا هو دوري منظم وليس كما هو في بلادنا ، حاله حال دوري كرة السلة هناك ومعظم لاعبي السلة الاجانب الذين اتو الى دورينا هم لاعبين دوري الجامعات
عبدالرحمن الكرماوي في December 10 2009 19:27:56
للسطحيين اللي مفكرين انه علي هين :
حبيباتي انا حلف بالله انه اذا انضم علي للمنتخب ليصير منتخبنا اقوى من كل المنتخبات العربية
و سنحاريب لو بصحاله انه يروح ويلعب بامريكا مع علي بكون خير لانه لاعب مستبعد من قائمة نادييه الضعيف حرام يكون احسن لاعب بالمنتخب واذا بتحب يا عاشق سنحاريب ذكرك بالطابات اللي كبه ضد الكويت وايران
واذا كنت يا حرمون عمتحكي هاد الاسلوب اللي ما فيه اخلاق رياضية بتاتا وتقول انه مسخرة انه يكون محترف فهو احسن من سنحاريب اللي طاير عقلك فيه على الاقل بيحكي عربي وبيعتز انه سوري ورفض الانضمام للمنتخ الامريكي كرمال الجمهور السوري يعني كرمالك
AbuOmar في December 10 2009 20:26:32
أخي "عبدالرحمن الكرماوي"
أول شغلة شو أخبارك ؟؟
بعدين أخي ليش عم تقارن سنحاريب مع علي قطريب ؟؟؟
سنحاريب لاعب كبير و حتى لو ما بيحكي عربي بس بيحب هالبلد و فضلنا على منتخب بلجيكا
يللي كان مشارك بالأولمبياد
بالنسبة للقطريب أنا متل ما بعرف من فترة صغيرة حصل عالجنسية الأمريكية معقول بهالسرعة
المنتخب الأمريكي صار بدو يضم لاعب بدوري الجامعات عالمنتخب ؟؟
و ما في لاعب لحالو بيشيل المنتخب حتى عم تقول أنو منتخبنا بيصير أحسن منتخب عربي
بس يلعب بالدوري الأمريكي للمحترفي ممكن يصير في مجال يلعب مع المنتخب بس هلأ في أحسن منو
و خاصة رويز لوان لاعب رائع
اسامه في December 10 2009 21:45:18
اول شي مشكوره ادارة الموقع يلي ما عما تخلي لا كبيره ولا صغيره عن ابنائنا الي بلخارج الا عم تحول تنقل الصوره بأكمل وجه

ويا ريت الشباب الي عم يعلقو تكون تعليقاتهم وانتقاداتهم الهدف منها بناء الثقفه الكرويه لا العكس
سمير في December 10 2009 22:02:52
حبيبي عبد الكرماوي وغيرك من الاخوة ... طول ما حضرتك وكل اللي بيفكروا متلك موجودين ما لح نتقدم اي خطوه ... سنحاريب هادا الانسان الوطني اشرف من هدول الخونه مدعوا الوطنيه اللي عم يمصوا دم البلد وعم يوطوا سمعتو قدام باقي الفرق ... اللي فضل سوريا ع بلد كان لح يقابل اقوى الفرق ,واللي كان لح يخليه يعيش بحياه اكتر من ثريه , واللي كان حيحفظلو اهم شي , وهي (((كرامتو))) ... سنحاريب ولؤي وكل ها لوطنيين فضلوا علمنا ع صدرون عن علم البلاد التانيه .. هدول هنن الوطنيين يا عزيزي مو المتاجريين بالوطنيه , واللي عم يعملوا الوطنيه ستار ليخبوا وراءه خيانتهم وفسادهم ... وسؤالي انت عم تحكي عن سنحاريب لانو مستواه ما عجبك ؟؟؟؟ ولا في شي تاني ؟؟؟؟؟؟؟؟؟ ونحنا منعرف شو هوي ... ياعيب الشوم .. العالم وين صارت ونحنا عم نتخلف اكتر واكتر
عبدالرحمن الكرماوي في December 11 2009 00:35:30
حبيبي ابو عمر اعزرني على الغياب بس بتعرف انت دراستي ما بتسمحلي كتير اخد راحتي على الانترنت وبالنسبة للمقارنة متل ما انت بتعرف اللغة العربية هي لغة لاعبيين المنتخب مشان شفت انت بتصفيات كاس العالم اداء لؤي كان افضل من سنحاريب لانه قادر على التواصل مع اللاعبين وهاد شي ضروري سنحاريب بحب المنتخب بس هل معقول انه لاعب بحب المنتخب يحكي لجريدة بلجيكية انه بدهم ياني احمل اسلحة اولا اذا كان بحب سوريا ما كان حكا هاد الحكي لانه شرف انه واحد يحمي بلده وتانيا هو بده يعمل بدل يعني هاد الحكي مو صحيح من الاساس وتالتا في حال وهاد الشي اكيد صعب انه ما توفر عنده حق البدل حيلعب ببنادي الجيش متل مو صاير باللاعب عبدالرزاق الحسين هلا بالنسبة للاعب علي والله اكدي اكتر من مرة انه حلمه يلعب للمنتخب وكمان انت شايف انه بمنتخبنا نقطة ضعفه الدفاع وصانع الالعاب وعلي بيلعب بهي المراكز واخيرا اللاعب علي قطريب من 3 مواسم وهو بتشكيلة افضل لاعبيين بالدوري الامريكي وانت خير العارفين انه اذا حدا انعرض عليه هذا العرض يعني مع مغريات واللي هي الجنسية وبالمناسبة اخ اللاعب علي بيلعب كمان بالدوري الامريكي وعلى فكرة خبر انه بده ينضم لنادي جديد لسا مو اكيد لانه هو حاطط بباله يلعب بالدوري السوري بس مشكلته انه ما في صلة تواصل بينه وبين النادي اللي بده يلعب فيه وانا اللاعب رويز لوان ما حكيت على مستواه لاعب ممتاز بس انت بقا بتعرف مشكلة اتحاد كرة القدم مع استقدام اللاعبين واذا كان بدك معلومات زيادة تواصل على ايميلي
علي. في December 11 2009 03:48:18
إلى السيد سمير.
يعني بتقصد من حكيك إنو اللاعب علي خاين ومتاجر بالوطنية و ما بتهموا مصلحة الوطن.
سمير في December 11 2009 04:04:01
يا اخ علي ... انت فهمت راي غلط ... انا ما قصدت لاعبينا الوطنيين والخلوقين ... انا اقصد عصابه اتحاد كره القدم ومن يقف وراءهم ... واقصد من يحتمي بهم لينشر الفساد باسم الوطنيه
حرمون اوعاشق سنحاريب لاننن نفس في December 11 2009 05:53:17
بدي قول للاخ الكرماوي
انو سنحاريب بيب بيب كبيييييييييييييييير

وعيب تصير انت وغيرك تقارنوه بلاعب فريق جامعة

وتانيا من وين لوين لياخد القطريب مكان في منتخب امريكا

لك شو نسيت انو 90بالمية من منتخب امريكا محترفين باوروبا

يعني امريكا القديمة بالفتبول انتهت وهلق صاير هاد المنتخب يمكن من اول 20 منتخب بالعالم

يعني ما احلاهن يجيبو لاعب فريق جامعة وسوري ويشكوه بالقائمة تبع كاس الكونكاكاف

وانا ما بعرف ليش عم تتمسخر على سنحاريب لانو شكا لاحد الجرايد البلجيكية يعني لانو قال الحق زعلانين منو

لك حبيبي هاد جندي للوطن جوا الملعب ومو مساوليته متل ماقال فعلا انو يحمل سلاح وتانيا هو لو بايع الوطن كان قبل عرض شركة بووما وشارك مع اعرق الاندية الاوروبية او حتى لعب مع الاولومبي البلجيكي وبعدين احترف متل ماصار مع الاعب المغربي مروان فيلايني لاعب نادي ايفيرتون

وانت كمان عم تذكرني بالطابات الي نكبت قدام الكويت وايران وانا بقلك انو مو معقول لاعب بيلعب في شمال
اوروبا الي بينزرع فيها العشب الصناعي مشان يقدرو يلعبو عليه انو من اول او تاني مباراة يجيب جول في هيك جو متل الزفت ومع لاعبين ولا بحياتو بيعرف عنن شي ومع ادارة منتخب عالمية حتى مستلزمات رياضية متل البشر ماعندا لك ازا لبسنا من العصر الاموي ومابيغسلوه متل ماقال سنحاريب الا قبل المباراة بعدة ساعات لك حااااااااااااج

ولساااااااااااااا الحكي كتيييييييييييير خلينا ساكتين احسن
عبدالرحمن الكرماوي في December 11 2009 17:16:41
رسالة للكل حبيباتي الرياضة اخلاق قبل كل شي وانا بدوري بعتذر اذا كنت حكيت حكي غلط على سنحاريب بس كمان ما فيكم تحكموا على حدا مين ما كان بدون ما تشوفوه وانا تابت مبارة للاعب علي ومستواه وبغض النظر عن الدوري اللي بيلعب فيه كبير كتير كتير مرة تانية عفوا
الوجد في December 12 2009 07:28:32
مسا الخير علي القطريب لاعب جيد انا اعرفه معرفة شخصية ورأيت مهاراته وعندما كان في سوريا تمت مفاوضته من قبل الكرامة للأنضمام للناشئين الكرامة ولم يتم الأتفاق <أعتذر علي لأسباب شخصية و دراسية> ممكن الأستفادة من خدماته في المنتخب الألومبي و في حال أثبت جدارته يمكن الاستفادة منه في المنتخب الأول وشكراً
حرمون في December 12 2009 12:25:47
بتعرفو ولا مابتعرفو يا (الوجد) المهم انه ما بقدر طموح الجمهور السوري كمحترف

مااحلانا عم نجيب محترف في فريق جامعة وغيرنا من المنتخبات حتى العربية عم تجيب محترفين من لاتسيو-رينجرز-ميتشلن-سيينا-مرسيليا-بوردو-فولسبورغ وغيرها من الاندية الاوروبية
عمر عاشق لولو في December 12 2009 15:25:19
يللا تخانئو وشمتو العالم فينا اكتر ما هني شمتانين
عاشق سوريا في September 28 2010 04:06:44
شو رح نستفيد من هل الحكي اذا ما لعبو لمنتخبنا
اللاعب بعرففو في October 09 2010 23:43:38
الى اداراة الموقع مو مين ما لعب مع فريق حارات صار محترف هادا اللاعب مالو علاقة بالقدم
المشاركة بتعليق
الاسم:


التعليق باستخدام Facebook

الجماهير السورية

اللاعبالفريقالأهداف
عمر السومةالأهلي السعودي18
أحمد عثمانتاسمان يونايتد النيوزيلاندي7
محمود المواسأم صلال القطري8
عمرو جنياتالشباب العماني7
شادي الحمويالرمثا الأردني10

استفتاء الاسبوع
ما رأيك بتحضيرات منتخبنا الوطني الأول للمشاركة في نهائيات كأس آسيا -الامارات 2019-؟

ممتازة
ممتازة
14% [8 أصوات]

جيدة
جيدة
41% [23 أصوات]

مقبولة
مقبولة
34% [19 أصوات]

سيئة
سيئة
11% [6 أصوات]

أصوات: 56
البداية: 03/12/2018 15:14
النهاية: 03/01/2019 14:36

أرشيف الاستفتاءات
ترتيب المنتخبات