قسم كرة القدم
اللاعبين السوريين المحترفين
المحترفين الشباب والناشئين
المدربين السوريين في الخارج
مقابلات الموقع
أخبار المنتخبات
أخبار المحترفين
تقديم المباريات
نتائج المباريات
أخبـــار المدربين
مباريات المنتخبــات
قسم كرة السلة
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة السلة
قسم كرة اليد
اللاعبين السوريين المحترفين
المحترفين الشباب والناشئين
المدربين السوريين في الخارج
أخبار كرة اليد
قسم الميديا
ألبومات الصور
ألبومات الفيديو
أرخص وأفضل استضافة سورية
  ::
تعادل فييتنام يضيع فرحة التاهل للنهائيات!!!
Bookmark and Share



صور المباراة بعد قليل

اليوم ورغم تأهلنا للنهائيات الاسيوية بعد غياب طويل لم نشعر بفرحة ومتعة ولذة هذا التاهل فاداء ونتيجة منتخبنا اليوم امام نجوم فييتنام قتلوا هذه الفرحة ، ورغم تصريحات الابراهيم خلال المؤتمر الصحفي الذي سبق المباراة والتي دعت الجمهور للتفاؤل والتي قال فيها انه سوف يجمع الاداء والنتيجة الايجابية خلال هذا اللقاء لاسعاد الجماهير , لكن العكس هو الذي حصل حيث ربط فجر بين الاداء السلبي والنتيجة السلبية طوال مجريات المباراة.

فعلى استاد حلب الدولي وبحضور جماهيري قليل بدات المباراة بجس نبض من كلا الفريقين وكانت اولى الفرص للخطيب من ضربة حرة لعبها فوق المرمى, عاد بعدها فراس ليحاول مرة اخرى بتسديدة سهلة للحارس, حاول بعدها عبد الرزاق الحسين بتسديدة مرت بحوار المرمى ، ليتالق بعدها البلحوس بابعاد اولى الفرص الفيتنامية, وكانت ابرز فرص منتخبنا بهذا الشوط عبر تسديدة جهاد الحسين الرائعة على اعتاب الجزاء مرت بجانب المرمى, لينتهي النصف الاول من المباراة بالتعادل السلبي من دون اهداف كما كان الاداء سلبياً من كلا المنتخبين.

ومع بداية الشوط الثاني اعتقد الجميع ان منتخبنا سوف يظهر بصورة افضل في هذا الشوط لكن الوضع لم يتغير حيث بدا لاعبو منتخبنا بالربع ساعة الاولى تائهون تماماً بارض الملعب ولم يشكلوا أي خطورة على مرمى الحارس الفيتنامي وانحصر اللعب في وسط الميدان ، مما دفع فجر بالزج باللاعب محمد الزينو لاعب فريق راه اهن الايراني بديلاً للاعب معتز كيلوني في محاول لتحسين صورة المنتخب لكن هذا التبديل لم يكن له أي تاثير على المنتخب حيث استمر اللعب بطريقة عشوائية, ليطرد بعدها الحكم اللاعب الفيتنامي فين لي بعد اعتراضه لتمريرة الزينو البينية بيده ليشهر الحكم العماني عبدالله الهلالي البطاقة الصفراء الثانية للاعب الفيتنامي.
وتاتي بعدها اخطر فرص المباراة للمنتخب الفيتنامي بعد انطلاقة سريعة لاحد لاعبي فيتنام والذي لعب كرة بينية رائعة لاحد زملائه والذي انفرد بشكل تام بالمرمى لكنه لعب الكرة بطريقة غريبة للغاية بجانب الشباك, ليزج بعدها الابراهيم برجا رافع صاحب هدف الفوز بالمباراة السابقة.
وفي الدقائق الاخيرة دخل اللاعب ياسر شاهين كبديل للاعب بكري طراب الذي لم يلعب أي كرة عرضية دقيقة, وكان الرافع ان يكرر سيناريو المباراة السابقة حيث سنحت له فرصة بالدقيقة الاخيرة لكنه سدد الكرة سهلة للحارس, لينتهي اللقاء بتعادل المنتخبين سلبياً ومن دون اهداف.

وبهذا التعادل المخيب لامال الجماهير السورية يرفع منتخبنا رصيده الى عشر نقاط من اربع مباريات و يتاهل رسمياً الى نهائيات كاس اسيا القادمة التي سوف تقام في قطر , بينما يرفع المنتخب الفيتنامي رصيده الى اربع نقاط بالمركز الثالث.

تشكيلة منتخبنا بالمباراة :
مصعب بلحوس - فراس اسماعيل - احمد ديب - بكري طراب - عاطف جنيات( ياسر شاهين) - علي دياب - عبد الرزاق الحسين - جهاد الحسين - معتز كيلوني( محمد الزينو) - فراس الخطيب - عبد الفتاح الاغا (رجا رافع) .

لقطات من المباراة :
- لعب منتخبنا بنفس تشكيلة مباراة الذهاب ولم يجري اي تغيير على التشكيلة.
- فاجئ فجر ابراهيم الجميع ولعب بفراس اسماعيل كلاعب ليبرو وترك عبد القادر دكة على مقاعد الاحتياط.
-غياب رجا رافع صاحب هدف مباراة الذهاب عن التشكيلة الاساسية اثار عديد الاسئلة.
- غاب عن المنتخب كل من : وائل عيان - بلال عبد الدايم - حمزة ايتوني بسبب الاصابات.
- تابع المباراة جماهير قليلة شجعت المنتخب طوال اللقاء.
- قاد المباراة الحكم العماني عبد الله الهلالي.
- بدا لاعبو منتخبنا تائهون بارض الملعب طوال مجريات اللقاء.
- اعترض لاعبو منتخب فيتنام على طرد اللاعب فين لي بعد قطعه لاحدى هجمات المنتخب بيده.
تعليقات
ابن طرطوس في November 18 2009 18:56:09
يا شبااااااااااااب لازم نطالب باقالة فجر لااااااااااازم
اللي مع اقالة فجر يكتب 1 والماشي 2
الى ادارة الموقع الكرام مشكورين عالجهد وعندي اقتراح :شو رايكن تعملو استفتاء
من يؤيد اقالة فجر ومن ضدها شو رايكن دام فضلكن
القناص20 في November 18 2009 19:10:09
حرام................كل ما بدنا نفرح ...............................بطيروا الفرحة
وين المحترفين؟؟؟؟؟؟؟؟؟؟؟
وين الأداء والنتيجة؟؟؟؟؟؟؟؟؟؟؟؟؟؟؟؟؟؟؟؟؟
mah9 في November 18 2009 19:20:32
بس فراس اسماعيل ادى مباراة جيدة وانا اعتقد انو هو نجم منتخبنا بهي المباراة

وفجورة برى برى متل الطابة طلاع على برى

ولا طابة بالجول ؟؟؟ليش
ياريت خسرنا وقاموك من التدريب اخ احسن شي
علوش ابن طرطوس في November 18 2009 19:21:25
لك هذا اداء بتسموه يلي لعبوه اليوم هالمنتخب الفاشل ومدربه فجر الفهمااان ؟؟؟
يعني هل هذه تشكيلة يلي لعبت ؟؟؟ يعني من عبد الفتاح الاغا يلي ما شفناه منووووووب وايضا معتز كيلوني يلي ما بيستاهل يكون على الاطلاق في التشكيلة وفراس وجهاد اليوم كانوا متل الجدبان ؟؟؟ وعاطف يلي تعودنا على شوطاته البايخة ؟؟؟ ومحمد زينو اخخخخخخخ من الزينو لو يرجع هداف متل زمان ؟؟؟ وخط الوسط والمدافعين المشتتين بالكامل ؟؟؟ ونجم المباراة الوحيد هو مصعب بلحوس وايضا حارس فييتنام يلي كان متألقا جدا اليوم
يعني عيييييييييييييييب على هيك مدرب وعلى الكادر الفني للمنتخب وعلى اللاعبين يلي كانوا مستهترين جدا وعلى فراس الخطيب على هالاداء المتراجع جدا عن فراس القديم
المنتخب لكرة القدم بدون المحترفين ولا شي
ابن طرطوس في November 18 2009 19:30:19
فجورة جلطتنا
فجورة الى الاقالة ............اقيلوه لمحطم الكرة السورية
مرشان الجانودي في November 18 2009 19:38:36
منتخب فيتنام الضعيييييييف وبعشر لاعبين جارى منتخبنا وأوقفنا على أعصابنا كل الشوط الثاني بس لأنه عنده مدرب مامتل منتخبنا نحنا عنا شبح مدرب أو مجسم مدرب أو هيكل وأخيرا انتهت لعبة ضربة الحظ التي يلعبها علينا فجر ابراهيم لأ ولسا كبر راس عالمحترفيين بأوربا ها ها ها يا فجوووورة شر البلية ما يضحك
محمد شناااااااااار في November 18 2009 20:00:50
1هي الف واحد مو واحد يستر عرضكم يا اخي بعتوها مسج على موبايل السيد المحترم فجر ابراهيم اذا انتا انسان بتحب منتخب سوريا بجد تريك المنتخب وحاجة ديكتاتورية يا اخي كرممممممال الله
The Damascene Guy-22 في November 18 2009 21:06:51
من شان الله كفى حاجة العملى ما بذوق على دمو
بصريح العبارة ما حدا بدو ياك يا فجر كنا ما منحب تدريبك بس هلق صرنا ما منحبك أنت شخصيا
لأنو تصر على التدريب وما أحد يريدك العمى
عبسون في November 18 2009 21:08:22
الرجاء من موقع المحترفين مساندةحملة موقع الكرة السورية ووضع نفس صورة فجر ابراهيم مع عبارة السوريون لا يريدونك
Nothingness في November 18 2009 21:17:15
your fu**ing head doesn't understand that WE HATE YOU FAJIR AND DON"T WANT YOU
ارحل في November 18 2009 21:17:46
فجر الرجاء منك بان تترك تدريب المنتخب لمن يستحق

(رحم الله امرأ عرف قدر نفسه فوقف عنده)

ونطالب بمدرب على مستوى عالي ومن دولة متقدمة بكرة القدم واتحاد رياضي على مستوى عالي يخاف على مصلحة الوطن ومنتخب الوطن الغالي
أهلاوي للموت في November 18 2009 21:32:41
نداء الى سيد الوطن الدكتور بشار الاسد:ارجوك ثم ارجوك ان تتدخل وبسرعة لحل هذه المشكلة فوالله ياسيدي الرئيس صرنا مسخرة لاتحاد الكرة والمدرب وانتة لاتسمح لاي مسؤول بان يضع المواطن السوري محل السخرية والتهميش واعطهم قراراتك بتبديل المدرب والعمل من الان لاستقدام مدرب عالي المستوى والتحضير لاسيا فانت والله العظيم لاتبخل على المواطنين الضعفاء ابدا وهذه من شيم الرجال... وشكرا ودمت سيدا للوطن
اياد الوحداوي في November 18 2009 21:47:51
أول شي حل عن رب المنتخب يافجورة التحفة تضرب انت وهيك لاعبين مالن علاقة بكرة القدم وأسوأ لاعبين بسوريا البيك الأناني فراس الخطيب وبيله جهاد الحسين وصاحب الشوطات الخارقة عاطف جنيات اللي حرام يلعب طابة بحارات حمص وأما المدافعين ضايعين وخاصة أحمد ديب ويرحم أيامك يابكري طراب ماشي على خطى رأفت محمد بالنهاية وأخر شي بوط ماهر السيد بيسوى جهاد الحسين وفجر ابراهيم واليوم أكيد حرمت تلعب أي مبارة بحلب بعد اللي عملوا فيك الجمهور لاعد في شام ولا عاد في حلب روح كمل المباريات بحمص
ابوالشام في November 18 2009 23:09:32
والله انا رميت طوبتك يا فجر حاولت ان اغالط نفسي وادافع عنك حبا بسوريا وبمنتخبها ولكن اليوم لم يعد هناك اي مبرر لبقائك حبا فيك اقول لك كفى خوفا عليك اقول لك ارحل والله شي مشجع مجلوط ومضغوط وواصل حده يفش غله فيك كفاك مكابره عملت يللي عليك وهي امكانياتك فمعك ولو تاهلنا فلن نتجاوز بالنهائيات الدور الاول هي اذا ما خرجنا بفضائح نحن بغنى عنها اما انت يا اتحادنا تحرك وحرك ضميرك حرك حسك الوطني حرك احساسك بالمسؤوليه حرك اي شي بس تحرك حاجه سنين طويله ونحن بانتظار رجل وطني يجلس على كرسي الاتحاد ولكن الى متى الانتظار تعبنا والله تعبنا والله يعينك يا سوريا على ولادك الجاحدين والعاقين واااااااااااااااااااااااااااااااااه يا سوريا
سوريا الله حاميها في November 18 2009 23:58:26
مسخرة سورية كروية ببطولة فجر ابراهيم واخراج القيادة الرياضية

اذا لم تستح فأفعل ماشئت !!!!!!!!!!!!
سوريا الله حاميها في November 19 2009 00:01:55
ما نريدك ما نريدك شعب سوريا ما يريدك

يا فجر يا مهبول يا أخرق يا مسطول

تــــــــــــفـــــــو
م.مؤيد النقري في November 19 2009 00:30:43
رحيل المدرب الحالي هو ضرورة حتمية لا تقبل النقاش..فلو أوكلت منتخباً يضم النجوم التي رأيناها اليوم لأي إنسان بسيط لفعل نفس الشيء..يا جماعة التدريب ليس هو التربع على صدر المنتخب إنه علم وحدس أولاً ثم هو موهبة القيادة والتنسيق والاكتشاف نعم المدرب يجب أن يكون مكتشف مواهب ومقرر لتوليفات المنتخب وطبيب نفسي .و..و. مو يارب تجي في عينو..بعدين والله العظيم ما شفت بحياتي منتخبنا لعب أحلى من تلك الفترة على قصرها لي قاده فيها أبو شاكر الرائع..لكن للآسف من يعطي يجب أن ينفعل وكي ينفعل عليه أن يكون حساسا وبالتالي علينا أن نداريه...
العريق في November 19 2009 01:10:13
فجججججججججججججججججججججججججججججججججر بكفي مسخرة كل مين ايدو الو لا خطة ولا لعب ياعمي اللي استحوا ماتوا يخرب بيتك مابتحس
سوري في November 19 2009 01:52:38
نطالب باقالة المدرب فجر ابراهيم
وبصراحة اليوم يعني احسن لاعب كان حارسنا وحارسهم وفراس الخطيب بس كمان فراس ما كان بمستوى الي تعودنا علي لانو مافي حدى بنفس مستوى كلو عم يطلع عالكرة شلون متمر
لانو فزنا عالارجنتين وتاهلنا في November 19 2009 02:23:02
مبروك التاهل عكاس العالم يافجورة وعقبال الكاس تفوووووووووووووووووووووووووووووووووووووووووووووو
يامن في November 19 2009 02:57:09
اللعبون أكثر من ممتازون والدليل انو لولا مهاراتون العالية وامكانياتون الجسدية الجيدة ما استطاعوا التاهل بغياب المدرب لا خطة ولا تكتيك عليهون عليهون .
واليوم كان نقطة الضعف بمنتخبنا هو الليبرو صانع اللعاب لاعب الدائرة عبد الرزاق الحسين يلي كان لازم ينظم المنتخب بس كان غايب تماما , وهون بيظهر حاجة المنمتخب الاكتر من ماسة لجهود المبدع لؤي شنكو يلي هو أحسن من شغل هذا المركز ومستوى ممتاز .
انا وائق بقدرات لاعبينا وبجهاز فني أجنبي ومشاركة المحترفين . حظوظنا كبيرة لنصف النهائي بكاس اسيا على الأقل
تحيا سوريا
عمرو في November 19 2009 03:01:04
بكرا بكأس أسيا بدنا نتبهدل
م. عمار في November 19 2009 03:42:38
من مباراة الذهاب كتبت وقلت (لنطالب برحيله من الآن بعد مباراة فيتنام في حلب) والآن وصلتوا لكلامي شوهالتأهل يلي بيخجل !!! لأ وعاملوا إنجاز !!! الجزائر بتتأهل ع كأس العالم ومافرحت قد فرحة فجر بالتأهل ع كأس آسيا . ياجماعة الانسان المحترم بيفرض نفسو أبوشاكر جبلنا فوز ع الإمارات بأرضها وبالثلاثة وفجر بيك طلعت أنفاسنا لجنا تعادل سلبي معها بالشام!!! لنفرض أنو لاعب فيتنام الأحول سجل الفرصةالضائعة لهم وخسرنا المباراة شوكنا قلنا. كرة القدم موبس نتائج ولمسات المدرب بتظهر للأعمى بكرة القدم حاجة مسخرة جيبوا أبو شاكر قبل مدة كافية من بقية المبارايات وأعطوه كامل الحرية في اختيار اللاعبين واستدعاء المحترفين وانا واثق أنو رح يعمل مجانا وشوفوا النتائج عندئذ (لاتظلموه وتجيبوه قبل أيام قليلة متل هديك المرة)
sara في November 19 2009 04:10:36
الرجاء من موقع المحترفين مساندة حملة موقع الكرة السورية
انتهت المهمة عالبيت في November 19 2009 04:50:31
لو فريق اقوى من الفيتنام بشوي متل سيرلانكا كنا خسرنا5 صفر خصوصا اللاعب الفيتنامي الفذ يلي روح انفرداة ما بضيعا الا الناشئين يجب اقالة المدرب عالسريع وما نفرح بالتاهل بمجموعة فيا اضعف فرق العالم لو انو مجموعة فيا فرق تحت الوسط اكيد ما تاهلنا كما جرت العادة
خيارات الملك فجر في November 19 2009 04:56:30
فراس اسماعيل لبيرو لازم فراس الخطيب حارس مرمى بحياتي ماشفت لاعب قدم متل رجا من تحت اعرض من كتافو دليل قوة التدريب
صفوان أبوغاوي في November 19 2009 09:51:22
والله لو عندي نادي أحياء شعبية ما رح حطك مدرب يا فجر ابراهيم
شو هالمسخرة
ليش الجمهور قليل والله امام التلفاز ما عاد فينا نشوف مباراة لسورية
يافــــجـــــــــــــــــــــــــــورة شو رأيك تستنى 10 سنوات لتلعب رجا رافع والمحترفين بلكي بتزيد خبرتهم
فجر ابراهيم في November 19 2009 11:41:45
السلام عليكم ورحمة الله وبركاته
اللاعبين لم يعرفو ا كيف يلعبون انا غبي انا غبي انا غبي
هلق بدي ادفع دفعة كبيرة من شان يخلوني
واكيد رح ضل
عبدالرحمن الكرماوي في November 19 2009 12:02:25
الطل ان متوقع فوز منتخبنا الا انا لانه الرحة واجب المنتخب سافر 35 ساعة من فيتنام لسوريا اللاعبيين ناموا بالمطار على عكس المنتخب التايلاندي اللي ما اخدت معه السفرة اكتر من 30 ساعة هي من جهة ومن جهة تانية يا شباب لازم نحترم المنتخب ومدربينه ما قصدي انه نقعد ونصفق اله وبس لا تعو لنشوف مدرب فجر ابراهيم معاشه 25000 ليرة مو فضيحة كيف بده يقدم النا فكر اوروبي باللعب و جمال ورقي وهو ما معه حق ياكل لنهاية الشهر اللاعبين بكل العالم بياخده كصاري لانهم يلعبوا لبلدهم الا بسوريا مشان هيك المحترفن مو سائلين بعد اد الحكي كله لازم نعرف انه الحق مو على فجرواللعية الحق على اتحادالكرة الفاشل ومتل ما عمل موقع الكرة السورية حمة ضد فجر انا بعمل حملة تانية ضد اتحاد الكرة الفاشل بدنا اتحاد يلبي طلباتنا وعلى فكرة لعبة كرة القدم لعبة تكاملية المشجع بشجع منتخبه والمنتخب في اعبيين مسؤول عنهم مدرب عينه اتحاد كرة اللي تعين من قبل نفس الجماهير فلام نحل موضوعنا بدايةمع اتحاد لكرة
freeman في November 19 2009 12:36:11
ما هذا الأداء المخجل ...... في مباراة الصين قبل حوالي سنة ظهر خلل في أداء المنتخب لا سيما في الناحية الدفاعية لكن للأسف في مباراة المنتخب مع فيتنام تكررت الأخطاء نفسها والملاحظ أن فجر أعجز من أن يقرأ المباراة في الشوط الأول فنرى أن أداء منتخبنا يتراجع في الشوط الثاني ايا كان الفريق المنافس......
الحل برأيي يبدأ بانتخاب اتحاد كرة قدم جديد مكون من الكفاءات الكروية والتعاقد مع شركة راعية للمنتخب
تؤمن (مدرب خبير له إنجازاته - معسكرات - مباريات ودية مع منتخبات قوية) وإلا فسيكون الخروج المخجل من كأس اسيا....
dido في November 19 2009 13:17:19
هي الروح اللي تحدث عنها فجورة وبصراحة حافظ عليها فمنتخبنا لعب بروح انهزامية بلا خطة بلا تكتيك
والاهم انو كان عم يلعب بلا مدرب يعني والله لو جابوا اللعيبة قبل اللعبة بيومين ولعبوهم بدون مدرب كان لعبوا
احسن من هيك اقالة فجر عفوا فجورة مطلب وطني وعلى الاعلام اطلاق حملة لجمع التواقيع للاطاحة بهذا
المدرب الفذ وانا متأكد انو رح ندخل غينيس بعدد التواقيع
مغترب سوري في November 19 2009 14:19:47
وقال مدرب منتخبنا فجر إبراهيم : أشكر اللاعبين على ما قدموه رغم ظروف السفر التي عانينا منها بعد /35/ ساعة من السفر وضمن هذه الأجواء يعتبر ما قدموه جيداً وبالنهاية كان هدفنا التأهل وحققناه ولم نوفق بالتسجيل نظراً للعامل النفسي الذي كان فيه اللاعبون تحت ضغط نقطة التأهل بعكس فيتنام التي لعبت مرتاحة نفسياً أما بطء هجماتنا فذلك يعود للأندية التي تلعب بالدوري وبعد /6/ أسابيع من عمر الدوري الحالي لم نشاهد كرة قدم متطورة وحديثة . منقول من صحيفة الثورة. بربكم هذا مدرب منتخب ولا حم..... لازم يكتبوا على جبينه مدرب مشان تعرفوه
المنتخب اولا في November 19 2009 15:40:01
الحمد لله اننا سوف نتواجد في كاس اسيا هذا الاهم والمنتخب يتطور بشكل مقبول والنتخب يستطيع الفوز حتى بدون اي محترف نعم و
ذالك مافعله الكرامة الفريق العريق بلكرة السورية تمنياتنا بلفوز و ان يقدم المنتخب يقدم مباريات جيدة تكتيكيا .........وتمنياتنا بتويج جهد الاعبين بالفوز بكاس اسيا
ابن الشام في November 19 2009 15:45:07
أنا مع اللاعبين المحترفين
بس اذا اجو لؤي و سنحاريب شو رح يقدرو يعملو لحالون طالما فكر اللاعب ما عم يطور
بالعكس عم يرجع و أكبر دليل فراس الخطيب للأسف.

شفنا فجر على قناة الدنيا عم يطلب اللاعبين بالاستمتاع باللعب - هلأ بعد المباراة هو استمتع
و الجمهور مستمتع هلأ
وين المحترفين ؟ في November 19 2009 17:26:54
خاب أملي بالاداء و بالنتيجة...... !!
بدنا المحترفين ........
أدهم في November 19 2009 17:59:43
تم استبدال خطة لعبوا بمخ إلى خطة الاستمتاع باللعب
مفكر حالو غوارديولا.
بس عنجد شوووووووووو استمتعنا نحن وشو استمتعو الجماهير بهيك أداء
هاني في November 21 2009 03:58:54
هل بقي أضعف من منتخب فيتام حتى لا نستطيع الربح عليه وبأرضنا وبين جمهورنا
ندااااااااااااااااااااااااااااااااااااااااااااء إلى فجورة تروك المنتخب بحالو فنحن بحاجة لعصر الامجاد
عاشق الكرة السورية في December 11 2009 13:26:02
انشاء الله نقدر نعمل شي بالنهايات لانو شتقنا نشوف الفوز من زمان والله حرم الي عم تعملو بالمنتخب والكرة السورية اولا لازم نغير هل المدرب الي ما بعرف من جابو اول مرة بسمع في لما حطو بالمنخب وبعدين جيبو الحترفين برة وعملو معسكر متل الخلق والعالم وواجهوا فرق قوية تكسبنا الخبرة المفقودة عنا وخلي اللعيبة تتفاهم وتعرف تلعب مع بعضة مو تجيبون قبل اسبوع وبدكون يبدعوا وبعدين اذا مافي قدرة لمدرب اجنبي في عنا الف مدرب وطني احسن من كتير اجانب متل نزار محروس ومحمد قويض لا على سبيل الحصر لكن على سبيل الذكر وفي النهاية اتمنى اني التفرج على المنتخب على قناة سوريا مو على غيرا وتحطوا معلق متل الناس مو محمد ذوالغنا وجوزيف بشور والسلام عليكم ورحمة الله
المشاركة بتعليق
الاسم:


التعليق باستخدام Facebook

الجماهير السورية

اللاعبالفريقالأهداف
محمود المواسأم صلال القطري2
عمر خريبينالهلال السعودي3
أياز عثمانأضنة ديميرسبور التركي1
سارغون أبراهامغوتيبورغ السويدي1
------

استفتاء الاسبوع
ما رأيك ببداية منتخبنا الوطني الأول في التصفيات المشتركة؟

جيدة

مقبولة

سيئة



ترتيب المنتخبات